Mateo 8:3 - Kalin Apo Dios

³ Dat gen-an Jesus siya danapay kanan, “Kayatko ay maagasanka.” Dat dagos ay makaan nan kolitna.

Mateo 8:3 Iomraidhean Croise

Genesis 1:3

Dat kanan Apo Dios, “Mawadaka ay silaw.” Dat mawada.

2 Aali 5:11

Ngem dat makaliget si Naaman et ninpangakaan danapay kanan, “Kanak pay no omali ay mangsab-at dat menlowalo isnan apo ay Diosna danapay paypayan nan kad-an di mensakit ta kaganawisak.

2 Aali 5:14

Isonga dat omey menletep si Naaman isnan Ginawang ay Jordan is maminpito ay kaneg san kinwanin Eliseo daet ginmawigawis ya dinmalodalos nan kodilna ay kaneg kodil di onga.

Salmo 33:9

tay isnan ninkaliyana dat mawada nan batawa ya nan am-in isnan nangbilinana et nawadada.

Exodo 4:7

Danat kasin kanan ken Moses en, “Kasinmo ipasgep nan ledengmo isnan badom.” Dat kasin ipasgep Moses nan ledengna et idi ipabalana kasin et ginmawis ay kaneg san sigod ay kodilna.

Mateo 12:13

Danat kanan isnan nabingoy en, “Oyadem nan ledengmo.” Inoyadna dat maoyad tet-ewa ay kaneg nan esa ay ledengna.

Marcos 1:41

Naseg-ang si Jesus danat gen-an siya danapay kanan, “Kayatko ay maagasanka.”

Marcos 4:39

Dat bomangon si Jesus et bilinena nan dagem ya danom ay mangwani, “Ikin-eyo.” Dat ikin-en nan dagem dapay omneng nan danom.

Marcos 5:41

Dat gen-an Jesus nan ledeng san onga danapay kanan isnan kalida, “Talita kom.” Nan kayatna ay kanan et, “Ibangonmo ay anakko.”

Marcos 7:34

Dat mentangad id daya et menpog-es danapay kanan isnan kalida, “Eppata.” Nan kayatna ay kanan et makadngeka.

Marcos 9:25

Dat ilan Jesus ay madagdagop nan ipogaw ay manglikob ken daida danat bilinen nan anito ay mangwani, “Sik-a ay toweng ya omel ay anito, taynam siya ta adim kasin kapkapten.”

Lucas 4:27

Dat kaneg abes din timpon Eliseo ay esay mamadto et ado nan nakolit ay kailiyana id Israel dapay maid olay esa ken daida is inpagawisna nodi kedkedeng si Naaman ay iSiria is pinagawisna.”

Lucas 5:13

Dat gen-an Jesus siya danapay kanan, “Kayatko ay maagasanka.” Dat dagos ay makaan nan kolitna.

Lucas 7:14

Daet somag-en si Jesus et gen-ana san inaawitda ay koong dat itakdeg san deeyday mang-aawit. Dat kanan Jesus, “Baballo, bomangonka.”

Juan 11:43

Kinwanina na danat ibibiyad ay mangwani en, “Lazaro, bomalaka.”

Juan 15:24

Bakenda koma basol nan adida mangpatiyan ken sak-en no egayak inpaila ken daida nan kaskasdaaw ay maiwed polos makaikkan. Ngem id wani ay olay inilada nan inik-ikkak et adyanda kayet dakami ken Ama isonga dadama nan basolda.

Juan 5:21

Si Ama et tagowena nan natey et siya abes nan ikkak ay Anakna tay agtak is biyag nan laydek ay agtan.