Mateo 4:7 - Kalin Apo Dios

⁷ Ngem dat songbatan Jesus siya ay mangwani en, “Nan naisolat ay kalin Apo Dios et kanana gedan en adiyo dologen si Apo Dios ay Apoyo.”

Mateo 4:7 Iomraidhean Croise

Salmo 106:14

Pilmi pay nan bigawda isdin kawad-anda isnan pondag ya padpadasenda si Apo Dios.

Salmo 78:18

Ginagalada ay nangpadas ken Apo Dios isnan ninkedawanda is makan ay bigbigawenda.

Salmo 78:41

Kanayon ay padasenda nan anosna ya pinaligetda siya ay Dios di Israelita ay maid polos kangawina.

Salmo 78:56

Ngem olay no keg todi et pinadas ya pinaligetda kayet si Apo Dios ay Kangangatowan ya egayda tinongpal nan bilbilina.

Salmo 95:9

Pinadasda sak-en isdi olay no inilada nan inikkak pala ken daida.

Exodo 17:2

Ninlilida kasin ken Moses et kananda en, “Agtam adi dakami is inomenmi.” Dat kanan Moses en, “Aytay dakayon malalanili? Dayon padpadasen nan apo?”

Exodo 17:7

Danat ngadnan san deey ay logal is Massa ya Meriba tay ninlili ya pinadpadas nan Israelita nan apo issan ninsootanda en, “Ay wada nan apo ken datako wenno maid?”

Malakias 3:15

Dapay nan mang-iilaan tako isnan lastog ay ipogaw et daida nan men-gasgasing tay somikada isnan mangik-ikkananda is ngawi ya padasenda pay nan anos Apo Dios isnan ngawi ay ik-ikkanda et maid met kayet ommat ken daida.’ Kinwaniyo di.”

Nomero 14:22

ay awnit maid matago isnan naayda ay aamam-a is esa songgep isnan deey ay daga. Inilada nan somili ay silangko isnan ninpap-ailaak ya nan kaskasdaaw ay inpailak id Egipto ya isnan pondag ngem namin-ado ay pinadasda nan anosko ya adida kayten ay tongpalen sak-en

Mateo 21:16

Dadat sooten ken Jesus, “Ay adim dengngen nan kankanan nan oongong-a?” Dat kanan Jesus, “Dedengngek ya. Ay egayyo binasa nan naisolat isnan kalin Apo Dios en initdowana nan oongong-a tapno ostoosto nan mangdaydayawanda ken siya?”

Mateo 21:42

Dat kanan Jesus ken daida en, “Tet-ewa sa. Ngem ay egayyo binasa nan naisolat isnan kalin Apo Dios ay mangwani en, ‘Nan bato ay inadyan di nangsaad isnan baey et siya nan kapatgan tay ipakekenegna nan baey. Inikkan Apo Dios na et pilmi ay kaskasdaaw ken datako.’”

Mateo 4:10

Dat kanan Jesus, “Komaanka Satanas tay kanan nan naisolat ay kalin Apo Dios en sak-en ay Diosyo nan daydayawenyo ya mensilsilbiyanyo et kedeng.”

Mateo 4:4

Dat songbatan Jesus ay mangwani en, “Kanan nan naisolat ay kalin Apo Dios en baken makan et kedeng di katagowan di ipogaw nodi masapol ay patiyenda am-in nan kankanan Apo Dios.”

Lucas 4:12

Ngem dat songbatan Jesus siya ay mangwani, “Nan naisolat ay kalin Apo Dios et kanana gedan en adiyo dologen si Apo Dios ay Apoyo.”

Aapostolis 15:10

No epdas inpagtek Apo Dios ay dawatena daida dayon layden ay mangpadas isnan anosna isnan mangmangwaniyanyo en masapol ay tongpalenda nan linteg tako dapay nan linteg ay kananyo en masapol ay tongpalenda et adi tako kabaelan ay mangtongpal? Olay din alal-apo tako id kasin et egayda nakaikkan.

Aapostolis 5:9

Dat kanan Pedro ken siya, “Dakayon nintolag ay mangsiksikap isnan Ispiriton Apo Dios? Ilam, naay omali nan nangikaob ken asawam esadat abes isoblat sik-a.”

1 Corinto 10:9

Ya adi tako koma padpadasen nan anos Apo Dios ay kaneg nan inikkan nan tapina tay siya nan gapo ay inpa-ey Apo Dios nan menkedet ay oweg ay mangpatey ken daida.

Deuteronomio 6:16

Adiyo padpadasen nan apo ay Diosyo ay kaneg din nangpadasanyo ken siya id Massa.

Hebreo 3:9

Inbagan Apo Dios nan maipanggep ken daida isnan nangwaniyana en, “Pinadpadpadasda sak-en olay inil-il-ilada nan panakabalinko isnan epatpoo ay tew-en.