Naipagtek 19:6 - Kalin Apo Dios

⁶ Dinngek gedan nan kalin di adoado ay ipogaw ay kaneg nan gengaas di menpeypey-as ay dakkel ay danom ya kaneg gedan napigsa ay kido. Kankananda en, “Daydayawen tako am-in nan Apo tako tay si Apo Dios ay manakabalin et siya et kedeng nan mentolay isnan am-in.

Naipagtek 19:6 Iomraidhean Croise

Salmo 47:2

tay nan apo ay kangangatowan et maiyegyat ya siya nan kapatgan ay mentotolay isnan batawa.

Salmo 47:7

Tay si Apo Dios nan Ali isnan am-in isnan batawa isonga ikantayo nan maibagay ay dayaw ken siya.

Salmo 77:18

Napinapigsa nan kidom ya nan batawa et masilawan isnan kimat et makibtot dat menpayegpeg nan batawa.

Salmo 93:1

Mentolay et nan apo. Siya nan kangatowan. Owen, siya nan kangatowan ya manakabalin. Tet-ewa ay pinegnadana nan batawa et adi polos mawedwed.

Salmo 97:1

Mentolay et nan apo. Menlagsak koma nan batawa ya nan am-in ay mentetee. Owen, men-gasing am-in nan solsolin di batawa.

Salmo 97:12

Dakayo ay nalinteg, men-gasing kayo isnan apo dakayot men-iyaman tay nan apo et maid polos kangawina.

Salmo 99:1

Mentolay et nan apo, pomayegpeg koma nan kaipoipogaw. Tomokdo ay mentolay isnan ngangatowen di baan Apo Dios ay makwani en kerubim. Menyegyeg koma gedan nan batawa.

Isaias 52:7

Kagagasing ay mang-ila isnan bilig isnan omaliyan nan mang-ibaga isnan gawigawis ay damag tay ibagana nan talna tay wada nan mang-isalakan isnan ipogaw. Danat kanan ken Sion en, “Mentolay nan Diosyo.”

Mateo 6:13

Adim ipalobos dakami ay bomasol nodi badangam dakami ta adi kami madoldolog.’”

Naipagtek 1:15

Nan sikina et mensilsilangda ay kaneg nataneg ay gambang ay nalaslalaslasan. Nan kalina et kanega men-genggengaas is menpeypey-as ay dakkel ay danom.

Naipagtek 1:8

Nan es-esa ay manakabalin ay Dios ay wawawawada ay maid logina wenno patenggana et kankanana en, “Sak-en nan nangwada isnan am-in ay wada et sak-en gedan nan awnit mangkombos isnan am-in.”

Naipagtek 12:10

Nakwas di daket dengngen kasin nan napigsa ay kali id daya ay mangmangwani en, “Id wani nan mangisalakanan Apo Dios isnan kaipoipogawna. Id wani gedan nan mangipailaana isnan kabaelana ay mentolay. Nan pinilina ay mentolay ay si Kristo et ipailana gedan id wani nan kalebbengana tay naabak si Satanas. Id kasin et tinmaktakdeg si Satanas isnan sagang Apo Dios ay mangisodsodsod isnan basol nan iib-a tako ay mamati isnan batawa ay inagew ya linabi ngem id wani et naipakaan siya id daya.

Naipagtek 14:2

Daket dengngen nan kali ay nagapo id daya ay kaneg napigsa ay gengaas di danom ya kaneg kido. Et kaneg gedan kalin di adoado ay kotengteng.

Naipagtek 19:1

Nakwas di daket dengngen nan napigsa ay kali ay kaneg kalin di adoado ay ipogaw id daya ay mangmangwani en, “Madaydayaw si Apo Dios. Owen, dayawen tako ya patgen tako siya isnan panakabalina ya nan mangisalsalakanana ken datako.

Naipagtek 19:4

Dat nan dowampoo ya epat ay aamam-a ya nan epat ay matatago et ninpangalokbobda ay mangdayaw isnan tomotokdo ay mentolay ay si Apo Dios. Dadapay kankanan en, “Tet-etet-ewa dadi. Madaydayaw si Apo Dios.”

Naipagtek 21:22

Maid inilak is templo wenno simbaan issan deey ay ili tay nan kinatemplona et si Apo Dios ay manakabalin ya san Kalnilo.

Naipagtek 4:5

Magapgapo isnan kad-an di mentoltolay nan kimat ya nan ninkapipigsa ay kido. Isnan sagangna et wada nan pito ay mapapasgedan ay silaw et daida nan mangipaila isnan pito ay kailaan nan panakabalin di es-esa ay Ispiriton Apo Dios.

Naipagtek 6:1

Daket ilaen san Kalnilo ay mangkaan isnan damo ay pilkat. Isnan nangkaanana daket dengngen nan napigsa ay kali ay kaneg kido ay kalin di esa issan epat ay matatago ay mangmangwani en, “Omalika et.”

Naipagtek 8:5

Inalan kasin san anghel san maipaypay-an di insinso danat ponowen is gabbang isnan altar et ibkasna isnan batawa. Daet mawanada nan kaeegyat ay kimat ya napigsa ay kido dapay manayegyeg nan batawa.