Naipagtek 15:3 - Kalin Apo Dios

³ et kankantaenda nan kantan Moses ay esay baan Apo Dios id kasin ay kantan gedan nan makwani en Kalnilo. Siya na nan kankantaenda. “Apo Dios ay manakabalin isnan am-in ay wada, kaskasdaaw ya kadadayaw nan ik-ikkam. Sik-a nan Apon di am-in ay ili, et ostoosto ya gawigawis nan am-in ay ik-ikkam.

Naipagtek 15:3 Iomraidhean Croise

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Nehemias 9:14

Inpagtekmo ken daida nan kapateg nan agew di illeng ta patgenda ya inidyam ken Moses ay baam nan bilbilinmo ay pala ken daida.

Salmo 100:5

tay gawis nan apo et nan adi menbalbaliw ay layadna et maid patenggana ya nan talekna et mentoltoloy isnan aap-o is kasin enggana is komasin.

Salmo 105:5

Nemnemenyo pod nan kaskasdaaw ay inik-ikkana ya nan panagbanagna,

Salmo 111:2

Kaskasdaaw nan inik-ikkan nan apo isonga am-in ay magasingan isnan naayda et kaytenda ay maawatan.

Salmo 111:7

Isnan am-in ay ik-ikkana et matalek ya nalinteg siya. Nan am-in ay bilina et matalek

Salmo 139:14

Dayawek sik-a tay kaskasdaaw ya ostoosto nan inikkam ay nangboliw ken sak-en. Owen, am-in ay ik-ikkam et kaskasdaaw et getkek dana tet-ewa.

Salmo 145:17

Nalinteg nan apo isnan am-in ay ikkana ya managseg-ang gedan siya.

Salmo 145:6

Owen, ibagbagan nan kaipoipogaw nan kaskasdaaw ay ik-ikkam dakpay abes ibagbaga nan kinangatom.

Salmo 18:30

Si Apo Dios et maid kadelawan nan ik-ikkana tay tet-ewa ay matalek nan kalina. Siya nan kaneg kalasag nan am-in ay komamang ken siya.

Salmo 78:12

Isnan sagang nan aamam-ada et inikkana nan kaskasdaaw isnan sakop di Soan id Egipto.

Salmo 92:5

Kapatgan nan am-in ay inik-ikkam, apo. Naligat ay maawatan nan nemnemmo.

Salmo 99:4

Manakabalinka ay Ali ay mangkaykayat isnan ostoosto ya maid paam-amdem. Sik-a nan nang-iyali isnan kinaosto ya kinalinteg isnan Israelita.

Isaias 45:21

Omali kayo ta ipagtekyo nan kasoyo isnan pag-okoman dayot ipalobos ay mensinoot nan naidalom. Sino nan nang-ipagtek id kasin isnan awnit ommat? Ay bakenak? Tay sak-en nan apo ay Dios nan mang-isalsalakan isnan ipogawna et maid teken is dios.

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Juan 1:17

Nan linteg Apo Dios nan inpagtek din si Moses ngem nan inpagtek Jesu Kristo et nan kinatet-ewan nan maipanggep ken Apo Dios ya nan layadna ken datako.

Deuteronomio 31:30

Nakwas am-in dadi dat iday-eng Moses nan naay kanta ay dedengngen nan Israelita.

Deuteronomio 32:3

Idaydayawko nan apo et nan ipogawna nan mang-ibagbaga isnan kinangatona.

Deuteronomio 34:5

Isonga dat matey id Moab si Moses ay pinilin nan apo ay baana tay siya nan kinwanin nan apo en mateyana.

1 Timoteo 1:17

Isonga patpatgen ya daydayawen tako si Apo Dios ay eng-enggana tay siya et kedeng nan Dios. Siya nan Ali ay eng-enggana. Adi kaila siya ngem nawada siya ay maid logina ya adi matmatmatey. Tet-etet-ewa nan kinwanik ay naay.

Hebreo 3:5

Tet-ewa ay ostoosto nan nang-ik-ikkanan Moses isnan inpaoblan Apo Dios ken siya isnan ipogaw ay maiyalig ay baeyna. Siya nan baan Apo Dios ay nangibagbaga isnan awnit ipagtek Apo Dios.

Naipagtek 1:8

Nan es-esa ay manakabalin ay Dios ay wawawawada ay maid logina wenno patenggana et kankanana en, “Sak-en nan nangwada isnan am-in ay wada et sak-en gedan nan awnit mangkombos isnan am-in.”

Naipagtek 11:17

“Apo Dios ay Apomi ay manakabalin ay wawawawada et men-iyaman kami ken sik-a tay id wani inpailam nan kaskasdaaw ay panakabalinmo et menlogi et nan mentolayam.

Naipagtek 14:3

Tomatakdeg san sin-gasot ya epatpoo ya epat ay libo ay ipogaw ay mangsasagang issan tokdowan di ali ya nan epat ay matatago ya nan dowampoo ya epat ay aamam-a. Kankantaenda nan balo ay kanta ay maid teken is makagtek nodi daida et kedeng tay daida nan nasbot isnan batawa.

Naipagtek 14:8

Dat wada nan maikadwa ay anghel ay mangmangwani en, “Nadadael nan Babilonia ay madamdamag ay ili gapo isnan kinangawin di ipogaw isdi tay inaw-awisda nan tap-in di ipogaw isnan batawa ta taynanda nan tet-ewa ay Dios ta ik-ikkanda nan ol-olay ay mangsolsolot isnan sinang didios.”

Naipagtek 17:14

Dadat gobaten nan Kalnilo ngem nan Kalnilo ya nan matalek ay pinilina ay mangsolot ken siya et abakenda daida. Tay siya met laeng nan Apon di am-in ay apo ya siya gedan nan Alin di am-in ay ali.”

Naipagtek 19:16

Nan naisosolat isnan badona ya isnan opona et nan ngadana ay mangwani en Alin di am-in ay ali ya Apon di am-in ay apo.

Naipagtek 19:2

Ostoosto ya tet-ewa nan ikkana ay mangbanag isnan ipogaw tay dinosana san mendindinamag ay babai ay nang-awis isnan kaipoipogaw ay maitapi isnan ngawi ay ik-ikkana. Inbaes Apo Dios issan ngawi ay babai nan nangpatpateyana isnan baan Apo Dios.”

Naipagtek 4:8

Am-inda et napapayakanda is sag-en-em et nakikilop nan ninsinombangil ay payakda is kamatamata. Inagew ya linabi et adida isalsaldeng ay menkankanta ay mangmangwani en, “Maiwed polos makaiso ken Apo Dios isnan kinangatona ya nan kinaostona. Mawawawawada siya ay maid logina wenno patenggana.”