Mateo 5:7 - Kalin Apo Dios

⁷ Nagasat nan managseg-ang isnan iib-ada tay awnit seg-angan Apo Dios daida.

Mateo 5:7 Iomraidhean Croise

Salmo 112:4

Olay no mamingsan ay kaneg menbolinget ken siya et masilawan kayet gapo isnan kinagawisna, kinamanagseg-ang ya kinalintegna.

Salmo 112:9

Manag-ited isnan makasapol ya adi kamkammid nan kinalintegna. Makabael ya maidayaw siya gedan.

Salmo 18:25

apo, matalekka isnan mangtalek ken sik-a ya maid ik-ikkam is kadelawam isnan maid kadelawanda.

Salmo 37:26

nodi managseg-ang ya managpaotangda et mabindisyonan nan an-akda.

Oseas 2:23

Dakpay olnosen nan ipogawko isnan dagada ya pasikaek daida. Et nan ipogaw ay egay kalaylayad et awnitak ipaila nan layadko ken daida. Nan makwani en bakenko ipogaw et awnitak kanan en ipogawko. Dadat et kanan ken sak-en en, ‘Sik-a nan tet-ewa ay Diosmi.’ ”

Mikias 6:8

Adi, tay inbagan nan apo nan gawis ay ikkan tako et siya na. Ikkan tako nan osto datakopay ipaila nan layad ya seg-ang tako ya menpakombaba tako ay mangtongtongpal ken Apo Dios.

Marcos 11:25

Ya abes no menlowalo kayo et masapol ay pakawanenyo nan nakabasol ken dakayo ta pakawanen abes Amayo id daya nan basbasolyo.”

Lucas 6:35

Isonga baken dana is ikkanyo koma nodi laylaydenyo nan mang-aamis ken dakayo dayopay ikkan nan gawis ken daida. Menpabolod kayo olay getkenyo ay adida isagong nan bolodenda tay no siya dana nan ik-ikkanyo et ipailayo dadlo ay an-ak Apo Dios dakayo et awnit gawis nan idyana ken dakayo. Tay maseg-ang siya olay isnan adi mangtek ay men-iyaman ya nan naimot.

Roma 11:30

Dakayo ay baken Judio, egayyo pinati si Apo Dios id kasin. Ngem id wani ay patpatiyenyo, sineg-angana dakayo ay mangpakawan isnan basbasolyo. Nan seg-angna ken dakayo et siya nan banag nan nang-adyan nan Judio ay patiyen si Kristo.

1 Corinto 7:25

Siya dana pay nan ibagak isnan omasawaan di ipogaw. No egay omasawa pay laeng nan ipogaw et ibagak nan wada isnan nemnemko ay maipanggep isnan gawis ay ikkanda. Maid inbilin Apo Jesus is maipanggep isnan naay ngem mabalin ay talkenyo nan ibagak tay matalekak gapo isnan layadna ay mangbadbadang ken sak-en.

2 Corinto 4:1

Gapo tay nan gawigawis ay kaneg todi nan ibagbagami et maid polos egyatko ay mangibaga ay olay no mapalpaligatak. Et maid teken is nagapowan nan kalebbenganmi ay mang-ikkan no baken nan layad ya seg-ang Apo Dios.

Efeso 4:32

Baken koma kaneg todi nan ikkan tako nodi men-inanos tako ya ipaila tako nan seg-ang tako isnan ib-a tako. Menpinakawan tako ay kaneg nan inikkan Apo Dios ay mangpakawan ken datako gapo ken Jesu Kristo.

Colosas 3:12

Dakayo nan pinilin Apo Dios ay ipogawna ay laylaydena isonga masapol ay nan laydena nan ik-ikkanyo koma. Managseg-ang ya managbadang kayo koma isnan ib-ayo. Adiyo koma pangangatowen nan awakyo nodi ipabababayo nan nemnemyo ta adiyo paseseg-angen nan ib-ayo ya managkoya kayo.

1 Timoteo 1:16

Ngem naseg-ang si Apo Dios ken sak-en ya binadangana sak-en tapno sak-en nan esay mailaan nan dadama ay anos Kristo. Tay no ilaen nan tapin di ipogaw ay awnit mamati ken siya nan anosna ken sak-en ay kapilmiyan ay managbasol et waay kananda en mabalin ay pakawanen Apo Dios daida gedan tapno matagotagoda ay eng-enggana ken siya.

Hebreo 4:16

Isonga adi tako omegyat ay somag-en ken Apo Dios tay kayakayatna ay mangipaila isnan anos ya layadna ken datako. No menpabadang tako ken siya et seg-angana ya badangana datako isnan kinakapsot tako.

Hebreo 6:10

Tay ostoosto nan ik-ikkan Apo Dios isonga adina kalkalingkingan nan gawis ay ik-ikkanyo ya nan mangipail-ilaanyo isnan layadyo ken siya isnan mangbadbadanganyo isnan iib-ayo ay mamati.

Santiago 2:13

Tay nan adi maseg-ang isnan iib-ana et adi abes seg-angan Apo Dios siya isnan awnitna mangbanagan isnan ipogaw. Ngem nan managseg-ang isnan iib-ana et maid iyeegyatna no banagen Apo Dios siya.

Santiago 3:17

Ngem no si Apo Dios nan kagapowan nan kinasilib tako et gawis nan banagna tay dokogan tako nan ngawi ay ogali ta nan gawis et kedeng nan ik-ikkan tako. Makigayyem tako, omanos tako ya adi tako ipapati nan layden tako. Managseg-ang tako isnan iib-a tako ya maid paamden tako isnan iib-a tako ya adi tako menkamkampot.

1 Pedro 2:10

Id kasin baken ipogaw Apo Dios dakayo ngem id wani ipogawna dakayo. Id kasin egayyo liknaen nan seg-angna ngem id wani et likliknaenyo.