Mikias 5:4 - Kalin Apo Dios

⁴ San awnit omali ay mentolay et maitapi isnan men-itolayana nan kabaelan ya panakabalin ay nagapo isnan apo ay Dios. Isonga maolnos nan biyag di ipogawna ta ipagtek nan am-in ay ipogaw isnan batawa nan kinangatona.

Mikias 5:4 Iomraidhean Croise

Salmo 145:12

tapno getken nan am-in nan kaskasdaaw ay ik-ikkam ya nan nangato ay dayawmo isnan mentotolayam.

Salmo 22:27

Am-in nan kaipoipogaw et nemnemenda nan apo dadapay somagong ken siya ta dayawenda siya.

Salmo 72:19

Daydayawenyo nan napateg ay ngadana ay eng-enggana ya mapno koma nan batawa isnan dayawna. Sapay koma.

Salmo 72:8

Awnit mentolay nan alimi isnan esay baybay et enggana isnan tapin di baybay ya isnan ginawang ay Eufrates et enggana isnan solsolin di batawa.

Salmo 93:1

Mentolay et nan apo. Siya nan kangatowan. Owen, siya nan kangatowan ya manakabalin. Tet-ewa ay pinegnadana nan batawa et adi polos mawedwed.

Salmo 98:3

Mentoltoloy pay nan adi menbalbaliw ay layad ya kinamatalekna isnan Israelita. Ya inilan nan kaipoipogaw isnan batawa nan nangabakan Apo Dios.

Isaias 45:22

Somagong kayo ngalod ken sak-en tapno maisalakan kayo, dakayo am-in ay ipogaw isnan batawa. Kedkedengak is Dios et maiwed teken.

Isaias 49:5

Dinotokan nan apo sak-en ay baana esakpay maiyanak ta isagongko nan ipogawna ay naiwakat ay ipogaw di Israel. Nan apo nan mang-idya isnan pigsak danapay idayaw gedan nan ik-ikkak.

Isaias 52:10

Osalen nan apo nan nadiosan ay panakabalina ay mang-isalakan isnan ipogawna et awnit ilaen nan am-in ay ipogaw isnan batawa.

Isaias 52:13

Dat kanan nan apo, “Awnit tongpalen nan baak nan oblana et awnit maingato ya maidayaw siya.

Zacarias 9:10

Kankanan nan apo, “Awnitko kaanen nan am-in ay osalenyo isnan gobat ay nan kalesa ya nan kabayoyo ya nan panan di sosoldado. Awnit pakapyaen nan aliyo nan kailiili dat mentolay ay menlogi isnan esay benget di baybay et enggana isnan esay bengetna ay menlogi isnan ginawang ay Eufrates et enggana isnan benget nan batawa.

Mateo 16:18

Isonga ngadanak sik-a is Pedro tay kanegka bato. Et nan kinwanim ay maipanggep ken sak-en et siya nan kanega bato ay maipegnadan nan pammatin nan am-in ay maitapi ken sak-en. Et gapo isnan pammatida et maid polos makaabak ken daida ay olay nan tetey.

Mateo 2:6

‘Nan ili ay Betlehem isnan probinsiya ay Judea et awnit siya nan kadadayawan isnan am-in ay ili isnan Judea tay isdi nan awnit maiyanakan nan mentolay isnan ipogawko ay Judio et siya nan mang-ay-ayowan ken daida.’”

Mateo 25:31

Intoloy Jesus ay mangwani en, “Isnan omaliyak ay men-ali et mamakkey nan aanghel ta maila nan kangaton Apo Dios ken sak-en daket tomokdo isnan tokdowan di mentolay.

Lucas 1:32

Awnit kangangatowan siya ay makwani en Anak Apo Dios ay kangatowan ya patolayen Apo Dios siya ay kaneg din alapona ay si Ali David id kasin

Juan 10:38

Ngem no nan ipaikkan Ama nan ik-ikkak et olay no adiyo patiyen nan kankanak et patiyenyo koma nan gawis ay inik-ikkak tasiyay getkenyo ay tet-ewa ay wada si Ama ken sak-en ya wadaak abes ken siya.”

Juan 20:17

Ngem dat kanan Jesus, “Adika mangikawkawe tay egayak kayet ninsagong ken Ama. Omeyka bawet ibaga isnan papasolotko ay bebsatko en somagongak ken Amak ay Diosko ay siya nan Amayo ya Diosyo gedan.”

Efeso 1:3

Dadama nan panangdayaw tako ken Apo Dios ay Dios ya Aman Jesu Kristo ay Apo tako. Gapo isnan maitatapiyan tako ken Jesu Kristo et dadama nan badang Apo Dios ken datako tay inpaiyalina isnan Ispiritona nan am-in ay gawis ay nagapo id daya.

1 Pedro 1:5

Gapo isnan kabaelana, salsalakniban Apo Dios dakayo gapo tay mamati kayo ken siya. Banbantayana dakayo tapno adi kayo nalaka ay madolog engganay omdan nan maodi ay agew ay omaliyana ay mang-ala ken dakayo tapno makitee kayo ken siya ay eng-enggana.

Judas 1:1

Sak-en si Judas ay esay baan Jesu Kristo ya besat Santiago ay mensolat ken dakayo ay inayagan Apo Dios tapno mamati kayo ken Kristo. Laylayden nan Ama tako ay si Apo Dios dakayo ya banbantayana dakayo tapno maitoloy ay gawis nan pammatiyo engganay kasin omali si Jesu Kristo.

Naipagtek 11:15

Idi nintanggoyob nan maikapito ay anghel dat wada nan napigsa ay kakalikali id daya ay mangmangwani en, “Menlogi id wani et maid teken is mentolay isnan batawa no baken kedkedeng nan Apo tako ya nan inbaana ay si Kristo et daida nan mentoltolay ay eng-enggana.”