Mateo 26:4 - Kalin Apo Dios

⁴ ta mentotyada isnan ikkanda ay mangdepap ay mangpatey ken Jesus ay maid mangtek is ipogaw.

Mateo 26:4 Iomraidhean Croise

Genesis 3:1

Nan oweg nan kasikapan isnan atap ay animalis ay binoliw nan apo ay Dios. Isnan esay agew sinoot nan oweg isnan babai, “Ay tet-ewa ay inbagan Apo Dios en adiyo kankanen nan begas nan kak-aiw isnan galdin?”

Salmo 2:2

Madagop nan alin di kailiili ya nan menkangangato ay ipogaw ta tolagenda ay manggobat isnan apo ya nan pinilina

Mateo 12:14

Ngem mamaslat nan Fariseo dadapay komaan et omeyda mentotya no ngan nan ikkanda ay mangpatey ken Jesus.

Mateo 23:33

Kaneg kayo oweg tay nasikap ya manag-allilaw kayo. Ay kananyo en mailisi kayo isnan dosa isnan apoy ay adi katkatey? Ngem adi.

Marcos 14:1

Nan Fiestan di Linmaosan di Anghel et siya gedan di nan agew ay mangkakananda is tinapay ay egay kabobodan. Doway agew esapay omdan nan fiesta dat anapen nan menkangangato ay papadi ya nan men-is-isolo isnan linteg nan ikkanda ay mangdepap ay mangpatey ken Jesus ay maid mangtek is ipogaw.

Juan 11:53

Enggana issan deey ay agew et ninemnemnem nan aap-apon di Judio nan ikkanda ay mangpatey ken Jesus

Aapostolis 13:10

Danat kanan ken siya, “Sik-a nan anak Satanas tay aposem am-in nan gomawisan nan ipogaw. Nalaingka ay menkamkampot ya mensiksikap. Dakan adi somaldeng ay mangbalbalinsowek isnan kankanan Apo Dios?

Aapostolis 7:19

Nan ali et siniksikapana din alal-apo tako et pinaligatna daida ya inpapatina ay mabaybay-an nan kaengaenga ta mateyda tasiyay adida omad-ado.

2 Corinto 11:3

Ngem omegyatak modatya masokat nan gawis ay nemnemyo ken Kristo ay mangpati isnan baken tet-ewa. Kaneg todi nan inommat ken Eva id kasikasin tay nasikapan siya gapo isnan laing nan oweg ay si Satanas ay nangdolog.