Mikias 4:5 - Kalin Apo Dios

⁵ Isonga olay no daydayawen ya tongtongpalen nan wasdin ili nan diosda ngem datako et nan daydayawen ya tongtongpalen tako ay eng-enggana et nan apo ay Dios tako.”

Mikias 4:5 Iomraidhean Croise

Genesis 17:1

Idi siyampoo ya siyam nan tew-en Abram dat menpaila kasin nan apo ken siya et kanana, “Sak-en si Apo Dios ay manakabalin. Tongtongpalem sak-en ta adim ik-ikkan nan ngawi.

Salmo 20:6

Getkek et id wani ay pangabaken nan apo nan pinilina tay idngena siya isnan napateg ay kad-ana id daya danat pangabaken siya isnan panakabalina.

Salmo 48:14

Tay si Apo Dios ay naay et siya nan Dios tako. Siya nan mangit-itdo ken datako ay eng-enggana.

Salmo 71:16

Apo Dios ay kangatowan, idayawko nan kabaelam dakpay ipagtek ay sik-a et kedeng nan osto ay nalinteg.

Isaias 2:5

Dakayo ay an-ak Jacob, akayo ta mendaan tako isnan solsolon nan apo ay kaneg silaw ay idyana ken datako.

Isaias 26:8

Tongpalenmi nan kaytem tay maid teken is kaykayatmi ya namnamami nodi sik-a et kedeng.

Jeremias 32:40

Ya makitolagak ken daida is tolag ay eng-enggana. Adiyak salsaldengan ay men-ik-ikkan is gawis ken daida ya isolowak daida ta sak-en nan patpatgenda tapno adida dokdokogan sak-en.

Aapostolis 14:16

Id kasin et binaybay-ana nan kaipoipogaw ay mang-ik-ikkan isnan laylaydenda.

Colosas 2:6

Tet-ewa ay dinawatyo si Jesu Kristo ay Apoyo isonga masapol abes ay siya nan patiyenyo ay bomadang isnan am-in ay ikkanyo.

Colosas 3:17

Isnan am-in ay ik-ikkanyo ya nan kankananyo, masapol ay nenemnemenyo si Jesu Kristo ta siya nan solotenyo ya masapol abes ay men-iyaman kayo ken Apo Dios ay Ama tako gapo ken Apo Jesu Kristo.

Josue 24:15

No adiyo kayten ay mensilbi isnan apo et menpili kayo id wani no sino nan silbiyanyo. Ay silbiyanyo nan sinangdidios ay dinaydayaw din alal-apoyo isdin kawad-anda id Mesopotamia wenno nan dios di Amorreos ay akindaga isnan Canaan ay menteteanyo id wani. Ngem sak-en pay ya nan pamilyak et nan apo nan mensilbiyanmi.”