Mateo 21:5 - Kalin Apo Dios

⁵ “Ibagayo isnan iJerusalem en, ‘Ilaenyo. Naay omal-ali nan Aliyo ay nangipababa isnan awakna ay mensasakay isnan anak di kabayo.’”

Mateo 21:5 Iomraidhean Croise

Salmo 9:14

tapno maibagak isnan iJerusalem nan kaidaydayawam daket menlagsak tay nang-isalakanka.

Isaias 40:9

Dakayo ay iJerusalem, omey kayo isnan atakdag ay bilig ta ipagtekyo nan gawis ay damag. Ibiyadyo nan kaliyo ay adi kayo koma omegyat ay mang-ipagtek isnan gawis ay damag isnan mang-ibagaanyo isnan il-ilin nan Juda ay omal-ali nan Diosda.

Isaias 62:11

ta panggetkan nan kaipoipogaw isnan ipagpagtek nan apo enggana isnan solsolin nan batawa. Ipabagana isnan iJerusalem en, “Omali et nan apo ay mang-isalakan ken dakayo et ikakawitna nan ipogaw ay insalakana.”

Mikias 5:2

Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

Mateo 11:29

Dawatenyo nan it-itdok et solowenyo nan am-in ay maipanggep ken Apo Dios tay siya nan mangdatnganyo isnan tet-ewa ay talna ay nagapo ken sak-en. Tay isnan men-it-itdowak et naanosak ya adiyak ipapangato nan awakko.

Mateo 2:2

“Into nan onga ay naiyanak ay awnit men-ali isnan Judio? Tay isnan kad-anmi isnan balaan di agew et inilami nan talaw ay nangipagtek ken dakami isnan naiyanakana isonga inmali kami ay mangdayaw ken siya.”

Mateo 2:6

‘Nan ili ay Betlehem isnan probinsiya ay Judea et awnit siya nan kadadayawan isnan am-in ay ili isnan Judea tay isdi nan awnit maiyanakan nan mentolay isnan ipogawko ay Judio et siya nan mang-ay-ayowan ken daida.’”

Mateo 21:6

Dat omey nan papasolotna et ikkanda nan inbagan Jesus ken daida.

Lucas 24:27

Danat ibaga nan maipanggep ken siya isnan naisolat id kasin ay kalin Apo Dios enggana isnan liblon Moses ya nan insolsolat din mamadto.

Juan 1:49

Dat kanan Natanael, “Apo, sik-a od nan Anak Apo Dios. Sik-a nan ali ay sedsed-enmi isna id Israel.”

2 Corinto 10:1

Naayda pay di ibagak. Nan kayatko et ta gawis nan ik-ikkanyo tapno adiyak dosaen dakayo tay kayatko ay ikkan ken dakayo nan kaneg nan ik-ikkan Kristo ay mang-an-anos ken datako. Ngem getkek ay wada nan mangmangwani en no maiyaaddawiyak et natoledak ay mangislat ken dakayo ngem no sasagangek dakayo et egyatanak ay ipogaw. Ngem sak-en ay mismo nan mangwani en pangaasiyo ta adi masapol ay ipailak nan toledko no omeyak issa. Tay wada nan kalintegak ay mangipaila isnan toledko isnan ipogaw ay mangmangwani en ngawiyak ay kaneg nan ik-ikkan nan adi mamati.