Naipagtek 21:11 - Kalin Apo Dios

¹¹ et mensilsilang tay wada si Apo Dios isdi. Nan silangna et kaneg menbelelegew ay silang di nangina ay bato ay makwani en haspe.

Naipagtek 21:11 Iomraidhean Croise

Ezekiel 1:22

Isnan oolowan nan deeyday matatago et wada nan kaneg daya ay nasapo isnan mensilsileng ay kaneg salming ay makwani en kristal.

Ezekiel 1:26

Isnan ngangatowenda id daya et wada nan kaneg tokdowan di ali ay nasapo isnan nangina ay bato ay makwani en safiro. Dat issan deey tokdowan di ali et wada nan kaneg ipogaw ay tomotokdo.

Naipagtek 15:8

Dat mapno nan Templon Apo Dios is asok ay mangipaila isnan panakabalina ya nan kinangatona. Isonga maid makasgep isdi engganay makwas nan pito ay ligat ay ikkan nan pito ay anghel.

Naipagtek 22:1

Nakwas pay di dat ipailan san anghel nan ginawang ay kad-an di danom ay mang-ited is biyag. Menlengleng nan danomna ay magapgapo isnan tokdowan di mentolay ya nan Kalnilo.

Naipagtek 22:5

Adi polos kalablabi isdi isonga adida masapol nan silaw wenno silang di agew tay si Apo Dios nan silawda. Et makitoltolayda ken siya ay eng-enggana.

Naipagtek 4:3

Nan kaiilaana et mensilsilang ay kanega nan nangina ay bato ay makwani en haspe ya karnelia. Isnan tokdowana et liniliwes nan mensilsilang ay kaneg batikaang ay bildi ay kaneg nan bildi ay bato ay makwani en esmeralda.

Naipagtek 4:6

Nan esa pay ay inilak isnan sagang di tokdowana et kanega anaanawa ay salming ay mensilsileng ay kaneg nan makwani en kristal. Isnan sag-en nan kasolisolin nan tokdowan di ali et wada nan epat ay matatago ay winadan Apo Dios et nakikilop nan awakda is kamatamata.