Mateo 6:12 - Kalin Apo Dios

¹² Pakawanem nan basbasolmi ay kaneg nan mangpakawananmi abes isnan nakabasol ken dakami.

Mateo 6:12 Iomraidhean Croise

1 Aali 8:30

Owen, isnan kad-am id daya et dengngem nan lowalok ya nan lowalon nan ipogawmo dakat pakawanen dakami.

Salmo 130:4

Ngem sik-a et managpakawanka tasiyay di ipateg nan kaipoipogaw sik-a.

Salmo 32:1

Nagasat nan ipogaw ay napakawan, ay nan ipogaw ay kalingkingan Apo Dios nan basbasolna.

Exodo 34:7

Tongpalek nan insapatak isnan kalibolibo ay kap-owan nan ipogawko dakpay pakawanen nan basbasolda. Ngem dosaek nan managbasol ay enggana isnan maikatlo ya maikap-at ay aan-ak ya aap-oda.”

Isaias 1:18

Kankanan pay nan apo en, “Akayo ta menlilinawag tako. Namansaan kayo is gadangdang gapo isnan basbasolyo ngem owasak dakayo et menbalinek dakayo ay nadalodalos ta pomolaw kayo ay kaneg nan kapes. Olay no pilmi ay men-galaladangdang nan mansayo ngem awnit kayo pomolaw ay kaneg nan kapolaw di kapes.

Mateo 26:28

Tay siya na nan basak ay mangipaila isnan balo ay nakitolagan Apo Dios isnan ipogaw. Ipailana nan men-ayosan nan basak ay mang-owas isnan basbasol nan ipogaw.

Mateo 9:2

Idi omdanda isdi dat domateng nan mangaatangay isnan lalaki ay napalalais. Gintek Jesus ay talkenda siya isonga danat kanan issan napalalais en, “Adika omegyat tay napakawan et nan basolmo.”

Marcos 11:25

Ya abes no menlowalo kayo et masapol ay pakawanenyo nan nakabasol ken dakayo ta pakawanen abes Amayo id daya nan basbasolyo.”

Lucas 11:4

Pakawanem nan basbasolmi dakami pay pakawanen abes nan nakabasol ken dakami. Ya adim ipalobos dakami ay madoldolog ay menbasol.”

Lucas 13:4

Ngan pay abes nan kananyo isnan simpoo ya wao ay nagat-onan ay natey id Siloe ay sakop di Jerusalem? Ay kananyo ngen en am-amed nan basolda mo nan tap-in di kailiyanda?

Lucas 6:37

“Adiyo banbanagen nan ib-ayo ta adi abes banagen Apo Dios dakayo. Adiyo abes pabasbasolen nan ib-ayo ta adi gedan pabasolen Apo Dios dakayo. Nodi pakawanenyo nan ib-ayo ta pakawanen abes Apo Dios dakayo.

Aapostolis 13:38

Isonga ibagami ken dakayo ay gagayyemmi en gapo isnan inikkan Jesus et mabalin ay pakawanen Apo Dios nan basol tako.

Efeso 1:7

Nan basan Jesu Kristo ay inmayos isdin nateyana et siya nan nangsakbot ken datako isnan basbasol tako isonga pinakawan Apo Dios datako. Gapo tay managseg-ang siya

Efeso 4:32

Baken koma kaneg todi nan ikkan tako nodi men-inanos tako ya ipaila tako nan seg-ang tako isnan ib-a tako. Menpinakawan tako ay kaneg nan inikkan Apo Dios ay mangpakawan ken datako gapo ken Jesu Kristo.

Colosas 3:13

Men-inanos kayo isnan iib-ayo ta no waday bomasol dakayot menpinakawan ay dagos. Menpinakawan kayo ay kaneg nan inikkan Apo Jesus ay nangpakawan ken datako.