Naipagtek 19:7 - Kalin Apo Dios

⁷ Men-galalasing tako datakopay daydayawen si Apo Dios isnan kangatongatona. Tay id wani nan mang-alaan nan makwani en Kalnilo isnan ipogawna tay naisaganada ay makitee ken siya ay naiyalig isnan makikasal

Naipagtek 19:7 Iomraidhean Croise

Salmo 107:42

Inilan nan nalinteg dana dadat men-gasing dapay gominek nan managbasol.

Salmo 48:11

Men-gasing koma nan ipogaw id Jerusalem ya nan il-ilin di Juda tay nalinteg nan ik-ikkam.

Salmo 9:14

tapno maibagak isnan iJerusalem nan kaidaydayawam daket menlagsak tay nang-isalakanka.

Isaias 62:5

Awnit men-galalasing nan an-akmo, Jerusalem, ay mang-ayowan ken sik-a ay kaneg nan gasing di baballo isnan mang-asawaana isnan babassang. Et pilmi nan gasing Apo Dios ken sik-a ay kaneg nan gasing di kaas-asawa.

Isaias 66:10

Makigasing kayo isnan Jerusalem ya men-gasing kayo pala ken siya, dakayo am-in ay manglayad isnan naay ili. Dakayo am-in ay ninseseg-ang gapo ken siya et makigasing kayo ken siya id wani.

Isaias 66:14

No ilaenyo ay ommat na et awnit gomasing kayo. Awnit kayo pomigsa ya makneg. Et siya nan mangtekanyo ay sak-en ay apo et badangak nan mangtongpal ken sak-en dakpay ipaila nan ligetko isnan mang-ap-apos ken sak-en.”

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Mateo 1:20

Ngem idi nemnemnemena pay nan ikkana dat menpaila ken siya isnan iitawna nan anghel ay nagapo ken Apo Dios ay mangwani en, “Jose, ay apon Ali David, adika madanagan ay mang-asawa ken Maria tay nan malitonana et gapo isnan kabaelan nan Ispirito Santo.

Mateo 22:2

“Nan awnit maitapiyan nan ipogaw isnan mentolayan Apo Dios et kaneg nan ikkan nan esay ali ay mangisagana isnan bomayasan nan anakna.

Juan 3:29

Nan kaidiligana et kaneg nan mangisagana is omasawaan nan gayyemna. No omey nan lalaki isnan babai ay asawaena et dadama nan gasing nan gayyemna tay men-asawada tet-ewa. Et siya nan kanegko abes ay nangisagana isnan omaliyan Jesus isonga dadama nan gasingko tay inmali et siya.

2 Corinto 11:2

Ngem mapilitak ay mangwani gapo isnan pilmi ay mangnemnemnemak ken dakayo modatya maawis kayo isnan dolog. Tay iimonak dakayo ay kaneg nan mang-iimonan Apo Dios ken dakayo. Tay intedko dakayo ken Kristo ay kaneg nan mang-itedan nan ama isnan anakna ay babassang isnan lalaki ay asawaena. Isonga kayatko ay mapopos-a nan pammatiyo.

Efeso 5:23

Tay nan lalaki nan apowen nan asawana ay kaneg gedan si Jesus ay apon nan mamati ken siya tay kaneg siya nan olon di mamati tay siya nan nangisalakan ken datako ay kanegna awak.

Efeso 5:32

Naligat ay magtek nan kayatna ay kanan ngem ken sak-en et idiligko nan sin-asawa ken Kristo ya nan mamati ken siya.

Deuteronomio 32:43

Dakayo ay kailiili, masapol ay patgenyo nan ipogaw Apo Dios. Tay si Apo Dios nan mangdosa isnan am-in ay mangpatpatey isnan ipogawna ya baesana nan mangbosboso ken daida. Ngem pakawanena nan basbasol di ipogawna.”

Filipos 3:3

Ngem datako nan tet-ewa ay an-ak Apo Dios tay baken kadi nan segyat di kailasinan nan tet-ewa ay anakna nodi nan mangdaydayawan tako ken Apo Dios isnan kabaelan nan Ispirito Santo ya nan mangipapangatowan tako ken Jesu Kristo. Siya nan osto ay talken tako, ay baken nan maikkan isnan awak tako ta katongpalan nan linteg ay kaneg nan kasegyatan di ipogaw.

Naipagtek 11:13

Dat manayegyeg nan batawa is napigsa et madadael nan pagkasimpoon san deey ay ili dapay wada nan natey ay pitoy libo ay ipogaw. Dat dadama nan egyat nan tap-in di ipogaw isonga dadat dayawen si Apo Dios.

Naipagtek 19:9

Kinwanin nan anghel ken sak-en en, “Isolatmo na. Kanam en, ‘Nagasat nan naayagan ay maitapi isnan naiyaligan nan nakiasawaan nan makwani en Kalnilo.’”

Naipagtek 21:2

Daket ilaen gedan nan ilin Apo Dios ay lomaylayog ay nagapo ken siya id daya. Siya nan ili ay makwani en balo ay Jerusalem et menbelelegew ay kaneg nan napintapintas ay babai ay menbabado is gawis ay nakasagana isnan omayan nan mang-asawa ken siya.

Naipagtek 21:9

Nalpas nan nangwaniyana isdi dat omali nan esa issan deeyday pito ay anghel ay wada nan pito ay malakongda ay kad-an di pito ay kaodiyan ay ligat et kanana, “Aka ta ipailak ken sik-a nan asawan nan Kalnilo ay maiyalig isnan maitapiyana isnan kaipoipogawna.”