Naipagtek 20:11 - Kalin Apo Dios

¹¹ Nakwas di daket ilaen nan dakedake ay masisilangan is polaw ay tokdowan di ali ya nan tomototokdo. Gapo tay wada siya isdi et namanaid nan naay ay batawa ya nan daya et adida mail-ila kasin.

Naipagtek 20:11 Iomraidhean Croise

Genesis 18:25

Waay adim tet-ewa itapi ay mangpatey isnan gawis! Baken kapapati ay ikkam di! Tay no siya di nan ikkam et maitapi ay madosa nan gawis isnan ngawi. Waay baken di is ikkam tay nan mangbanag isnan am-in ay ipogaw et masapol ay osto nan ik-ikkana.”

Salmo 102:26

Awnitda mamaid ngem sik-a et wawawawadaka. Daida et kanegda bado ay lomogak tay awnitda masokatan ay kaneg nan nalogak ay bado ay adi et maosal

Salmo 47:8

Mentolay si Apo Dios isnan kailiili ay tomotokdo isnan napateg ay tokdowana.

Salmo 89:14

Kinalinteg ya kinaosto nan pegnad di mentolayam isonga layad ya kinamatalek nan ipailan nan am-in ay ik-ikkam.

Salmo 97:2

Liliwesen pay di liboo et mabobolingetan siya. Kinalinteg ya kinaosto nan pegnad di mentolayana.

Isaias 6:1

Isdin tew-en ay nateyan nan ali ay si Uzzias et naipaila ken sak-en nan apo ay tinmotokdo isnan tokdowan di ali isnan Templo ay aap-apan nan kagayna nan Templo. Nangato siya ya madaydayaw.

Daniel 7:10

Men-ay-ayos ay kaneg ginawang nan apoy ay magapgapo isnan kad-ana. Kalibolibo nan wada isdi ay mensilsilbi ken siya ya kamilyomilyon nan tomatakdeg isnan sagangna ay maokom. Dat menlogi nan men-okomanda dadapay bilagen nan deeyday liblo.

Mateo 11:22

Ibagak ken dakayo nan tet-ewa, no omdan nan mangbanagan Apo Dios isnan ipogaw et awnit am-amed nan dosayo mo nan iTiro ya iSidon.

Mateo 24:35

Olay no mamaid nan batawa ya nan wada id daya ngem nan am-in ay kankanak et mawawada kayet ay eng-enggana.”

Mateo 25:31

Intoloy Jesus ay mangwani en, “Isnan omaliyak ay men-ali et mamakkey nan aanghel ta maila nan kangaton Apo Dios ken sak-en daket tomokdo isnan tokdowan di mentolay.

Roma 2:5

Ngem dakayo et adi kayo menbabawi tay menkenteg nan oloyo. Isonga am-amed nan madosaanyo isnan agew ay mangipailaan Apo Dios isnan ligetna ay mangdosa isnan egay nangpati ken siya isnan mangbanagana ay maiyostoosto isnan kaipoipogaw.

2 Pedro 3:7

Ngem inbagan Apo Dios abes ay awnit mapoowan nan batawa. Olay nan daya et maitapi abes ay mapoowan. Ngem sokod omdan nan agew ay kanan Apo Dios en ommatana. Et siya nan makwani en agew ay mabanag nan am-in et am-in ay maid pammatida ken siya et madadaelda.

Naipagtek 12:8

Ngem naabak san dragon isonga inpakaanda daida id daya tay maid kalebbenganda ay mentee pay isdi.

Naipagtek 16:20

Nan am-in ay ili ay liniliwes di baybay et nalimonda ya nan bilbilig abes et namaidda.

Naipagtek 19:11

Maaw-awni pay daket ilaen ay menlokat nan daya dat bomala nan polaw ay kabayo. Et wada nan mensasakay ay kangadan is Matalek ya Tet-ewa tay nan ik-ikkana ay menbanag et ostoosto ya nalinteg nan ikkana ay manggobat isnan mang-ap-apos ken siya.

Naipagtek 20:2

Danat depapen san dragon ay si Satanas ay nan esay ngadana et Diablo. Siya gedan nan ninbalin is oweg ay ninpaila ken Eva id sang-asang-adom. Kinawalan san anghel siya danat ibkas issan lengaw danat itolbek ta adi makaallilaw isnan nateketeken ay ili is esay libo ay tew-en. Ngem no makwas nan sinlibo ay tew-en et masapol ay maipalobos si Satanas kasin ngem sin-awyan et kedeng.

Naipagtek 21:1

Idi nakwas di daket ilaen ay wada nan balo ay daya ya balo ay batawa tay nan inmon-ona ay daya ya batawa ya nan baybay et namaidda.

Naipagtek 21:5

Dat kanan nan tomotokdo isnan tokdowan di ali en, “Id wani et ipabalok am-in ay wada.” Kinwanina gedan ken sak-en en, “Isolatmo nan naayda ay kanak tay tet-ewa ay awnit ommat.”

Naipagtek 4:2

Dat makanapet nan Ispiriton Apo Dios ken sak-en daket wada id daya. Daket ilan isdi nan tokdowan di ali ay wada nan tomotokdo.

Naipagtek 6:14

Dat mamaid nan daya ay kaneg papil is nalolon et maaton nan am-in ay bilbilig ya olay nan bilig gedan isnan tengan di baybay.