Naipagtek 14:5 - Kalin Apo Dios

⁵ Egayda polos ninkamkampot ya maiwed naipabasbasolanda.

Naipagtek 14:5 Iomraidhean Croise

Salmo 32:2

Owen, nagasat nan ipogaw ay maid et basolna isnan pangiilaan Apo Dios. Siya ay maid ngawi isnan nemnemna.

Salmo 34:13

et baken nan ngawi wenno kampot is kankanana.

Salmo 55:11

Kinadakes nan wada isnan am-in ay solina et ado nan maam-amis ya masiksikapan isdi.

Isaias 53:9

Maippey koma isnan pantiong di managbasol ay ipogaw ngem dat isnan nateyana et naitapi ay naikaob isnan kad-an di babaknang tay maid polos ngawi is inikkana ya egay polos ninkamkampot.”

Mateo 12:34

Ay apo kayo ay ngananganangwi. Ayke mabalin ay kananyo nan gawis dapay ngawi nan nemnemyo? Tay nan kalin di ipogaw et ipailana nan wada isnan nemnemna.

Lucas 23:4

Isonga dat kanan Pilato isnan menkangangato ay papadi ya nan kaipoipogaw, “Maid met masokalak is basol nan naay lalaki.”

Juan 1:47

Issan nang-ilaan Jesus ken Natanael ay om-omey isnan kad-ana danat kanan, “Naay di tet-ewa ay Judio ay maid ngawi isnan nemnemna.”

Efeso 5:27

Nan gapo ay natey siya et ta kaanena nan am-in ay basol tako tasiyay no omali siya ay mang-ala ken datako et gawis tako ay maid polos kadelawana isnan pangiil-ana.

Colosas 1:22

Ngem id wani baken kaneg todi tay ninbalinen Apo Dios dakayo ay ib-ana gapo isnan nateyan nan Anakna isnan kros. Gapo isdin nateyana et nadalosan nan basbasolyo tasiyay gawis nan pangiilaan Apo Dios ken dakayo ay maid kadeldelawanyo.

Hebreo 9:14

No mabalin ay nadalosanda gapo isnan basan di animal et am-amed nan kadalosan nan ipogaw gapo isnan basan Kristo. Tay gapo isnan badang nan Ispirito Santo ay maid patenggana et inted Kristo nan awakna ay maid polos danyona ta matey ta siya nan maited ken Apo Dios. Isonga nan basana nan mangdaldalos isnan kinangawi tako tapno mabalin ay mensilbi tako isnan tet-ewa ay Dios ay matatatago ay enggana. Isonga adi masapol ay ik-ikkan tako nan kaneg nan inik-ikkan nan Judio id kasin tay maid kabaelan nan inik-ikkanda ay mangkaan isnan basbasol.

1 Pedro 1:19

Nodi nan biyag Kristo ay nabanobanol nan insakbotna. Kanegna nan kalnilo ay maid polos danyona ay napalpalti ay naiboyag ken Apo Dios.

1 Pedro 2:22

dapay maid basolna ya maid polos kampotna.

1 Pedro 3:10

Kaneg nan inpasolat Apo Dios id kasikasin. Kanana en, “No layden nan ipogaw ay gawis nan biyagna ya maitoltoloy nan gasingna et baken nan ngawi wenno kampot is kankanana.

Judas 1:24

Sapay koma ta madayaw ay eng-enggana nan es-esang ay Dios ay si Apo Dios ay nangisalakan ken datako gapo isnan inikkan nan Apo tako ay si Jesu Kristo. Kabaelana ay mangsalsalaknib ken dakayo ta adiyo ik-ikkan nan ngawi. Et awnitna ipatakdeg dakayo ay maid kadelawanyo isnan sagangna. Isonga awnit dadama nan gasing tako. Sapay koma ta si Apo Dios nan kangatowan isnan nemnem di ipogaw. Gawis no getken nan ipogaw am-in ay siya nan manakabalin ay Alin nan am-in enggana isdin damodamo ya eng-enggana. Tet-etet-ewa am-in dana.