Mikias 4:2 - Kalin Apo Dios

² Et awnit kanan nan kaipoipogaw isnan iib-ada en, ‘Tomikid tako isnan bilig nan apo. Owen, entako isnan kad-an di Templon nan Dios di Israel. Tay awnitna itdo nan kaytena ay ikkan tako ta awnit tako maiwaned ken siya.’ Tay nan it-itdon nan apo et magapo id Jerusalem ay makwani en Sion tay isdi nan makikalkaliyana isnan ipogawna.

Mikias 4:2 Iomraidhean Croise

Salmo 110:2

Nagapo id Sion nan kabaelam ay mentolay ay awnit idyan nan apo ken sik-a. Itolayam nan mang-ap-apos ken sik-a.

Salmo 119:1

Nagasat nan maid polos madelawanda ay maiwanwaned isnan linteg nan apo.

Salmo 119:171

Daydayawek sik-a tay isolsolom ken sak-en nan lintegmo.

Salmo 122:1

Men-gasingak isdin nangwaniyan di kaipoipogaw ken sak-en en, “Omey tako isnan baey nan apo.”

Salmo 25:12

Sino ngen nan mang-iyegyat isnan Apo? Nan apo nan mangiwaned ken daida isnan daanenda.

Isaias 2:3

Isnan omay-ayanda dadat kanan isnan iib-ada en, “Akayo ta tomikid tako isnan bilig nan apo ay Dios di Israel ta omey tako isnan Templona. Danat isolo nan kaytena ay ikkan tako ta mendaan tako isnan daan ay pinilina. Tay nan isolsolon nan apo et magapo id Jerusalem ay makwani en Sion tay isdi nan menkaliyana isnan ipogawna.”

Isaias 56:7

“Awnitak iyey dakayo id Sion ay nan nadiosan ay biligko daket pagasingen dakayo isnan baeyko ay paglowalowan dakpay dawaten nan idatonyo isnan altarko. Nan baeyko et paglol-owalowan di ipogaw ay nagapo isnan am-in ay ili.”

Oseas 6:3

Getken tako ay siya nan tet-ewa ay apo isonga ipapati tako ay manggetek pay kayet ken siya. Nan katet-ewan nan awnitna omaliyan ken datako et kaneg nan sigolado ay domatngan nan tan-o ya nan tet-ewa ay domatngan di odan.”

Zacarias 9:10

Kankanan nan apo, “Awnitko kaanen nan am-in ay osalenyo isnan gobat ay nan kalesa ya nan kabayoyo ya nan panan di sosoldado. Awnit pakapyaen nan aliyo nan kailiili dat mentolay ay menlogi isnan esay benget di baybay et enggana isnan esay bengetna ay menlogi isnan ginawang ay Eufrates et enggana isnan benget nan batawa.

Marcos 16:20

Dat omey nan papasolotna ay mangibaga isnan gawis ay damag isnan kailiili et badbadangan Apo Jesus daida ay mang-idya isnan kabaelana ken daida ay mang-ikkan isnan kaskasdaaw ta kagtekana ay tet-ewa nan ibagbagada. Siya dadi nan inom-ommat.

Lucas 24:47

isonga am-in ay mamati ken siya dadapay ibabawi nan basbasolda et pakawanen Apo Dios daida.’ Masapol ay maibagbaga nan naay gawis ay damag isnan am-in ay il-ili isnan batawa menlogi id isna Jerusalem.

Juan 6:45

Insolat din deeyday mamadto en, ‘Am-in nan ipogaw et itdowan Apo Dios,’ ya nan am-in ay mangidnge ken Ama et daida nan omali ken sak-en.

Juan 7:17

Nan manglayad ay mang-ikkan isnan layden Apo Dios et getkena no sak-en nan kagapgapowan nan kankanak wenno si Apo Dios.

Aapostolis 1:8

Ngem nan ipagtekko ken dakayo et siya na. Awnit kapten nan Ispirito Santo dakayo et itedna nan kabaelanyo ta tomoled kayo ay mangibagbaga isnan maipanggep ken sak-en id Jerusalem dat isnan kailiili id Judea ya isnan kailiili id Samaria enggana isnan kailiili isnan batawa.”

Aapostolis 13:42

Idi bomala da Bernabe ken Pablo isnan sinagoga dat kanan nan ipogaw en no mabalin koma ta tapiyanda kasin nan insoloda isnan omali ay Sabado.

Roma 15:19

Binadbadangana sak-en isnan inik-ikkak ya isnan kinkinwanik ya isnan kabaelak ay nang-ik-ikkan isnan kaskasdaaw gapo isnan kabaelan nan Ispirito Santo. Isonga inlogik id Jerusalem ay enggana id Ilirico et maid linaosak is egayak mangibagaan isnan gawis ay damag ay maipanggep ken Kristo.

Deuteronomio 6:1

“Siya dana am-in nan linteg ay inbilin nan apo ay Diosyo en ibagbagak ken dakayo. Tongpalenyo dana isnan daga ay ngannganiyo menkowa.