Naipagtek 21:4 - Kalin Apo Dios

⁴ Awnitna kaanen nan am-in ay gapo ay men-ag-agaanda. Awnit maid et matmatey ya maid menseseg-anganda ya maligligatanda tay am-in ay inom-ommat id kasin et namaidda.”

Naipagtek 21:4 Iomraidhean Croise

Salmo 144:4

Nan biyag di ipogaw et aptiaptik ay kaneg sinkasip-oy et kedeng. Owen, aptik nan agewna ay kaneg nan mamiddan di alin-ew.

Isaias 25:8

Awnit pamaiden nan kangatowan ay apo nan tetey ta adiyet matmatey nan ipogaw et awnitna kaanen nan am-in ay gapo ay men-ag-agaanda. Awnitna kaanen nan kaibabainan di ipogawna. Nan apo ay mismo nan nangwani isna.

Isaias 30:19

Dakayo ay mentetee id Jerusalem et awnit adi kayo et men-ag-aga tay managseg-ang nan apo et no menpabadang kayo ken siya et idngena dakayo.

Isaias 35:10

Awnitda omdan id Jerusalem ay men-gasgasing dadapay menkankanta ya menbogbogaw is gasingda. Et men-gasgasingda et ay eng-enggana tay maid et babawi ya seg-ang ay eng-enggana.

Isaias 51:11

Nan awnitmo isalakan et omdanda id Jerusalem ay men-gasgasing dadapay menkankanta ya menbogbogaw is gasingda. Owen, awnitda nalagsak ay eng-enggana ya adida kasin mensegseg-ang ya menbababawi.

Isaias 61:3

Inbaana gedan sak-en ay mangpagasing ya mangpalagsak isnan menseseg-ang ken daida. Masokatan nan babawida is gasing et kanegda menbado is gasing ya dayaw. Awnitda kan-eg nan makneg ay kaiw ay inis-ek nan apo mismo. Dadat am-in ikkan nan osto et maidaydayaw si Apo Dios

Jeremias 31:12

Isonga awnitda omali ay menkanta id Jerusalem is gasingda. Awnitda malagsakan isnan gawis ay magapo ken sak-en ay kaneg nan pagey, mainom ya lana ya isnan kalnilo ya baka. Gawigawis nan biyagda ay kaneg nan om-a ay mamas-et ay masibsibogan ya adida et menseseg-ang.

Jeremias 31:13

Awnit mensala nan bababai is gasingda ya men-gasing gedan nan lalalaki. Sokatak nan seg-angda is gasing dakpay liwliwaliwen daida ta mamaid et nan seg-angda.

Mateo 24:35

Olay no mamaid nan batawa ya nan wada id daya ngem nan am-in ay kankanak et mawawada kayet ay eng-enggana.”

1 Corinto 15:26

Ngem wada pay nan masapol ay maabak kayet et nan tetey. Tay masapol abes ay kaanen Kristo nan esay boson di ipogaw ay tetey tapno adida matey.

1 Corinto 7:31

Olay nan am-in ay wada isnan batawa et adi tako nemnemnemen ay pilmi tay maid toloyda. Tay awnit mamaid nan batawa ay mentetean tako id wani.

2 Corinto 5:17

Tay nan ipogaw ay maitatapi ken Kristo et kanegda ninlopton tay binmalo nan nemnemda isnan nangtaynananda isnan sigod ay ogalida.

2 Corinto 6:17

Isonga kankanan Apo Dios en, “Taynanyo nan am-in ay ngawi. Adi kayo maipalpaliso ken daida. Am-in ay baken nadalos ken sak-en et adiyo sagsag-enen. No kaneg todi nan ik-ikkanyo et dawatek dakayo ay omali ken sak-en.

Hebreo 12:27

Isnan nangwaniyana ay kasina ipayegyeg nan batawa et ipagtekna ay awnitna maiden nan naay ay batawa ay binoliwna id kasikasin ta sokatana is balo ay adi kabalin ay mamaid.

2 Pedro 3:10

Ngem awnit omdan tet-ewa nan agew ay omali kasin si Kristo ay kaneg nan omaliyan di mangakew tay maid makagtek isnan ommatana. Isnan ommatana et madnge nan lolon nan daya ay maomas ya aped malonag nan am-in ay mentetee isdi dapay mapoowan gedan nan batawa ya am-in ay mentetee.

1 Juan 2:17

Dapay nan batawa ya am-in ay ngawi ay laylayden nan kaipoipogaw et awnitda mamaid. Ngem nan mang-ik-ikkan isnan kayat Apo Dios et matagotagoda ken Apo Dios ay eng-enggana.

Naipagtek 20:14

Dat iwasit Apo Dios san am-in ay natey ay nagapo id Hades ay kad-an di natey. Inbekasna daida isnan anaanawa ay menbidbidang ay apoy. Isonga am-in ay ipogaw ay egay naisolat nan ngadanda isnan liblo ay listaan di ngadngadan di matagotago ken Apo Dios ay eng-enggana et maiwasitda isnan deey ay menbidbidang. Et siya di nan makwani en maikadwa ay tetey.

Naipagtek 21:1

Idi nakwas di daket ilaen ay wada nan balo ay daya ya balo ay batawa tay nan inmon-ona ay daya ya batawa ya nan baybay et namaidda.

Naipagtek 22:3

Isnan deey ay ili et maiwed polos ngawi isnan pangiilan Apo Dios. Tay siya di nan osto ay kad-an Apo Dios ya nan Kalnilo ay mentotolay et am-in ay baan Apo Dios et daydayawenda siya.

Naipagtek 7:17

tay nan Kalnilo ay wada isnan kad-an di tokdowan di ali et siya nan mangbanbantay ken daida ya siya nan mangipangpango ken daida isnan balaan di danom ay mang-ited is biyag ay maid patenggana. Et kaanen Apo Dios nan am-in ay seg-angda ta adida kasin men-ag-aga.” Siya dadi nan kinwanina.