Naipagtek 19:1 - Kalin Apo Dios

¹ Nakwas di daket dengngen nan napigsa ay kali ay kaneg kalin di adoado ay ipogaw id daya ay mangmangwani en, “Madaydayaw si Apo Dios. Owen, dayawen tako ya patgen tako siya isnan panakabalina ya nan mangisalsalakanana ken datako.

Naipagtek 19:1 Iomraidhean Croise

Salmo 104:35

Madosa koma nan managbasol isnan batawa ya mamaid et koma nan mang-ik-ikkan is ngawi. Daydayawek sik-a apo. Madayaw nan apo.

Salmo 106:1

Madayaw nan apo. Men-iyaman tako isnan apo tay gawis siya ya nan adi menbalbaliw ay layadna et maid patenggana.

Salmo 111:1

Madaydayaw nan apo. Men-iyamanak isnan apo isnan am-in ay kabaelak isnan madadagopan di nalinteg ay ipogawna.

Salmo 115:18

nodi datako ay matatago nan mangdaydayaw ken siya id wani et eng-enggana. Madaydayaw nan apo.

Salmo 146:1

Madaydayaw nan apo. Owen, daydayawek siya.

Salmo 148:1

Madaydayaw nan apo. Dakayo ay mentetee id daya, dayawenyo siya.

Salmo 149:1

Madaydayaw nan apo. Menkanta kayo is balo ay kanta isnan apo ya dayawenyo siya isnan madadagopan di matalek ay ipogawna.

Salmo 150:1

Madaydayaw nan apo. Dayawenyo si Apo Dios isnan kadaydayawana. Dayawenyo siya dakayo id daya ay binoliwna isnan kabaelana.

Salmo 3:8

Sik-a, apo, nan magapowan di kaisalakanan. Sapay koma ta bindisyonam nan ipogawmo.

Salmo 62:11

Baken namnaminsan nan nangdengak ken Apo Dios ay nangnangwani en siya et kedeng nan kagapowan di panakabalin

Jonas 2:9

Ngem sak-en et menday-engak ay mangdaydayaw ken sik-a. Men-idatonak ken sik-a ya ikkak nan inkalik. Kedkedeng nan apo is makaisalakan.”

Mateo 6:13

Adim ipalobos dakami ay bomasol nodi badangam dakami ta adi kami madoldolog.’”

Naipagtek 11:15

Idi nintanggoyob nan maikapito ay anghel dat wada nan napigsa ay kakalikali id daya ay mangmangwani en, “Menlogi id wani et maid teken is mentolay isnan batawa no baken kedkedeng nan Apo tako ya nan inbaana ay si Kristo et daida nan mentoltolay ay eng-enggana.”

Naipagtek 12:10

Nakwas di daket dengngen kasin nan napigsa ay kali id daya ay mangmangwani en, “Id wani nan mangisalakanan Apo Dios isnan kaipoipogawna. Id wani gedan nan mangipailaana isnan kabaelana ay mentolay. Nan pinilina ay mentolay ay si Kristo et ipailana gedan id wani nan kalebbengana tay naabak si Satanas. Id kasin et tinmaktakdeg si Satanas isnan sagang Apo Dios ay mangisodsodsod isnan basol nan iib-a tako ay mamati isnan batawa ay inagew ya linabi ngem id wani et naipakaan siya id daya.

Naipagtek 19:6

Dinngek gedan nan kalin di adoado ay ipogaw ay kaneg nan gengaas di menpeypey-as ay dakkel ay danom ya kaneg gedan napigsa ay kido. Kankananda en, “Daydayawen tako am-in nan Apo tako tay si Apo Dios ay manakabalin et siya et kedeng nan mentolay isnan am-in.