Mateo 4:4 - Kalin Apo Dios

⁴ Dat songbatan Jesus ay mangwani en, “Kanan nan naisolat ay kalin Apo Dios en baken makan et kedeng di katagowan di ipogaw nodi masapol ay patiyenda am-in nan kankanan Apo Dios.”

Mateo 4:4 Iomraidhean Croise

Exodo 16:15

Idi inilan nan Israelita dadat men-asisoot en, “Ay ngan datona?” tay adida getken. Dat kanan Moses ken daida en, “Siya na nan makan ay inted nan apo ay kanenyo.

Exodo 16:35

Mana nan kinkinan di Israelita isnan epatpoo ay tew-en enggana ay inomdanda isnan ili ay Canaan ay ninteanda.

Exodo 16:8

Dat itoloy Moses ay mangwani en, “Isnan masdem et nan apo nan mang-idya isnan kalni ay isdayo danat agtan gedan dakayo isnan wakgat is makan enggana ay mapnek kayo tay dinngena nan dadama ay menlilliliyanyo. Tay no menlili kayo ken dakami et baken kami is menlilliliyanyo nodi isnan apo.”

Mateo 15:11

Baken nan songgep isnan topek di ipogaw is mangipangawi ken siya nodi nan bomala isnan topekna.”

Mateo 4:10

Dat kanan Jesus, “Komaanka Satanas tay kanan nan naisolat ay kalin Apo Dios en sak-en ay Diosyo nan daydayawenyo ya mensilsilbiyanyo et kedeng.”

Mateo 4:7

Ngem dat songbatan Jesus siya ay mangwani en, “Nan naisolat ay kalin Apo Dios et kanana gedan en adiyo dologen si Apo Dios ay Apoyo.”

Marcos 7:20

Danat itoloy ay mangwani, “Nan ngawi ay kali ay bomala isnan topek ya nan ngawi ay ikkana et siya nan mangipangawi isnan ipogaw.

Lucas 4:12

Ngem dat songbatan Jesus siya ay mangwani, “Nan naisolat ay kalin Apo Dios et kanana gedan en adiyo dologen si Apo Dios ay Apoyo.”

Lucas 4:4

Dat songbatan Jesus ay mangwani en, “Kanan nan naisolat ay kalin Apo Dios en baken makan et kedeng di katagowan di ipogaw.”

Lucas 4:8

Ngem sinmongbat si Jesus et kanana, “Kanan nan naisolat ay kalin Apo Dios en, ‘Sak-en ay Diosyo nan daydayawenyo ya mensilsilbiyanyo et kedeng.’”

Juan 15:26

Awnitak ibaa ken dakayo nan Ispirito Santo ay magapo ken Ama tasiyay badbadangana dakayo ay eng-enggana. Siya nan mangpaneknek isnan tet-ewa ay maipanggep ken sak-en.

Juan 6:63

Nan mang-idya is biyag et nan Ispirito et nan ipogaw et maid maikkana isonga no patiyenyo nan kankanak et idyan Apo Dios ken dakayo nan biyag ay maid patenggana.

Roma 15:4

Nan kaneg todi ay naisolat ya nan am-in ay tapina ay naisolat id kasikasin et inpasolat Apo Dios tapno maisolowan tako tapno mabalin ay anosan tako nan ligat ya maliwliwaliwan tako tapno adi makak-aan ken datako nan gawigawis ay namnamaen tako.

Efeso 6:17

Nan kaneg abes salidan nan olo tako et nan pammati tako isnan nangisalakanan Jesu Kristo ken datako. Ya nan kaneg tako gamig ay manggobat ken Satanas et nan kalin Apo Dios ay inted nan Ispirito Santo.

Deuteronomio 8:3

Inpalobosna ay maoowat kayo danat pakanen dakayo is mana ay egayyo tinamtamtaman ya olay din alal-apoyo et egayda getken nan tamtamna. Siya di nan inikkana ta isolona ken dakayo ay baken makan et kedeng di katagowan di ipogaw nodi masapol ay patiyenda am-in ay kankanan nan apo.