Mikias 5:2 - Kalin Apo Dios

² Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

Mikias 5:2 Iomraidhean Croise

Salmo 132:6

Isnan nang-an-anapanmi isnan baol ay naipay-an di tolag et dinngemi ay wada id Betlehem ngem nan nangdas-anmi et isnan om-a id Jaar.

Salmo 90:2

Esapay maboliw nan bilbilig wenno nan nangboliwam isnan batawa et nawawadaka et ay Dios ay maid logina ya maid kombosna.

Isaias 11:1

Nan kap-owan David et maiyalig isnan napoyo ay kaiw ngem dat pomngi kasin et bomgas. Siya nan kanegna tay daet wada nan balo ay ali ay kasin magapo isnan ap-on David.

Isaias 53:2

Kinayat nan apo ay nan baana et masiken ay kaneg nan esek ay tinmobo isnan nanakgang ay lota. Adi awisen nan ilana nan liknami ay mang-ila. Maid polos begewna ya maid polos makaawis is ilana tapno sag-enenmi.

Isaias 55:4

Pinabalinko siya ay men-ipangpango ya mentolay isnan kailiili daket osalen siya ay mang-ipaila isnan kabaelak.

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Mateo 2:1

Isdin kaalin Herod et siya nan naiyanakan Jesus id Betlehem ay esay ili isnan probinsiya ay Judea. Issan deey ay timpo et inmey id Jerusalem nan mamasilib ay aamam-a ay nagapo isnan balaan di agew. Daida nan mang-ad-adal isnan maipanggep nan talaw. Omdanda pay dadat sooten,

Mateo 2:6

‘Nan ili ay Betlehem isnan probinsiya ay Judea et awnit siya nan kadadayawan isnan am-in ay ili isnan Judea tay isdi nan awnit maiyanakan nan mentolay isnan ipogawko ay Judio et siya nan mang-ay-ayowan ken daida.’”

Mateo 28:18

Dat somag-en si Jesus ken daida et kanana, “Naited ken sak-en nan am-in ay kabaelan id daya ya isnan batawa.

Lucas 23:2

et kasinda idalom ken siya ay mangmangwani en, “Sinokalanmi si tona ay mang-al-allilaw isnan kailiyanmi ta adida kano baybayadan nan bowis ken Cesar danapay kankanan en siya si Kristo ay ali.”

Lucas 23:38

Kinwanida di tay wada nan naisosolat isnan ngangatowena ay, “Si tona nan alin di Judio.”

Juan 7:42

Tay kanan nan kalin Apo Dios ay naisolat id kasin en magapo kano si Kristo isnan ap-on David et maiyanak id Betlehem ay ilin din si David.”

Colosas 1:17

Nawawada si Kristo esapay mawada nan am-in et mentoltoloy nan am-in ay wada gapo ken siya.

Hebreo 13:8

Tay si Jesu Kristo et adi menbalbaliw nodi paliso ay eng-enggana.

1 Juan 1:1

Isnan solat ay naay, ibagak ken dakayo nan makwani en Kali. Siya si Jesu Kristo ay nagapowan nan biyag ay maid patenggana. Sapay mawada nan am-in ay naboliw et sigod ay wada siya. Ibagak nan maipanggep ken siya tay inil-ilami ay gawis. Dindinngemi nan kalina ya ginen-gen-anmi siya.

Naipagtek 19:16

Nan naisosolat isnan badona ya isnan opona et nan ngadana ay mangwani en Alin di am-in ay ali ya Apon di am-in ay apo.

Naipagtek 2:8

Danat ibaga abes nan isolatko isnan mangipangpango isnan mamati id Esmirna. Kanana, “Sak-en ay nangwada isnan am-in ay wada ya mangkombos isnan am-in ya natey ay natago kasin et siya na nan ibagak ken dakayo.

Naipagtek 21:6

Danat kanan abes, “Nakwas et tay kinwasko am-in. Sak-en nan nangwada isnan am-in ay wada ya sak-en gedan nan mangkombos isnan am-in. Nan maewew et agtak siya is kalebbengana ay ominom isnan danom ay adi kalakowan ay magapo isnan balaan ay mang-ited is biyag ay maid patenggana.

Ruth 1:1

Isdin timpo ay nan aamam-a ay pinilin nan apo din mangbanbanag isnan Israelita et wada nan bitil isnan ilida. Isonga inmey mentee id Moab nan esay am-ama ay iBetlehem isnan probinsya ay Juda ay nanakkey da asawana ya nan dowa ay an-akna ay lalalaki.