Mateo 2:7 - Kalin Apo Dios

⁷ Dinngen pay Herod di danat ayagan san bisita ay mamasilib ay aamam-a et sootena ken daida ay maiwed mangdedenge no ngan nan timpo ay binmalaan nan talaw.

Mateo 2:7 Iomraidhean Croise

Salmo 55:21

Mendange nan menkalkaliyana ay kaneg nalanaan dapay kadi ngawi nan wada isnan nemnemna. Makaawis nan kalina ay kaneg nalanaan nan dilana ngem makasakit ay kaneg nan mentadem ay ispada.

Exodo 1:10

Tay no waday gobat et baka nan kagobat tako nan badanganda et gobatenda datako esadapay komaan isnan naay ili tako. Masapol ay mennemnem tako is gawis ay ikkan tako tapno maipasaldeng nan omadoadowanda.”

Mateo 2:1

Isdin kaalin Herod et siya nan naiyanakan Jesus id Betlehem ay esay ili isnan probinsiya ay Judea. Issan deey ay timpo et inmey id Jerusalem nan mamasilib ay aamam-a ay nagapo isnan balaan di agew. Daida nan mang-ad-adal isnan maipanggep nan talaw. Omdanda pay dadat sooten,

Mateo 2:16

Issan nanggetkan Herod ay sinikapan san mamasilib ay aamam-a siya dat dadama nan ligetna isonga danat ibilin ay mapatey am-in ay oongong-a ay lalaki id Betlehem ya isnan am-in ay ili ay sag-ena. Pinateyda am-in ay lalalaki ay kabalbala engganay mentew-en is dowa tay doway tew-en san nallos issan nang-ilaan san mamasilib ay aamam-a issan talaw.

Mateo 2:8

Idi gintek Herod danat ibaa daida id Betlehem danapay ibaga ken daida en, “Anapenyo ay gawis san onga. No das-anyo siya dakayot somagong isna ta ipagtekyo ken sak-en tapno omeyak abes ay mangdayaw ken siya.”

Aapostolis 24:22

Ngem si Gobilnadol Felix et adoado nan gintekna maipanggep isnan ik-ikkan nan mamati ken Jesus ya nan isolsoloda ay initdon Jesus. Isonga inpakaana daida tay kanana en ta omali si Lisias ay apon di sosoldado esanapay banagen.

Naipagtek 12:15

Dat pabalaen san dragon isnan topekna nan adoado ay danom tapno maiyanod san babai.