Naipagtek 10:1 - Kalin Apo Dios

¹ Nintamaangak kasin daket ilaen ay wada pay nan napigsapigsa ay anghel ay lomaylayog ay nagapo id daya. Kaneg nababadowan is liboo ya nabebedbedan is batikaang. Somili nan angasna ay kaneg agew ya nan sikina et kaneg menbidbidang is apoy.

Naipagtek 10:1 Iomraidhean Croise

Salmo 104:3

Sinaadmo pay gedan nan menteteam isnan ngangatowen di dandanom id daya. Isnan omayam et nan liboo nan menloganam dat itayaw nan dagem nan menlologanam.

Salmo 97:2

Liliwesen pay di liboo et mabobolingetan siya. Kinalinteg ya kinaosto nan pegnad di mentolayana.

Exodo 16:10

Idi kakalkalin Aaron san deeyday ipogaw dat nin-ilada isnan liboo ay nagapo isnan pondag nan pilmi ay somili ay kawad-an nan apo.

Ezekiel 1:28

Wada nan am-in ay kolor di batikaang isnan silawna. Siya na nan makasili ay silaw ay mangipaila isnan kawad-an nan apo. Isnan nangilaak isnan naay daket menlokbob daket dengngen nan kali.

Daniel 7:13

Dat issan labi et wada pay nan inilak ay kaneg ipogaw ay somagsag-en ay naitatapi isnan liboo et omey issan kad-an san natatago ay enggana ta maipalang.

Mateo 17:2

Dat tomeken nan mangiilaanda ken Jesus id isdi tay mensilsilang nan angasna ay kaneg nan agew ya pinmolapolaw nan badona ay kaneg silang di silaw.

Lucas 21:27

Et siya na nan mang-ilaan nan kaipoipogaw ken sak-en ay Iyon-an Am-in di Ipogaw isnan lomayogak ay maitatapi isnan liboo ay magapo id daya. Et somisilangak ay mangipaila isnan kangaton Apo Dios ya wada ken sak-en am-in nan kabaelana.

Aapostolis 26:13

Ngem isnan osto ay kag-aw Apo Agripa et nasilanganak isnan pat-a ay nagapo id daya ay napigpigsa mo nan agew et nasilangan gedan nan bobowegko.

Naipagtek 1:7

Nemnemen tako nan naay, tet-ewa ay awnit somagong si Jesus isna ay maikawit isnan liboo. Awnit ilaen nan am-in ay ipogaw siya. Olay din nangdoy-ok ken siya isnan nateyana et awnitda gedan ilaen. Awnit kasiaadawag am-in ay ipogaw isnan batawa gapo isnan egyatda ken siya. Tet-etet-ewa na.

Naipagtek 18:1

Nakwas di daket ilaen nan esa pay ay anghel ay lomaylayog ay magapo id daya. Napigsa nan kalebbengana et sisilangana nan batawa isnan kinangatona.

Naipagtek 18:21

Idi naipaila di ken sak-en dat mawada nan napigsa ay anghel ay lomak-ey is dakkel ay bato ay kaneg losongan danat ibkas isnan baybay. Danat kanan, “Kaneg todi nan awnit ommat isnan madamdamag ay ili ay Babilonia. Awnit madadael ya mamaid et adi polos kail-ila kasin.

Naipagtek 20:1

Nakwas di daket ilaen kasin nan esay anghel ay lomaylayog ay nagapo id daya ay manggegeen isnan dakkel ay kawal ya nan tolbek di eneb di lengaw ay maid patenggan di kaad-adaemna.

Naipagtek 4:3

Nan kaiilaana et mensilsilang ay kanega nan nangina ay bato ay makwani en haspe ya karnelia. Isnan tokdowana et liniliwes nan mensilsilang ay kaneg batikaang ay bildi ay kaneg nan bildi ay bato ay makwani en esmeralda.

Naipagtek 5:2

Daket ilaen abes nan napigsa ay anghel ay mangibibiyad isnan kalina ay mangmangwani en, “Sino nan maibagay ay manglatlat isnan naipipilkat ay papil ay naay ta lokatana?”

Naipagtek 8:13

Idi mentamaangak kasin daket ilaen nan labaan ay mentaytayaw id ngato ay mangibobogaw ay mangmangwani en, “Ay inayan tay am-amed kaeegyat nan ommat pay isnan mentetee isnan batawa no mentanggoyob nan tolo pay ay anghel.”