Mateo 20:12 - Kalin Apo Dios

¹² ay mangwani en, ‘Nan deeyda et es-esa ay olas nan nin-oblaanda dapay dakami et dadama nan poos dakami pay inmaagew. Into nan ikkana ay aped paliso nan lagbomi?’

Mateo 20:12 Iomraidhean Croise

Jonas 4:8

Idi makagkag-aw ay epdas binmala nan agew dat omipaey si Apo Dios is menpoos ay dagem ay nagapo isnan balaan di agew et nganngani pay maolaw si Jonas isnan pilmi ay poos isonga dat mendawat ay mangwani en, “Gawgawis pay et ay mateyak mo nan matatagowak isnan kaneg tona.” Tay kaytena ay matey.

Malakias 3:14

Dapay kinwaniyo en, ‘Maid silbin di mensilsilbiyan ken Apo Dios. Ngan di silbin di mangik-ikkanan isnan ibagbagana ya mang-ipailaan en menbabawi tako isnan inik-ikkan tako isnan manakabalin ay apo?

Mateo 20:11

Inalada nan lagboda dadat iyagotoot san nangipaobla ken daida

Lucas 12:55

No abes getkenyo ay magapgapo nan dagem isnan abagatan kananyo en awnit palalo abes nan atong dat pomoos tet-ewa.

Roma 3:27

Isonga ay waday somya is mabalin ay it-it-ek tako nan ginmawisan tako? Maid. Tay baken nan nangtongpalan tako isnan linteg Apo Dios is gapo ay ginmawis tako nodi gapo isnan pammati tako ken Kristo.

Roma 3:30

Es-esa nan Dios et siya nan Dios isnan am-in. Isonga gawis nan pangiilaana isnan ipogaw am-in ay Judio wenno baken gapo isnan pammatida.

1 Corinto 4:11

Ngem dakami et enggana id wani ay timpo it-itpemi nan owat ya ewewmi ya kolang nan badomi. Maid osto is baeymi ya adoado nan mangpalpaligat ken dakami.

Efeso 3:6

Et siya na nan inpagtekna. Baken kami kedeng ay Judio is dawaten Apo Dios nodi olay dakayo gedan ay baken Judio ta maitapi kayo isnan mamati ken Kristo dakayopay maagtan isnan am-in ay inkalin Apo Dios en itedna isnan ipogawna gapo isnan pammatiyo ken Jesu Kristo issan nangdengnganyo isnan gawis ay damag.

Santiago 1:11

Tay no men-alalatong et may-osan nan mola dat matekdag nan bengada isonga omasiasi nan ilada. Siya di nan kaneg nan ommat isnan baknang isnan mang-as-asikasowana isnan kinabaknangna tay adi kapnek dat matey.