Naipagtek 21:24 - Kalin Apo Dios

^24-26 Am-in nan ipogaw isnan batawa et matanggewanda isnan silawna. Ya am-in ay mentolay et iyeyda nan kinabaknangda isnan deey ay ili ay mangipaila isnan layadda. Owen, am-in nan kinabaknang ya kinadayaw isnan nateketeken ay ili et maeyey isnan deey ay ili. Nan deeyday segpan issan deey ay ili et adida kailiklikep nodi matototokaban ay eng-enggana tay adi kalablablabi isdi.

Naipagtek 21:24 Iomraidhean Croise

Salmo 22:27

Am-in nan kaipoipogaw et nemnemenda nan apo dadapay somagong ken siya ta dayawenda siya.

Isaias 2:2

Is komasin et nan bilig ay nasaadan nan Templon nan apo et awnit siya nan kangatowan ay bilig isnan am-in ay kabilibilig. Et adoado ay nagapo isnan kailiili nan om-omey isdi.

Isaias 2:5

Dakayo ay an-ak Jacob, akayo ta mendaan tako isnan solsolon nan apo ay kaneg silaw ay idyana ken datako.

Isaias 52:15

Ngem id wani et adoado nan il-ili ay masdaaw ken siya ya adi makakali nan aali gapo tay nasngangda. Nan egay nangdenge isnan maipanggep ken siya et awnitda ilaen siya ya awnitda maawatan nan maipanggep ken siya.”

Isaias 55:10

Nan kalik et kaneg nan odan ay magapo id daya ay mangsibog isnan lota danat patobowen nan esek ta wada nan bowa ay kasin mais-ek ya makan.

Isaias 55:5

Id wani et ipaayagmo nan ado ay baken Israelita tay isnan namingsan et egayda gin-gintek sik-a ngem id wani et mentagtagda ay omali ay maitapi ken sik-a. Sak-en nan apo ay Diosmo ay Dios gedan di Israel et awnitak ipaikkan am-in dana daket agtan sik-a is dayaw ya ipangatok sik-a.”

Jeremias 4:2

ya no tet-ewa ya nalinteg nan ikkanyo ay mensapata isnan ngadanko et awnit ilaen nan tap-in di ipogaw ay baken Israelita nan ik-ikkanyo dadat dawaten nan bindisyonko ya mangdaydayawda abes.”

Roma 15:16

Pinilina sak-en ay esay baan Jesu Kristo ay men-obla isnan baken Judio ay mangibagbaga ken daida isnan gawis ay damag ay nagapo ken Apo Dios. Isnan mang-ik-ikkanak is dana et ik-ikkak nan kaneg nan oblan nan mensilsilbi isnan Templon Apo Dios. Nan gapo ay mang-ik-ikkanak is dana et tapno dalosan nan Ispirito Santo daida tapno mabalin ay dawaten Apo Dios daida.

Roma 15:26

Tay nan mamati id Macedonia ya id Acaya et ninemnemda en gawis no men-olnongda is itedda isnan mamati ay makasapol id Jerusalem.

Deuteronomio 32:43

Dakayo ay kailiili, masapol ay patgenyo nan ipogaw Apo Dios. Tay si Apo Dios nan mangdosa isnan am-in ay mangpatpatey isnan ipogawna ya baesana nan mangbosboso ken daida. Ngem pakawanena nan basbasol di ipogawna.”

Naipagtek 22:2

Men-ay-ayos isnan tengan di kalsa isnan deey ay ili. Isnan sinombangil nan ginawang et wada nan kak-aiw ay mang-ited is biyag. Binowan ay bomgasda isonga mamin simpoo ya dowa ay bomgas isnan esay tew-en. Ya nan toboda et daida nan iyag-agas di kaipoipogaw.