Naipagtek 10:5 - Kalin Apo Dios

⁵ San anghel ay inilak ay tomatakdeg isnan baybay ya lota et inpangatona nan kanawan ay ledengna.

Naipagtek 10:5 Iomraidhean Croise

Nehemias 9:6

Sik-a nan kedkedeng ay apo. Binoliwmo nan batawa, nan daya, nan baybay ya nan am-in ay wada ken daida. Isnan am-in datona et sik-a nan mangtetena dapay daydayawen am-in ay wada id daya sik-a.

Salmo 146:5

Nagasat nan ipogaw ay nan Dios din si Jacob nan kabadangna ya nan namnamana et nan apo ay Diosna

Exodo 20:11

Tay sak-en ay apo et sinapok nan daya, nan batawa, nan baybay ya nan am-in ay nawada isnan enem ay agew ngem isnan maikapito ay agew et nin-illengak. Isonga sak-en ay apo et binindisyonak san deey ay agew di illeng daket ninbalinen ay napateg ay agew ay pala ken sak-en.

Exodo 6:8

Daket iyey dakayo isnan ili ay insapatak ay itedko ken da Abraham, Isaac yas ken Jacob. Itedko nan ili ay deey ta menkowayo. Sak-en nan apo.’”

Daniel 12:7

Dat ingaton nan anghel nan makanawan ya makanigid ay ledengna id daya daket dengngen ay mensapata siya isnan ngadan nan matatatatago ay Dios danat kanan en, “Awnit tolo ya kagedwa ay tew-en. No makwas nan maaamisan nan ipogaw Apo Dios et awnit ommat et am-in nan naayda ay banag.”

Aapostolis 14:15

“Gagayyem, dayon aped ik-ikkan na? Ipogaw kami ay kanegyo met laeng. Inmali kami isna ta ibagbagami nan gawis ay damag ay maipanggep ken Kristo ta taynanyo nan sinang didiosyo ay maid kapaayanda ta patiyenyo si Apo Dios ay naleleng-agan. Si Apo Dios et siya nan nangboliw isnan daya, nan batawa, nan baybay ya nan am-in ay mentetee.

Aapostolis 17:23

tay pinasyalko nan iliyo et inilak nan adoado ay mangdaydayawanyo isnan kadiodiosyo et wada abes nan esa ay inilak ay naisolatan nan kali ay mangwani en, ‘Siya na nan mangdaydayawanmi isnan dios ay adimi getken.’ Nan Dios ay dayawenyo ay adiyo getken et siya nan ipagtekko ken dakayo id wani.

Roma 1:20

Tay ninlogi isnan nangboliwan Apo Dios isnan batawa et wada nan naipagtek ay maipanggep ken siya. Olay adi kaila ngem nalaka ay getken tako nan kadiosna ya nan pilmi ay kabaelana ay maid patenggana gapo isnan mangiilaan tako isnan binoliwna. Isonga maid polos lasonda ay adi mangtek isnan tet-ewa.

Deuteronomio 32:40

Gapo tay sak-en nan matatatago ay Dios et isapatak en

Hebreo 6:13

Din si Abraham nan esay pagbasalan nan kakakwanik. Tay id kasikasin et wada nan inkalin Apo Dios ken siya. Et insapatana ay awnitna tongpalen. Gapo tay maid nangatngato mo siya isonga nan ngadana nan inosalna ay ninsapata.

Naipagtek 1:18

Matatatatagowak tay olay no nateyak id kasin ngem kasinak natago et mawawawadaak ay eng-enggana. Sak-en gedan nan kalebbeng isnan mateyan di ipogaw ya isnan pagbalodan nan ab-abiikda ay makwani en Hades.

Naipagtek 10:2

Gegen-ana nan banban-eg ay nabibilag ay solat. Isnan linmayogana danat igagatin nan kanawan ay sikina isnan baybay ya nan kanigid isnan lota.

Naipagtek 14:7

Inbibiyadna nan kalina ay mangmangwani en, “Patgenyo ay ostoosto si Apo Dios dakayopay dayawen siya isnan kinangatona tay omal-ali nan timpo ay mangbanagana isnan am-in ay ipogaw. Daydayawen ya patpatgenyo siya ay nangboliw isnan am-in ay wada, ay nan daya, nan batawa, nan baybay ya nan bomabalbalaan nan dandanom.”

Naipagtek 16:17

Nakwas pay di dat omey gedan nan maikapito ay anghel et ikolbona isnan dagem nan wada isnan malakongna. Dat wada nan napigsa ay kali ay nagapo isnan tokdowan di ali isnan Templo ay mangwani en, “Kedeng. Nakwas.”

Naipagtek 4:11

“Sik-a nan Apomi ya Diosmi. Maibagayka ay madayaw ya maipangato gapo isnan dadama ay panakabalinmo tay sik-a nan nangwada isnan am-in ay wada. Owen, gapo isnan layadmo ay nangwada isnan am-in et naboliwda.”

Naipagtek 4:9

Menkankanta san epat ay matatago ay mangdaydayaw isnan kinapateg san mentoltolay ay mawawawada ay eng-enggana dadapay men-iiyaman ken siya. Isnan menkankantaanda