Mateo 22:5 - Kalin Apo Dios

⁵ Ngem nan inayaganda et adida polos idnge nodi itoltoloyda kayet nan ik-ikkanda. Wada nan linmokso ya wada nan inmey nin-ilako

Mateo 22:5 Iomraidhean Croise

Genesis 19:14

Isonga dat omey si Lot isnan lalalaki ay inapona et kanana, “Ikamoyo ay komaan isna tay engewen Apo Dios nan ili ay naay!” Ngem kananda en aped ang-angawen Lot daida isonga adyanda ay komaan.

Genesis 25:34

Dat agtan Jacob siya is tinapay ya sibo. Dat mangan dapay ominom dat komaan. Et siya di nan inikkan Esau ay nangipaila ay adina paayen nan kalebbengana. Idi naam-aam-ama si Isaac et nakowap danat layden ay bindisyonan koma si Esau tay nan ogalida et esapay matey nan ama et masapol ay bindisyonana nan iyon-a ay anakna ay lalaki. Nan ikkana ay mangbindisyon et ibagana nan gawis ay awnit ikkan Apo Dios koma ya nan gawis ay awnit ommat. Ngem si Jacob et inallilawna si amana ay kaneg san inbagan inana tay kayatna ay siya nan mabindisyonan ay baken si Esau isonga dat menbado is kodil di kalnilo ta no kapposen amada et kanana en siya si Esau tay nabobookan si Esau. Dat omey si Jacob ken amana. Idi kinappos amana si Jacob danat kanan en siya tet-ewa si Esau isonga danat bindisyonan siya. Idi gintek Esau dat palalo nan ligetna et kayatna ay pateyen si Jacob. Ngem getken Rebecca ay inada isonga kinwanina ken asawana en masapol ay omey ay dagos si Jacob id Haran ay ilin Rebecca ta siyay omasawaana tay adina layden ay makiasawa si Jacob isnan iCanaan. Isonga dat paeyen da amana si Jacob id Haran ta makiasawa isnan agida isdi.

Mateo 13:22

Nan ginsatan ay sibit et kanegna nan mangdenge isnan kalin Apo Dios ngem makolkol nan nemnemna tay wedweda nan bomaknangana ya men-gasgasingana is nenemnemena isonga adi bomgas tay nasolin nan kalin Apo Dios et kalingkingana.

Mateo 22:4

Isonga inbaana kasin nan tap-in di baana ta ibagada en, ‘Kadya, omali kayo tay pinaltimi nan baka ya nan tap-in di menlalmes ay talakenmi. Nakasagana et am-in isonga omali kayo et.’

Mateo 22:6

dapay depapen nan tap-ina san deeyday baa et baigenda ay mangpatey ken daida.

Juan 2:16

Danat ibilin issan men-ilaklako is kalapati, “Ibalayo am-in dana. Ay inayan kayo pay, ay dakayon pabalinen ay pag-ilakowan nan baey Amak?”

Aapostolis 2:13

Ngem wadada nan naitapi isnan kaipoipogaw ay mang-oy-oyaw isnan mamati ken Jesu Kristo ay mangwani en nabotengda.

Aapostolis 24:25

Dat isolon Pablo ken siya nan maipanggep isnan gawis ay maikkan ya nan osto ay nemnem ta adi ik-ikkan di ipogaw nan ol-olay. Inbagana abes ay awnit banagen Apo Dios nan kaipoipogaw isnan batawa ta ibagana nan maitapi ken siya ya nan adi. Idi insolona di dat omegyat si Gobilnadol Felix danat pabal-en siya ay mangwani en, “Olay omeyka id wani ta is mamingsan no waday wayak esakpay kasin ipaayag sik-a.”

Roma 2:4

Adiyo patgen samet nan pilmi ay anos Apo Dios ken dakayo. Ay adiyo getken ay pilmi ay an-anosan Apo Dios dakayo tay sesesed-ena nan mangibabawiyanyo isnan ngawi ay ik-ikkanyo?

Roma 8:6

Nan banag nan matimtimbengan tako isnan kaykayat tako et tetey. Ngem nan matimtimbengan tako isnan kaykayat nan Ispirito Santo et tomalna nan nemnem tako datakopay ganaben nan biyag ay maid patenggana.

2 Timoteo 3:4

Adida matalek ay ipogaw. No waday ilaenda is kaaapalda et adida nemnemen no gawis wenno baken. Apedda ipapati ay en mang-ala. Baken si Apo Dios is laydenda nodi nan kaykayatda nan kagagasingda.

Hebreo 2:3

Isonga am-am-amed nan dosa tako no adi tako patiyen nan napatepateg ay naibaga ay maipanggep isnan maisalakanan di ipogaw. Tay si Apo Jesus nan damodamo ay nangipagtek isnan maisalakanan tako. Et nan nangdenge isnan inbagbagana et pinaneknekanda nan katet-ewana ken datako.

2 Pedro 2:3

Adoado nan kampot ay ibagbagan nan agin-iisolo tay nan sipingyo nan gamgamgamanda. Ngem enggana isdin damdamo et nabanagda ay madosa tay adi kaseseyep si Apo Dios nodi getkena nan am-in.