Mateo 22:4 - Kalin Apo Dios

⁴ Isonga inbaana kasin nan tap-in di baana ta ibagada en, ‘Kadya, omali kayo tay pinaltimi nan baka ya nan tap-in di menlalmes ay talakenmi. Nakasagana et am-in isonga omali kayo et.’

Mateo 22:4 Iomraidhean Croise

Nehemias 9:17

Inadyanda ay mangtongpal ya kinalingkinganda din nakaskasdaaw ay inik-ikkam. Et gapo isnan lastogda et ninpilida is ap-apoda ay mangisagong kano ken daida id Egipto ta olay kasinda mabab-aa. Ngem sik-a nan Dios ay managpakawan, managseg-ang, managlayad ya bakenka nalaka ay makaliget isonga egaymo binaybay-an daida

Salmo 86:5

apo, gawigawis ya managpakawanka. Dadama pay nan adi menbalbaliw ay layadmo isnan am-in ay mendawat ken sik-a.

Mateo 21:36

Dat kasin omibaa san kakwa is ad-ado mo san damo ngem paliso nan inikkan san men-ay-ayowan ken daida.

Mateo 22:5

Ngem nan inayaganda et adida polos idnge nodi itoltoloyda kayet nan ik-ikkanda. Wada nan linmokso ya wada nan inmey nin-ilako

Mateo 22:8

Dat kasin kanan san ali isnan baana en, ‘Naisagana nan am-in isnan babayas ngem nan inayagak et adida maibagay ay maitapi.

Lucas 14:17

Nganngani pay nan panangan danat ibaa nan baana ay omey mendekat isnan sangailiyena.

Aapostolis 1:8

Ngem nan ipagtekko ken dakayo et siya na. Awnit kapten nan Ispirito Santo dakayo et itedna nan kabaelanyo ta tomoled kayo ay mangibagbaga isnan maipanggep ken sak-en id Jerusalem dat isnan kailiili id Judea ya isnan kailiili id Samaria enggana isnan kailiili isnan batawa.”

Aapostolis 13:46

Ngem da Pablo ken Bernabe et intoledda ay mangwani en, “Masapol ay dakayo nan damo ay maibagaan nan kalin Apo Dios tay Judio kayo ngem gapo tay adyanyo ya adiyo layden ay matatago ken Apo Dios ay eng-enggana, isonga id wani omey kami isnan baken Judio ta ibagami ken daida.

Roma 8:32

Olay nan es-esang ay Anakna et inpalobosna siya ay matey ay pala ken datako am-in. No siya di nan inikkana ay adina ited ken datako nan am-in ay masapol tako?