Mateo 8:8 - Kalin Apo Dios

⁸ Ngem dat kanan san kapitan, “Olay adika omali tay adi maibagay ay songgepka isnan baeyko tay bakenak Judio. Omanay nan kalim ay mangipagawis ken siya.

Mateo 8:8 Iomraidhean Croise

Genesis 32:10

Ngem adiyak kapaay dakapay kayet ik-ikkan nan gawis ken sak-en ay baam. Isdin nanggedangak isnan ginawang ay Jordan ay kinmaanak isnan ilik et maid ginegen-ak nodi kedeng nan sokodko ngem id wani pay et naay somagongak ay wada nan naay dowa ay bonggoy.

Salmo 10:17

apo, sik-a nan mang-inaag isnan lowalon di napaligatan dakapay papigsaen nan nemnemda tay dengngem nan adawagda.

Salmo 107:20

Pinagawisna daida isnan bilina danapay isalakan daida isnan tetey.

Salmo 33:9

tay isnan ninkaliyana dat mawada nan batawa ya nan am-in isnan nangbilinana et nawadada.

Nomero 20:8

“Alaem nan sokod ay wada isnan sagang san baol ay naipapay-an nan dowa ay nadadampig ay bato ay naisolatan nan simpoo ay lintegko. Dakayot dagopen ken Aaron nan sinpangili dayot toyyen nan bato isnan sagangda am-in et awnit bomala nan danom. Siya na nan ikkam ay men-ipabala is danom isnan bato ta waday inomen nan sanada ay ipogaw ya nan talakenda.”

Mateo 3:11

Danat itoloy ay mangwani en, “Danom nan ibonyagko ken dakayo ay mangipagtek en inbabawiyo nan basbasolyo. Ngem wada nan wedweda mo sak-en ay omon-onod et gapo isnan kawedwedana et adiyak maibilang ay mangkaan isnan sapatosna. Siya nan awnit mangibonyag ken dakayo isnan Ispirito Santo ya nan apoy.

Mateo 3:14

Ngem kinwanin Juan en, “Ay sak-en nan mangbonyag ken sik-a dapay lebbengna ay sik-a koma nan mangbonyag ken sak-en?”

Mateo 8:3

Dat gen-an Jesus siya danapay kanan, “Kayatko ay maagasanka.” Dat dagos ay makaan nan kolitna.

Mateo 8:7

Dat kanan Jesus ken siya, “Owen, omaliyak ta pagawisek siya.”

Mateo 8:9

Tay olay sak-en et wada nan nangatngato ay opisyal ay mangbab-aa ken sak-en. Et wada gedan nan sosoldado ay bab-aaek et patiyenda nan kankanak. No ibagak isnan esa en, ‘Omeyka,’ dat omey ay dagos ya no ibagak isnan esang en, ‘Omalika,’ dat omali ya no ibagak isnan esa en, ‘Ikkam na,’ danat ikkan tet-ewa. Isonga getkek ay omanay nan kalim is mangpagawis ken siya.”

Lucas 15:19

isonga adiyak et makwani en anakmo. Ngem alaem kad sak-en ta maitapiyak isnan baam.”’

Lucas 15:21

Danat tet-ewa kanan ken amana, ‘Ama, nakabasolak ken Apo Dios ya ken sik-a abes isonga adiyak et makwani en anakmo.’

Lucas 5:8

Idi inilan Simon Pedro san inommat dat menpalintomeng ken Jesus et kanana, “Apo, mabainak ken sik-a tay managbasolak isonga taynam sak-en.”

Juan 1:27

et siya nan awnit mangsokat ken sak-en. Et gapo isnan kawedwedana et adiyak maibilang ay mangkaan isnan olay sapatosna.”