Mateo 7:11 - Kalin Apo Dios

¹¹ Adi, tay olay no ngawi kayo ay ama et getkenyo ay mang-ited is gawis isnan an-akyo. Isonga am-amed nan ikkan Amayo id daya ay mang-ited isnan gawis ken daida ay mendawat ken siya.

Mateo 7:11 Iomraidhean Croise

Genesis 6:5

Idi inilan nan apo ay nginmawi am-in nan ik-ikkan nan ipogaw isnan batawa ya ngawi et kedeng nan nenemnemenda

Genesis 8:21

Nan songsong nan mapoowan ay maigasing ken Apo Dios et laylaydena danat kanan isnan nemnemna, “Adiyak kasin eng-engewen nan batawa gapo isnan ik-ikkan nan ipogaw tay getkek ay ngawi ay sigod nan nemnemda. Adiyak gedan eng-engewen nan am-in ay matmatago ay kaneg nan inikkak.

Salmo 84:11

Tay nan apo ay Dios nan mangtangtanggew isnan nemnemko ya siya nan mangsalsalaknib ken sak-en. Idyana gedan nan badang ya nan kaidayawan ya adina iyimot nan gawis ken daida ay nalinteg nan ik-ikkanda.

Salmo 85:12

Tet-ewa ay idyan nan apo nan gawis ken datako et omado nan apit isnan daga tako.

Salmo 86:15

Ngem sik-a apo nan Dios ay managseg-ang ya managlayad. Bakenka pay nalaka ay makaliget ya itoltoloy nan adi menbalbaliw ay layad ya talekmo.

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Isaias 49:15

Daet kanan nan apo en, “Ayke mabalin ay kalingkingan di ina nan anakna ay pasososowena? Ayke waday ina ay adi manglayad isnan onga ay iyanakna? Ngem olay no kalingkingan nan ina nan anakna et adiyak polos kalingkingan dakayo.

Jeremias 17:9

Maid polos makaawat isnan nemnem di ipogaw tay nalaka ay maal-allilaw ya pilmi nan kangawina.

Mateo 23:9

Et adiyo abes kankanan isnan ib-ayo isnan naay batawa en Ama tay wada nan es-esay amayo ay si Apo Dios id daya.

Mateo 7:10

wenno agtana siya is oweg no mendawat is ikan.

Juan 3:16

Gapo tay dadama nan layad Apo Dios isnan ipogaw isnan batawa et inpaiyalina nan kedkedeng ay Anakna tasiyay am-in ay mamati ken siya et adida kadosdosa nodi matagotagoda ken Apo Dios.

Roma 3:19

Getken tako ay inpasolat Apo Dios nan lintegna tapno tongpalen nan ipogaw ay nang-itedana. Isonga adi kabalin ay menlason nan olay esay ipogaw isnan mangbanagan Apo Dios ken datako tay olay wada ken datako nan linteg Apo Dios et adi tako tongtongpalen.

Roma 3:9

Isonga sino nan osto ay nemnemen tako? Ay mabalin ay kanan tako en gag-awis nan nemnem Apo Dios ken datako ay Judio mo nan nemnemna isnan baken Judio? Adi kabalin. Kaneg nan kinwanik en baan di basol datako am-in.

Roma 8:32

Olay nan es-esang ay Anakna et inpalobosna siya ay matey ay pala ken datako am-in. No siya di nan inikkana ay adina ited ken datako nan am-in ay masapol tako?

Galacia 3:22

Ngem kanan nan naisolat ay kalin Apo Dios en, “Maid polos ipogaw is maid basolna tay baan nan basol datako am-in.” Tet-ewa di tasiyay kedeng nan mamatiyan nan ipogaw ken Jesu Kristo is gapo ay ited Apo Dios ken daida nan badang ay inkalina ay biyag ay maid patenggana.

Santiago 1:17

tay kedeng nan gawis ya osto nan magapgapo ken siya. Owen, magapo dadi ken Apo Dios ay nangboliw isnan am-in ay silaw id ngato ay nan talaw, bowan ya agew. Ngem olay no menbalbaliw nan ilan nan deeyday binoliwna et adi menbalbaliw si Apo Dios.

1 Juan 3:1

Nemnemen tako nan pilmi ay layad Apo Dios ken datako. Nan kagtekan nan layadna et nan nangpabalinana ken datako is an-akna. Owen, an-ak Apo Dios datako ay mamati ken Kristo. Ngem nan adi mamati et adida maawatan nan ogali tako tay adida getken nan Ama tako ay si Apo Dios.

1 Juan 4:10

Isonga siya na nan kagtekan nan tet-ewa ay layadna. Tay olay maid layad tako ken Apo Dios issan egay tako namatiyan ngem laylaydena kayet datako. Isonga inbaana nan Anakna ta matey tasiyay mapakawan nan basbasol tako.