Mateo 7:7 - Kalin Apo Dios

⁷ Dat kanan Jesus pay, “No waday masapolyo, menlowalo kayo ay mendawat ken Apo Dios et awnitna ited nan masapolyo ta no waday an-anapenyo et awnityo datngan. Kaneg no menkogkog kayo isnan segpan et tokabana ta songgep kayo.

Mateo 7:7 Iomraidhean Croise

1 Aali 3:5

Isnan esay labi ay kawad-an ali Solomon id Gabaon dat menpaila nan apo ken siya isnan iitaw et sootena en, “Ngan nan kaytem ay idyak ken sik-a?”

Salmo 10:17

apo, sik-a nan mang-inaag isnan lowalon di napaligatan dakapay papigsaen nan nemnemda tay dengngem nan adawagda.

Salmo 10:4

Adina ikaskaso nan apo isonga isnan kinangaton di nemnemna et kankanana en, “Adiyak masapol nan Dios.”

Salmo 119:12

Daydayawek sik-a apo. Isolom kad ken sak-en nan lintegmo.

Salmo 27:8

Inpanemnemmo ken sak-en en, “Omalika ta mangdaydayawka.” daket kanan, “Owen apo, omaliyak.”

Salmo 34:4

Nindawatak isnan apo danat dengngen sak-en et wayaana sak-en isnan am-in ay egyatko.

Salmo 37:4

Magasinganka koma isnan apo et awnitna tongpalen nan namnamaem ay maikkan.

Salmo 50:15

Dat no waday ligat et sak-en nan mendawatanyo et awnitak isalakan dakayo dakayot mangdaydayaw.”

Salmo 69:32

Isnan mang-ilaan nan maaamis is dana et gomasingda dapay pomigsa nan mangdaydayaw ken Apo Dios.

Salmo 70:4

Ngem am-in ay mangpateg ken sik-a et gomasing ya menlagsak koma ya am-in ay mangpaay isnan mang-isalakanam ken daida et kanayon ay kananda koma en, “Madaydayaw si Apo Dios.”

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Isaias 30:19

Dakayo ay mentetee id Jerusalem et awnit adi kayo et men-ag-aga tay managseg-ang nan apo et no menpabadang kayo ken siya et idngena dakayo.

Mateo 18:19

Wada pay nan ibagak ken dakayo. No eesaen nan dowa ay mamati nan dawatenda et awnit ikkan Amak id daya.

Mateo 21:22

Tay no ostoosto nan pammatiyo ken Apo Dios et am-in ay dawatenyo ken siya et tongpalena.”

Mateo 6:33

Isonga paam-amdenyo kayet ay mangnemnem isnan mentolayan Apo Dios ya nan laydena ay ikkanyo et awnitna ited ken dakayo nan am-in ay masapolyo.

Mateo 7:11

Adi, tay olay no ngawi kayo ay ama et getkenyo ay mang-ited is gawis isnan an-akyo. Isonga am-amed nan ikkan Amayo id daya ay mang-ited isnan gawis ken daida ay mendawat ken siya.

Mateo 7:8

Tay am-in ay kadadanawat ya kalalanowalo ken Apo Dios et awnitna agtan. Ya nan kakakanogkog et awnitna tokaban nan eneb ta songgepda.

Marcos 11:24

Isonga ibagak ken dakayo, olay mo ngan nan dawatenyo ken Apo Dios, no talkenyo siya awnit tongpalena tet-ewa nan dawatyo.

Lucas 13:25

ngem no epdas inemban nan kabaey et adi kayo makasgep. Olay no menkogkog kayo dakayo pay mensegseg-ang en, ‘Apo, tokabam kad ta songgep kami,’ ngem awnit kanana ken dakayo, ‘Adiyak getken dakayo.’

Lucas 18:1

Dat mensodok si Jesus ken daida ta itdona ay masapol ay menlol-owaloda ay kanayon ya adida somadsadot.

Juan 15:16

Baken kayo is nangpili ken sak-en ay mangisolo ken dakayo nodi sak-en nan nangpili ken dakayo. Pinilik dakayo ay omey mang-ikkan is gawis et siya nan kanegyo begas ay adi kaam-am-amin et ited Ama ken dakayo nan am-in ay dawatenyo isnan ngadanko tay mamati kayo ken sak-en.

Juan 15:7

Ngem no itoltoloyyo ay mentetee ken sak-en ya idngeyo nan kalik dakayot ibaga nan kayatyo ken Ama et awnit maikkan ken dakayo.

Juan 4:10

Dat kanan Jesus, “No getkem koma nan idyan Apo Dios ya no sinowak ay mangmangwani en painomem et ibagam koma tapno agtak sik-a isnan danom ay mang-idya is biyag.”

Roma 2:7

Nan ipogaw ay gawigawis nan inik-ikkana gapo isnan nanggamgamgamana isnan makiteana ken Apo Dios ay enggana ya nan mangdayawana ken siya et ited Apo Dios ken siya nan biyag ay maid patenggana.

Roma 3:11

Maid polos makaawat isnan ostoosto ay maipanggep ken Apo Dios ya maid abes manggamgam ay mangtek ken siya.

Hebreo 11:6

Ngem adi kabalin ay men-gasing si Apo Dios isnan ipogaw ay maid pammatina ken siya. Tay nan kompolmi ay mangkayat ay somag-en ken Apo Dios et masapol ay mamatida ay wada siya ya patpatiyenda ay nan ik-ikkana isnan manglayad ay mangtek ken siya et gawis.

Santiago 5:15

No talkenda si Apo Dios ay mangipagawis isnan sakitna et gomawis tet-ewa. No abes nakabasol et pakawanen gedan Apo Dios siya.

1 Juan 3:22

Et olay no ngan nan dawaten tako ken siya, itedna tay patpatiyen tako nan bilina ya kaykayat tako ay ikkan nan mangipagasing ken siya.