Naipagtek 19:8 - Kalin Apo Dios

⁸ ay naagtan is bado ay menpolololaw.” Nan kaiyaligan nan deey menpolololaw ay galot et nan gawis ay ik-ikkan nan ipogaw Apo Dios.

Naipagtek 19:8 Iomraidhean Croise

Salmo 132:9

Nalinteg koma nan ik-ikkan di papadim ya menkanta koma nan ipogawmo isnan gasingda.

Isaias 61:10

Men-gasingak gapo isnan inikkan nan apo tay kanegna pinabadowan sak-en is gawigawis tay inpabadona ken sak-en nan mang-isalakanana ya nan kinalintegna ay intedna ken sak-en et kanegak nan napinapintas ay babai ay menaapang is gawigawis ay nakasagana isnan omayan nan mang-asawa ken siya.

Mateo 17:2

Dat tomeken nan mangiilaanda ken Jesus id isdi tay mensilsilang nan angasna ay kaneg nan agew ya pinmolapolaw nan badona ay kaneg silang di silaw.

Mateo 22:12

Dat kanan san ali ken siya en, ‘Gayyemko, aytay dakan wada isna dakapay egay ninbado isnan pala bodam?’ Ngem aped gomiginek san am-ama.

Marcos 9:3

et pinmolapolaw ay sinmilang nan badona ay maid is-isona isnan batawa

Lucas 24:4

Nasngangda isnan inommat dat mawanada nan doway lalalaki ay mensilsilang nan badoda.

Aapostolis 1:10

Daanda pay ay mangiila id daya dat wada nan doway lalalaki ay anghel ay ninbabado is polaw ay natanakdeg isnan kad-an nan aapostolis.

Roma 13:14

Baken nan ngawi ay kaykayat nan awak tako is palaglagsaken tako. Nodi nan ogalin Jesu Kristo ay Apo tako nan toladen tako.

Roma 3:22

Nan gapo ay mabalin ay gawis nan pangiilaan Apo Dios isnan kaipoipogaw et gapo isnan pammati tako ken Jesu Kristo. Olay kompolmi ay ipogaw ay mamati ken Jesu Kristo et gawis nan pangiilaan Apo Dios ken daida tay maid paam-amdena ken daida am-in.

Naipagtek 15:4

Maid polos adi mangpateg ken sik-a, Apo. Maid polos gedan mang-adi ay mangipagtek isnan kinangatom tay sik-a et kedeng nan kasasantowan. Isonga awnit omali nan ipogaw isnan am-in ay ili ay mangdayaw ken sik-a tay inil-ilada am-in nan ostoosto ay ik-ikkam.”

Naipagtek 15:6

Dat bomala san pito ay anghel ay awnit mang-idya is pito ay ligat isnan batawa. Ninbabadoda is nadalos ay menpolololaw ya nabebedbedan nan pegaewda is nabalitokan ay galot.

Naipagtek 19:14

Nan wada id daya et omon-onodda ken siya ay kanegda sosoldado ay mang-on-onod isnan apoda. Nakabadoda am-in is polaw ay maid polos kilotna ya nakasakayda is polaw ay kabayo.

Naipagtek 3:18

Isonga bagbagaak dakayo ta sak-en di omaliyanyo is omalaan is kaneg kapatgan ay balitok et siya nan osto ay pammati tasiyay tet-ewa ay bomaknang kayo. Omala kayo koma gedan is polaw ay bado ta adi kayo menlalabos ta makaan nan bainyo. Ya omala kayo gedan is iyagasyo isnan matayo tasiyay makaila kayo kasin.