Mikias 5:3 - Kalin Apo Dios

³ Et awnit baybay-an nan apo nan ipogawna enggana ay iyanak nan babai nan anakna ay lalaki. Makwas di daet somagong nan ipogawna ay naipakaan ay kaneg balod ta kasinda maipos-a isnan kailyanda ay Israelita.

Mikias 5:3 Iomraidhean Croise

Salmo 67:3

Dayawen koma nan kaipoipogaw sik-a, Apo Dios. Owen, dayawen koma am-in nan ipogaw sik-a.

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Jeremias 23:5

Nganngani et nan timpo ay mangpiliyak isnan osto ay ali ay magapo isnan ap-on din si David. Nan ali ay deey et awnit masilib et awnit osto ya nalinteg nan ikkana.

Ezekiel 34:16

Awnitak anapen nan naamas dakpay ipasagong nan inmaddawi dakpay bedbedan nan nasogatan ya agasan nan nasakit. Ngem nan mentatba ya napigsa et awnitak dadaelen tay esaak ay menpaspastol ay mang-ikkan is gawis.

Oseas 2:14

Kankanan nan apo en, “Iyeyko kasin si asawak isnan pondag daket ay-ayaken siya isdi isnan makaawis ay kali.

Amos 5:15

Dokoganyo nan ngawi dayopay layden nan osto ya makailanyo ta nan nalinteg nan maikkan isnan pag-okoman. Et waay seg-angan nan kangangatowan ay apo nan ipogaw ay daan ay matmatago isnan naay ay ili.

Mikias 4:4

Awnit wasdin menlamlamnin isnan onasanda ya isnan paypayewanda ay maid mang-eg-egyat ken daida. Siya na nan inkalin nan apo ay manakabalin.

Mateo 1:21

Awnit omanak siya is lalaki dakayot ngadnan siya is Jesus tay siya nan awnit mangisalakan isnan kaipoipogaw ta adida kadosdosa gapo isnan basbasolda.”

Mateo 12:50

Tay am-in nan mamati ay mang-ikkan isnan layden Ama id daya et kanegko gedan ina ya bebsat.”

Mateo 25:40

Sak-en ay ali et awnitak kanan ken daida en, ‘Ibagak ken dakayo et tet-ewa ay olay no nan kababaan ay mamati ken sak-en nan nang-ikkananyo et kaneg sak-en gedan nan naikkanana.’

Roma 8:29

Et nan am-in ay epdas gintek Apo Dios ay mamati et daida abes nan epdasna pinili ay awnit maiyiso isnan Anakna tapno siya nan men-inoy-an am-in nan kanegna kabebsabebsat.