Mikias 4:1 - Kalin Apo Dios

¹ Is kasin et nan bilig ay nasaadan nan Templon nan apo et awnit siya nan kapatgan ay bilig isnan am-in ay bilbilig. Et adoado ay nagapo isnan kailiili nan om-omey isdi.

Mikias 4:1 Iomraidhean Croise

Salmo 110:3

Nakasagana nan ipogawmo ay maitapi ken sik-a isnan timpon di kabaelam ya mabegebegew nan badoda. Gawigawis ya menlamnin nan omaliyam ay mentolay ay kaneg nan monglo isnan wakgawakgat.”

Salmo 22:27

Am-in nan kaipoipogaw et nemnemenda nan apo dadapay somagong ken siya ta dayawenda siya.

Salmo 48:1

Napatepateg nan apo et lebbengna ay madayaw siya isnan napateg ay bilig isnan ilin nan Dios tako.

Salmo 86:9

Awnit omali ken sik-a nan am-in ay kaipoipogaw ay binoliwmo et menlokbobda isnan sagangmo dadapay daydayawen sik-a

Isaias 43:6

Awnitak ibaga isnan ilagod ta palobosanda daida ya nan iyabagatan ta adida ipakpakod daida. Ibagak ken daida en, ‘Palobosanyo ay somaa nan ipogawko ay nagapo isnan anaddawi ay il-ili ya isnan am-in ay solsolin nan batawa.

Isaias 49:6

Dat kanan nan apo ken sak-en en, “Wada nan am-ammed ay ipaoblak ken sik-a ay baak. Baken kedeng nan mang-isagongam isnan kinangaton nan ipogaw di Israel ay nabay-an is ikkam nodi ibaak sik-a pay ay omey mang-itdo isnan baken Israelita ay manglawag isnan nemnemda ta waday waya ay maisalakan am-in ay ipogaw isnan batawa.”

Isaias 56:7

“Awnitak iyey dakayo id Sion ay nan nadiosan ay biligko daket pagasingen dakayo isnan baeyko ay paglowalowan dakpay dawaten nan idatonyo isnan altarko. Nan baeyko et paglol-owalowan di ipogaw ay nagapo isnan am-in ay ili.”

Jeremias 31:12

Isonga awnitda omali ay menkanta id Jerusalem is gasingda. Awnitda malagsakan isnan gawis ay magapo ken sak-en ay kaneg nan pagey, mainom ya lana ya isnan kalnilo ya baka. Gawigawis nan biyagda ay kaneg nan om-a ay mamas-et ay masibsibogan ya adida et menseseg-ang.

Daniel 7:14

Dat maagtan is panakabalin, dayaw ya kalebbengan tapno am-in nan ipogaw isnan kailiili isnan nateketeken ay ipogaw ya kali et silbiyanda siya. Maid kombos nan panakabalina ya nan mentolayana et maiwed patenggana.”

Mikias 3:12

Isonga gapo isnan ik-ikkanyo et awnit mabakas am-in ay bab-aey id Jerusalem et menbalin ay kaneg om-a. Dapay abes nan bilig ay kad-an di Templo et awnit menbalin kasin is pagpag tay maiwed polos mabay-an.

Zacarias 8:3

“Awnitak somagong id Jerusalem ay napateg ay ilik et isdi nan menteak dat makwani en Ili ay Nalinteg ya nan bilig isdi et makwani en Bilig Apo Dios.

Aapostolis 2:17

‘Siya na nan ik-ikkak isnan maod-odi ay agew. Awnitko ipakapet nan Ispiritok isnan kaipoipogaw. Nan an-akyo ay lalalaki ya bababai et awnitda ibagbaga nan itdok ken daida. Nan bababallo et awnit kaskasdaaw nan ipailak ken daida. Nan aamam-a et awnitda iitawen nan itdok ken daida.

Hebreo 1:2

Ngem id wani et baken kaneg todi tay nan Anakna nan inosalna ay mangipagpagtek isnan kayatna ken datako. Siya nan nangipaboliwan Apo Dios isnan am-in ay wada. Et siya gedan nan pinilina ay mangtawid isnan am-in.

2 Pedro 3:3

Masapol ay getkenyo dana. Isnan maodi ay timpo et omali nan ipogaw ay mangnemnemnem ay pilmi isnan kaykayat nan awakda. Ammenganda nan ipogaw ay mamati.

Naipagtek 11:15

Idi nintanggoyob nan maikapito ay anghel dat wada nan napigsa ay kakalikali id daya ay mangmangwani en, “Menlogi id wani et maid teken is mentolay isnan batawa no baken kedkedeng nan Apo tako ya nan inbaana ay si Kristo et daida nan mentoltolay ay eng-enggana.”

Naipagtek 15:4

Maid polos adi mangpateg ken sik-a, Apo. Maid polos gedan mang-adi ay mangipagtek isnan kinangatom tay sik-a et kedeng nan kasasantowan. Isonga awnit omali nan ipogaw isnan am-in ay ili ay mangdayaw ken sik-a tay inil-ilada am-in nan ostoosto ay ik-ikkam.”

Naipagtek 20:4

Nakwas di daket ilaen ay wada nan kasitotokdo isnan tokdowan di ali et naagtanda abes is kalebbengan ay menbanag. Daida nan napatpatey gapo isnan nangipagpagtekanda isnan maipanggep ken Jesus ya nan kalin Apo Dios. Inadyanda ay mangdayaw issan kaeegyat ay nang-ap-apos ken Apo Dios ya san tinagtago ay kanegna ya egayda gedan inpamalka nan kitongda ya ledengda isnan malkana. Natagoda kasin et makitolayda ken Kristo is esay libo ay tew-en.