Mateo 5:6 - Kalin Apo Dios

⁶ Nagasat nan manglaylayad ay mang-ikkan isnan layden Apo Dios tay awnit mapnekda.

Mateo 5:6 Iomraidhean Croise

Salmo 107:9

Tay penekena nan naewew danapay agtan is gawis nan naowat.

Salmo 145:19

Idyana nan masapol nan mangdayaw ken siya ya dengngena pay nan agada danat isalakan daida.

Salmo 17:15

Ngem sak-en et awnitko ilaen sik-a tay nalintegak dakpay men-gasgasing tay wadaka ken sak-en.

Salmo 63:5

Mamapnekak ay kanegak ninlagsak dakpay menkanta is kagagasing ay mangdaydayaw ken sik-a.

Salmo 65:4

Nagasat nan pinilim ay ipogawmo ay ipateteem isnan baeymo. Mapnek kami isnan gawis ay wada isnan baeymo ay nan bindisyon isnan templom.

Salmo 84:2

Kakakayatko ya maiiliwak isnan pantew nan kad-an nan apo. Owen, mailiwak ngem men-gasingak kayet isnan matatago ay Dios.

Isaias 25:6

Isnan bilig nan Sion et awnit men-isagana nan apo ay manakabalin is menlagsakan pala isnan am-in ay il-ilin nan batawa ay nan kagagawisan ay sida ya mainom

Isaias 41:17

“No men-an-anap nan ipogawko is danom ya maango nan ayokookda is ewewda dat sak-en ay apo et idngek nan dawatda tay sak-en ay Dios di Israel et adiyak baybay-an daida.

Isaias 44:3

Awnitak agtan is danom nan ili ay maewew ya pabal-ek nan ginawang isnan nanakgang ay lota. Kaneg todi nan ikkak ay mang-ibokbok isnan panakabalinko isnan an-akmo ya ikkak ay mangbindisyon isnan ap-om.

Isaias 66:11

Mapnek kayo isnan somikaana ay kaneg nan mapnekan di mensososo ay engnga isnan inana.

Lucas 1:53

Inagtana nan kaseseg-ang is masapolda danapay pakaanen nan babaknang ay maid polos gegen-anda.

Lucas 6:21

Nagasat kayo ay manglaylayad ay mang-ikkan isnan layden Apo Dios tay awnit kayo mapnek. Nagasat kayo ay menseseg-ang gapo isnan basolyo tay awnit kayo men-gasgasing.

Lucas 6:25

Kaseseg-ang kayo ay mamapnek id wani tay awnit kayo maowat. Kaseseg-ang kayo ay men-gasgasing id wani tay awnit kayo menseseg-ang ya men-ag-aga.

Juan 4:14

ngem nan mang-inom isnan idyak ay danom et adi kaew-ewew. Tay nan danom ay idyak et menbalin ay kaneg balaan ay adi katkatdok isnan awakna ay mang-idya ken siya is biyag ay eng-enggana.”

Juan 6:27

Adi kayo koma aped menligligat gapo isnan makan ay adi menbayag nodi anapenyo nan makan ay mang-ited isnan biyag ay maid patenggana. Sak-en ay Iyon-an Am-in di Ipogaw nan mang-idya ken dakayo isnan makan ay naay tay si Apo Dios ay Amak nan nangyali isnan kalebbengak.”

Juan 7:37

Nan kaodiyan ay agew isnan Fiestan di Bawbawi et siya nan kawedwedaan. Issan deey ay agew tinmakdeg si Jesus danat ibibiyad ay mangwani, “No sino nan maewew dat omali ken sak-en ta ominom.

Naipagtek 7:16

Isonga adida polos kasin kaow-owat ya adida kasin kaew-ewew. Adida pay mapaligatan isnan kaeegyat ay agew ya mailisida isnan pilmi ay poos di kompolmi