Mateo 5:5 - Kalin Apo Dios

⁵ Nagasat nan mangipabababa isnan nemnemda tay awnit ited Apo Dios nan am-in ay inkalina ken daida.

Mateo 5:5 Iomraidhean Croise

Salmo 147:6

Ipangatona nan nababa danapay dosaen nan makedse.

Salmo 149:4

tay kagagasing nan apo nan ipogawna danapay pangabaken nan nababa.

Salmo 22:26

Dat makikan nan kodo et engganay mapnekda ya nan mang-an-anap isnan apo et das-anda siya dadat dayawen. Sapay koma ta mennam-ayda ay eng-enggana.

Salmo 25:13

Masikada ay kanayon daet tawiden nan an-akda nan daga.

Salmo 25:9

Ipangona nan nababa isnan osto dadapay isolo ken daida nan kayatna ay maikkan.

Salmo 37:11

Ngem nan mangipapababa isnan nemnemda et awnitda tawiden nan daga dadapay menlamlamnin.

Salmo 37:22

Nan binindisyonan nan apo et daida nan mangtawid isnan daga ngem nan binaosna et awnitda mapakaan.

Salmo 37:29

Nan nalinteg ay ipogaw et awnitda tawiden nan daga et awnitda menlamlamnin isdi ay eng-enggana.

Salmo 37:34

Mentalekka koma isnan apo dakapay tongpalen nan bilina et awnitna patgen sik-a danat ipatawid nan daga ken sik-a ya awnitmo ilaen nan madosaan di makedse.

Salmo 37:9

Tay nan mangik-ikkan is ngawi et maipakaanda ngem nan mentalek isnan apo et awnitda tawiden nan daga.

Salmo 69:32

Isnan mang-ilaan nan maaamis is dana et gomasingda dapay pomigsa nan mangdaydayaw ken Apo Dios.

Isaias 11:4

Awnit osto nan ikkana ay mangbanag isnan kodokdo danapay badangan daida ay kaseseg-ang. Ngem nan ngawi et madosada ay mapatey gapo isnan bilina.

Isaias 61:1

Wada nan Ispiriton nan apo ay kangatowan ken sak-en tay pinilina sak-en ay mang-ipagtek isnan gawis ay damag isnan kodokdo. Inbaana sak-en ay mangbadang isnan maligligatan ya ta mapalobosan nan balod.

Mateo 11:29

Dawatenyo nan it-itdok et solowenyo nan am-in ay maipanggep ken Apo Dios tay siya nan mangdatnganyo isnan tet-ewa ay talna ay nagapo ken sak-en. Tay isnan men-it-itdowak et naanosak ya adiyak ipapangato nan awakko.

Mateo 21:5

“Ibagayo isnan iJerusalem en, ‘Ilaenyo. Naay omal-ali nan Aliyo ay nangipababa isnan awakna ay mensasakay isnan anak di kabayo.’”

Roma 4:13

Inkalin Apo Dios ken Abraham ya isnan aap-ona ay daida nan awnit mangtawid isnan batawa. Inkalin Apo Dios di gapo isnan gawis ay pangiilaana ken siya gapo isnan kamaid dowadowan Abraham isnan kankanana ay baken isnan nangtongtongpalana isnan adoado ay lintegna.

Galacia 5:23

managpakombaba ya getkem ay mangtena isnan am-in ay ikkam. No ikkam am-in da tona et tongtongpalem nan am-iam-in ay linteg.

Efeso 4:2

Kaneg tona nan ikkanyo koma, managkoya kayo ay adi kayo men-et-etek nodi men-inanos kayo ay menlinayad.

Colosas 3:12

Dakayo nan pinilin Apo Dios ay ipogawna ay laylaydena isonga masapol ay nan laydena nan ik-ikkanyo koma. Managseg-ang ya managbadang kayo koma isnan ib-ayo. Adiyo koma pangangatowen nan awakyo nodi ipabababayo nan nemnemyo ta adiyo paseseg-angen nan ib-ayo ya managkoya kayo.

1 Timoteo 6:11

Ngem sik-a Timoteo, ay esa ay men-ob-obla ay pala ken Apo Dios et adim solsoloten nan maik-ikkan ay kaneg da todi. Ipasnekmo isnan nemnemmo nan mang-ikkanam isnan gawis ya nemnem ay nadiosan. Itoltoloymo ay mamati. Laylaydem ay pilmi si Apo Dios ya nan iib-am ay ipogaw. Itoltoloymo ay mang-ikkan isnan kayat Apo Dios olay no mapaligatanka dakapay an-anosan nan mangpaligat ken sik-a.

2 Timoteo 2:25

Nodi an-anosana ay mangpadas ay mangpaosto isnan nemnem nan mang-ap-apos ken siya ta baleng badangan Apo Dios daida ta ibabawida nan ngawi ta nan tet-ewa nan patiyenda.

Tito 3:2

Ya nan esay ibagam et adida taytayoktoken nan ib-ada ya adida makisongsongbat nodi nan gawis nan ik-ikkanda isnan am-in ay ipogaw.

Santiago 1:21

Isonga masapol ay kaanen tako nan ngawi ay nemnemnemen ya ik-ikkan tako. Ipababa tako nan nemnem tako ta nan pamagbaga ay inpagtek Apo Dios ken datako nan tongpalen tako tay siya nan maisalakanan tako.

Santiago 3:13

Ay wada ken dakayo nan masilib ya manakaawat? No wada, masapol ay ipailana nan kinasilibna isnan gawis ay ik-ikkana ay adi polos men-et-etek.

1 Pedro 3:15

Nodi patgenyo si Kristo ya dayawenyo siya isnan kinaapona. Kanayon ay mensagana kayo ta no waday mensoot ken dakayo maipanggep isnan mamatiyanyo ken Kristo et gawis ya osto nan songbatyo. Ngem anosanyo ya gawisenyo ay mangsongbat ken daida.

1 Pedro 3:4

Nodi gag-awis no nan gawis ay ogaliyo nan mangipabgew ken dakayo tay no manag-anos kayo et siya nan mangipabgew ay adi kakak-aan et siya nan nabanobanol ken Apo Dios.