Mikias 3:11 - Kalin Apo Dios

¹¹ Nan mentotolay isnan ili et ikkanda et kedeng nan osto ay oblada no mapasoksokanda. Nan papadi et adida menpalawag isnan linteg malaksig no malagbowanda ya nan mamadto et menpabayadda isnan mang-ibagaanda isnan naipagtek ken daida. Ik-ikkanda di dapay kankananda en, ‘Maid ommat ken dakami tay wada nan apo ken datako.’

Mikias 3:11 Iomraidhean Croise

Jeremias 26:7

Dinngen nan papadi, mamadto ya am-in nan ipogaw nan mang-ibagbagaan Jeremias is dana isnan Templo.

Jeremias 7:4

Adiyo patpatiyen nan kampot ay kankananda ay gapo tay wada nan Templon Apo Dios isna et maid ngawi is ommat ken dakayo.

Ezekiel 34:2

et kanana, “Sik-a ay ipogaw, pabasolem nan deeyday mentolay isnan Israel. Ipadtom ken daida ay mangibaga en sak-en ay apo et siya na nan kanak. ‘Nabeddengan kayo, dakayo ay kaneg menpaspastol isnan Israelita. Daida ay kanegyo kalnilo nan ayowananyo koma ngem aped nan aw-awakyo nan as-asikasowenyo obpay.

Amos 5:14

Ngem masapol ay padasenyo ay mang-ikkan is osto ay baken nan ngawi tapno matagotago kayo ya tapno tomet-ewa nan kankananyo ay wada nan Dios ay manakabalin ken dakayo.

Mikias 3:5

Kinwanin Mikias en, “Naay nan kanan nan apo maipanggep nan mamadto ay mang-al-allilaw isnan ipogawna. Ikalida en wada nan lamnin isnan menbaybayad ken daida dadapay eg-egyaten nan tapin di ipogaw ay mangmangwani en waday omal-ali is gobat isnan adi menbayad ken daida isonga kanan nan apo ken daida ay mamadto en,

Mateo 3:9

Et adiyo kanan en mailisi kayo isnan dosan Apo Dios gapo tay apoyo din si Abraham ay nangtongtongpal ken Apo Dios. Ngem baken di is mangilisi ken dakayo tay olay nan bato ay naay et mabalin ay menbalinen Apo Dios is ap-on Abraham.”

1 Timoteo 3:3

Adi mabotboteng. Adina layden ay makisapsape wenno makisongsongbat nodi naanos siya. Ya nan esay masapol ken siya et baken nan bomaknangana is nemnemnemena.

Tito 1:11

Am-in ay men-it-itdo isnan baken tet-ewa et masapol ay maipasaldengda tay golgolowenda nan nemnem nan adoado ay ipogaw ya olay am-in ay sinbaey tay it-itdoda nan baken osto ay maitdo dapay kedeng nan kalagbowanda is an-anapenda isnan men-itdowanda.

1 Pedro 5:2

Siya dana nan kayatko ay ikkanyo. Men-gasing kayo koma ay mang-ayowan ay gawis isnan ipogaw ay intalek Apo Dios ken dakayo ay adi kayo mapilit. Baken koma nan mangnemnemnemanyo isnan lagboyo is manglaydanyo ay ikkan nodi laydenyo ay ikkan gapo isnan gasingyo ay mensilbi ken Apo Dios.

Judas 1:11

Awnit mendalalagsen nan dosada tay toltoladenda nan ogalin din si Cain ay nang-adi isnan inbilin Apo Dios ken siya. Ik-ikkanda abes nan kaneg nan basol din si Balaam tay nemnemnemenda ay pilmi nan bomaknanganda isonga nan ol-olay nan ik-ikkanda. Adyanda ay mangpati isnan nangatngato mo daida ay kaneg nan inikkan Core id kasikasin. Isonga nabanagda gedan ay kaneg Core ay madosa ay omey isnan impilno.