Naipagtek 11:15 - Kalin Apo Dios

¹⁵ Idi nintanggoyob nan maikapito ay anghel dat wada nan napigsa ay kakalikali id daya ay mangmangwani en, “Menlogi id wani et maid teken is mentolay isnan batawa no baken kedkedeng nan Apo tako ya nan inbaana ay si Kristo et daida nan mentoltolay ay eng-enggana.”

Naipagtek 11:15 Iomraidhean Croise

Salmo 110:4

Insapatan nan apo ya adina ibabawi nan kinwanina ay, “Padika ay eng-enggana ay maitapi isnan bonggoy di kangatowan ay papadi ay kaneg din si Melkisedec id kasikasin.”

Salmo 146:10

Nan apo et ali ay eng-enggana. Owen, mentolay ay eng-enggana si Apo Dios ken dakayo ay iSion. Madaydayaw nan apo.

Salmo 2:2

Madagop nan alin di kailiili ya nan menkangangato ay ipogaw ta tolagenda ay manggobat isnan apo ya nan pinilina

Salmo 72:11

Owen, awnit menpalintomeng nan am-in ay ali ken siya ya silbiyan am-in nan kailiili siya.

Salmo 82:8

Apo Dios, omalika et banagen nan kaipoipogaw tay kowam nan batawa.

Salmo 86:9

Awnit omali ken sik-a nan am-in ay kaipoipogaw ay binoliwmo et menlokbobda isnan sagangmo dadapay daydayawen sik-a

Isaias 55:5

Id wani et ipaayagmo nan ado ay baken Israelita tay isnan namingsan et egayda gin-gintek sik-a ngem id wani et mentagtagda ay omali ay maitapi ken sik-a. Sak-en nan apo ay Diosmo ay Dios gedan di Israel et awnitak ipaikkan am-in dana daket agtan sik-a is dayaw ya ipangatok sik-a.”

Isaias 9:7

Nan itolayana et omad-ad-ado ya awnit nan lamnin et eng-enggana tay siya nan mangtawid isnan mentolayan din alapona ay si Ali David. Menlogi id wani et enggana et nan osto ya nalinteg nan ikkana isnan mentolayana. Tet-ewa ay ikkan nan apo ay manakabalin am-iam-in dana tay siya nan kayatna ay maikkan.

Daniel 7:14

Dat maagtan is panakabalin, dayaw ya kalebbengan tapno am-in nan ipogaw isnan kailiili isnan nateketeken ay ipogaw ya kali et silbiyanda siya. Maid kombos nan panakabalina ya nan mentolayana et maiwed patenggana.”

Oseas 2:23

Dakpay olnosen nan ipogawko isnan dagada ya pasikaek daida. Et nan ipogaw ay egay kalaylayad et awnitak ipaila nan layadko ken daida. Nan makwani en bakenko ipogaw et awnitak kanan en ipogawko. Dadat et kanan ken sak-en en, ‘Sik-a nan tet-ewa ay Diosmi.’ ”

Mateo 24:31

Et wada nan tanggoyob ay napigsa daket ibaa nan aanghelko isnan am-in ay kad-an di ipogaw isnan batawa ta dagopenda am-in nan ipogaw ay pinilin Apo Dios.”

Mateo 6:13

Adim ipalobos dakami ay bomasol nodi badangam dakami ta adi kami madoldolog.’”

Lucas 1:33

et siya nan men-alin di Judio ay eng-enggana.”

Lucas 15:10

Ibagak ken dakayo ay kaneg tona nan ikkan nan aanghel Apo Dios tay men-gasingda no menbabawi nan managbasol.”

Lucas 15:6

et isaana danat ayagan nan gagayyemna ya nan sag-ogongna et kanana, ‘Men-gasgasing tako tay dinatngak nan naamas ay kalnilok.’

Aapostolis 4:26

Mensagana nan alin di kailiili et madagop abes nan menkangangato ay ipogaw ta gobatenda si Apo Dios ya nan Anakna ay makwani en Kristo.’

Hebreo 1:8

Ngem nan kinwanina isnan Anakna et, “Maid patenggan nan mentolayam, Apo Dios. Nan ik-ikkam ay mentolay et ostoosto

Naipagtek 10:7

tay no mentanggoyob nan maikapito ay anghel et kewasen Apo Dios nan am-in ay ninemnemna ay maikkan ay kaneg din inbagana isdin bab-aana ay mamadtona id sang-adom ngem egay naipagtek isnan tap-in di ipogaw.”

Naipagtek 12:10

Nakwas di daket dengngen kasin nan napigsa ay kali id daya ay mangmangwani en, “Id wani nan mangisalakanan Apo Dios isnan kaipoipogawna. Id wani gedan nan mangipailaana isnan kabaelana ay mentolay. Nan pinilina ay mentolay ay si Kristo et ipailana gedan id wani nan kalebbengana tay naabak si Satanas. Id kasin et tinmaktakdeg si Satanas isnan sagang Apo Dios ay mangisodsodsod isnan basol nan iib-a tako ay mamati isnan batawa ay inagew ya linabi ngem id wani et naipakaan siya id daya.

Naipagtek 15:4

Maid polos adi mangpateg ken sik-a, Apo. Maid polos gedan mang-adi ay mangipagtek isnan kinangatom tay sik-a et kedeng nan kasasantowan. Isonga awnit omali nan ipogaw isnan am-in ay ili ay mangdayaw ken sik-a tay inil-ilada am-in nan ostoosto ay ik-ikkam.”

Naipagtek 16:17

Nakwas pay di dat omey gedan nan maikapito ay anghel et ikolbona isnan dagem nan wada isnan malakongna. Dat wada nan napigsa ay kali ay nagapo isnan tokdowan di ali isnan Templo ay mangwani en, “Kedeng. Nakwas.”

Naipagtek 17:14

Dadat gobaten nan Kalnilo ngem nan Kalnilo ya nan matalek ay pinilina ay mangsolot ken siya et abakenda daida. Tay siya met laeng nan Apon di am-in ay apo ya siya gedan nan Alin di am-in ay ali.”

Naipagtek 19:1

Nakwas di daket dengngen nan napigsa ay kali ay kaneg kalin di adoado ay ipogaw id daya ay mangmangwani en, “Madaydayaw si Apo Dios. Owen, dayawen tako ya patgen tako siya isnan panakabalina ya nan mangisalsalakanana ken datako.

Naipagtek 19:6

Dinngek gedan nan kalin di adoado ay ipogaw ay kaneg nan gengaas di menpeypey-as ay dakkel ay danom ya kaneg gedan napigsa ay kido. Kankananda en, “Daydayawen tako am-in nan Apo tako tay si Apo Dios ay manakabalin et siya et kedeng nan mentolay isnan am-in.

Naipagtek 20:4

Nakwas di daket ilaen ay wada nan kasitotokdo isnan tokdowan di ali et naagtanda abes is kalebbengan ay menbanag. Daida nan napatpatey gapo isnan nangipagpagtekanda isnan maipanggep ken Jesus ya nan kalin Apo Dios. Inadyanda ay mangdayaw issan kaeegyat ay nang-ap-apos ken Apo Dios ya san tinagtago ay kanegna ya egayda gedan inpamalka nan kitongda ya ledengda isnan malkana. Natagoda kasin et makitolayda ken Kristo is esay libo ay tew-en.

Naipagtek 8:12

Idi nintanggoyob nan maikap-at ay anghel dat mapontaan nan pagkatlon di agew, nan pagkatlon di bowan ya nan pagkatlon di taltalaw. Isonga namaid nan pagkatlon di silawda. Et menbolinget isnan pagkatlon di kag-aw ya pagkatlon di labi.

Naipagtek 9:1

Dat mentanggoyob nan maikalima ay anghel. Daket ilaen nan esay talaw ay naekdag isnan batawa. Dat maagtan siya is tolbek di eneb di lengaw ay maid patenggan di kaad-adaemna.

Naipagtek 9:13

Dat mentanggoyob nan maikan-em ay anghel daket dengngen nan kali et kaneg nagapo isnan epat ay solin di balitok ay altar isnan sagang Apo Dios.