Mateo 5:4 - Kalin Apo Dios

⁴ Nagasat nan menseseg-ang gapo isnan basbasolda tay awnit liwliwaen Apo Dios daida.

Mateo 5:4 Iomraidhean Croise

Isaias 25:8

Awnit pamaiden nan kangatowan ay apo nan tetey ta adiyet matmatey nan ipogaw et awnitna kaanen nan am-in ay gapo ay men-ag-agaanda. Awnitna kaanen nan kaibabainan di ipogawna. Nan apo ay mismo nan nangwani isna.

Isaias 30:19

Dakayo ay mentetee id Jerusalem et awnit adi kayo et men-ag-aga tay managseg-ang nan apo et no menpabadang kayo ken siya et idngena dakayo.

Isaias 35:10

Awnitda omdan id Jerusalem ay men-gasgasing dadapay menkankanta ya menbogbogaw is gasingda. Et men-gasgasingda et ay eng-enggana tay maid et babawi ya seg-ang ay eng-enggana.

Isaias 57:18

Iilak nan ik-ikkanda ngem awnitak pagawisen daida daket ipangpango ya badbadangan daida dakpay liwliwaliwen nan menseseg-ang.

Isaias 66:10

Makigasing kayo isnan Jerusalem ya men-gasing kayo pala ken siya, dakayo am-in ay manglayad isnan naay ili. Dakayo am-in ay ninseseg-ang gapo ken siya et makigasing kayo ken siya id wani.

Zacarias 12:10

Awnitak pabalinen nan ap-on din si David ya nan iJerusalem ay managseg-ang ya managlowalo. Dadat ilaen nan dinoy-okda dadat ilemet ay kaneg nan men-ilemetan di nateyan is bogbogtong ay anak. Pilmi nan ikkanda ay menbabawi ay kaneg nan ikkanda no matey nan damo ay anakda.”

Lucas 16:25

Ngem dat kanan Abraham, ‘Nemnemem anakko, issan natatagowam et wada am-in nan kaykayatmo dapay si Lazaro et napalpaligatan ngem id wani gan-ganasena isna dapay ta mapalpaligatanka abes issa.

Lucas 6:21

Nagasat kayo ay manglaylayad ay mang-ikkan isnan layden Apo Dios tay awnit kayo mapnek. Nagasat kayo ay menseseg-ang gapo isnan basolyo tay awnit kayo men-gasgasing.

Lucas 6:25

Kaseseg-ang kayo ay mamapnek id wani tay awnit kayo maowat. Kaseseg-ang kayo ay men-gasgasing id wani tay awnit kayo menseseg-ang ya men-ag-aga.

Lucas 7:38

Dat menpalintomeng isnan kad-an Jesus ay men-ag-aga dat mentedted nan agana isnan sikin Jesus. Danat ponasan isnan bookna danat bisitowen danapay bokbokan is bangbanglo.

Lucas 7:50

Ngem dat kanan Jesus issan babai, “Nan pammatim nan nangisalakan ken sik-a. Somaaka et ay menlamlamnin.”

Santiago 1:12

Nan mamati et men-gasing no anosanda ay mangitpe isnan ligat ay adi kasoksokatan nan pammatida. Tay nan makatpe et ligalowan Apo Dios is biyag ay maid patenggana ay inkalina ay maited isnan manglaylayad ken siya.

Naipagtek 21:4

Awnitna kaanen nan am-in ay gapo ay men-ag-agaanda. Awnit maid et matmatey ya maid menseseg-anganda ya maligligatanda tay am-in ay inom-ommat id kasin et namaidda.”