Mikias 4:3 - Kalin Apo Dios

³ Awnitna banagen nan golon di kaipoipogaw ya olay nan dadadake ay il-ili isnan asag-en ya addawi ta men-asiolnosda. Et awnitda pandayen nan ispadada et estenda is pala alado ya nan balbegda is kompay. Awnit adi et men-gobgobat nan kailiili ya adida et polos mensagsaga na ay makigobat.

Mikias 4:3 Iomraidhean Croise

Salmo 46:10

Kanana en, “Isaldengyo dakayot nemnemen ay sak-en si Apo Dios. Maipangatowak isnan kailiili. Owen, maipangatowak isnan batawa.”

Salmo 46:9

Pasaldengena nan gobat isnan batawa. Gopongena nan pana ya dadaelena nan balbeg danapay poowan nan kalasag.

Salmo 72:3

Natalna koma nan ilimi ya masika nan paypayew isnan bilbilig.

Salmo 72:7

Wawawawada koma nan kinalinteg isnan matatagowana ya menbayag koma nan talna engganay daan nan bowan.

Salmo 82:8

Apo Dios, omalika et banagen nan kaipoipogaw tay kowam nan batawa.

Salmo 96:13

isnan apo tay omal-ali et ay mang-okom isnan batawa. Nalinteg ya maid paam-amdena isnan men-okomana isnan am-in ay ipogaw isnan batawa.

Salmo 98:9

isnan. apo tay omali ay mang-okom isnan batawa. Nalinteg ya maid paam-amdena isnan mang-okomana isnan am-in ay ipogaw.

Isaias 2:4

Awnitna banagen nan lilin di dadadake ay il-ili ta men-asitalnada. Isonga dadat pandayen nan ispadada ta estenda is alado ya nan balbegda is kompay. Et adiyet men-gobgobat nan kailiili wenno mensagsagana ay makigobat.

Isaias 25:3

Nan ipogaw di ninkapipigsa ay ili et awnitda dayawen sik-a. Awnit iyegyat nan il-ilin di makedse sik-a.

Isaias 51:5

Awnitak ikakamo ay omali ay mang-isalakan ken daida tay nganngani nan mangabakak. Sak-en mismo nan mentolay isnan am-in ay il-ili. Nan naiyaaddawi ay il-ili et sedsed-enda nan omaliyak tay namnamaenda nan mang-isalakanak ken daida.

Isaias 65:25

Awnit men-obong nan atap ay aso isnan anak di kalnilo ya mangan nan layon is sakati ay kaneg nan kanen di baka ya adi menketeb nan oweg. Et id Sion ay bilig Apo Dios et maid polos menpasaksakit ya ngawi.”

Isaias 9:7

Nan itolayana et omad-ad-ado ya awnit nan lamnin et eng-enggana tay siya nan mangtawid isnan mentolayan din alapona ay si Ali David. Menlogi id wani et enggana et nan osto ya nalinteg nan ikkana isnan mentolayana. Tet-ewa ay ikkan nan apo ay manakabalin am-iam-in dana tay siya nan kayatna ay maikkan.

Oseas 2:18

Isnan deey ay timpo et awnitak makitolag isnan am-in ay atap ay animal ya koyat tapno adida paeg-egyaten nan ipogawko. Awnitko gedan kaanen am-in ay maosal isnan gobat, am-in ay gamig ya pana isnan iliyo tapno menlamlamnin nan ipogawko isnan matatagowanda ay maid iyeg-egyatda.

Oseas 2:20

Awnitko tongpalen nan inkalik et mangtekam et ay sak-en nan apo.

Zacarias 9:10

Kankanan nan apo, “Awnitko kaanen nan am-in ay osalenyo isnan gobat ay nan kalesa ya nan kabayoyo ya nan panan di sosoldado. Awnit pakapyaen nan aliyo nan kailiili dat mentolay ay menlogi isnan esay benget di baybay et enggana isnan esay bengetna ay menlogi isnan ginawang ay Eufrates et enggana isnan benget nan batawa.

Aapostolis 17:31

Tay epdas ninemnem Apo Dios nan agew ay mangbanagana isnan kaipoipogaw ta ibagana nan maitapi ken siya ya nan adi. Inpagtekna ay si Jesus nan pinilina ay mang-ikkan is dana tay tinagona kasin siya. Si Apo Dios nan mangtek isnan timpo ay mangibanagana isnan kaipoipogaw et nan ikkana ay mangbanag et gawigawis.”

Naipagtek 19:11

Maaw-awni pay daket ilaen ay menlokat nan daya dat bomala nan polaw ay kabayo. Et wada nan mensasakay ay kangadan is Matalek ya Tet-ewa tay nan ik-ikkana ay menbanag et ostoosto ya nalinteg nan ikkana ay manggobat isnan mang-ap-apos ken siya.