Mateo 2:11 - Kalin Apo Dios

¹¹ Omdanda pay dadat songgep isnan baey et ilaenda san onga ya si Maria ay inana. Dadat menpalintomeng ay mangdayaw issan onga dadapay ited ken siya nan ninkangingina ay sagotda ay balitok ya nan menbango ay insinso ya mira.

Mateo 2:11 Iomraidhean Croise

Salmo 2:12

Menpakombaba kayo ken siya ta adiyet makaliget et matey kayo. Nagasat nan am-in ay menkamang isnan apo.

Salmo 45:8

Menbango nan badbadom is songsong di mica, aloe ya kasia ya wada nan menkotengteng ay mangpagasing ken sik-a isnan naaltiyan ay baeymo ay ali.

Salmo 72:10

Awnit omey ken siya nan aalin di Espania ya nan aali isnan tap-in di addawi ay il-ili ya omey gedan nan alin di Arabia ya Etiopia ta idyada nan datonda.

Salmo 72:15

Matagotago koma nan ali ay eng-enggana. Maagtan koma is balitok ay magapo id Arabia ya kanayon koma ay ilol-owalowan nan ipogaw siya dadapay dayawen nan kagawisna.

Salmo 95:6

Am-in tako et menpalintomeng tako datakopay mendaydayaw ken siya. Menlokbob tako isnan apo ay nangboliw ken datako

Isaias 60:6

Omey ken sik-a, Jerusalem, nan adoado ay kamelio ay magapo id Midian ya id Efa ay ilin di Seba ay nang-ipaawitanda isnan balitok ya insenso ay mang-ipagtek isnan pangdayaw di ipogaw isdi isnan apo.

Mateo 1:18

Siya na nan inommat isnan naiyanakan Jesu Kristo. Si Maria ay awnit mangiyanak ken Jesus et naitoya ay makiasawa ken Jose. Ngem sadapay mentipon et naliton si Maria gapo isnan kabaelan nan Ispirito Santo.

Mateo 12:46

Daan ay menkalkali si Jesus dat omdan da inana ya nan bebsatna. Idi wadada isnan pantew dadat ipaayag si Jesus.

Mateo 14:33

Dat dayawen nan papasolotna siya ay mangmangwani, “Tet-ewa ay sik-a nan Anak Apo Dios.”

Mateo 2:2

“Into nan onga ay naiyanak ay awnit men-ali isnan Judio? Tay isnan kad-anmi isnan balaan di agew et inilami nan talaw ay nangipagtek ken dakami isnan naiyanakana isonga inmali kami ay mangdayaw ken siya.”

Lucas 2:16

Dadat ikakamo ay omey et datnganda da Maria ken Jose ya san onga ay naipapapodan isnan pangpanganan di baka.

Lucas 2:38

Isdin nangisgepanda ken Jesus et wada gedan si Ana isdi ay nin-iyaman ken Apo Dios maipanggep isnan onga danat sodsodoken nan onga isnan ipogaw ay mangses-eed isnan mangsobotan Apo Dios isnan ipogaw id Jerusalem.

Juan 19:39

Si Nikodemo san inmey nakitoya ken Jesus isdin esay labi. Issan inmayanda ken Jose et inkakawit Nikodemo nan limampoo ay kilo ay menbango ay agas ay ninlaok nan libon di kaiw ay mira ya alos.

Naipagtek 19:10

Daket menpalintomeng ay mangdayaw koma issan deey ay anghel ngem danat kanan en, “Adim ikkan sa. Masapol ay kedkedeng si Apo Dios is daydayawem tay esaak ay baan Apo Dios gedan ay kanegmo ya kaneg nan iib-am ay mangsolsolot isnan tet-ewa ay mait-itdo ay inpagtek Jesus. Tay nan inpagtekna nan nagapowan nan am-in ay inbagbagan nan mamadton Apo Dios.”

Naipagtek 5:8

Isnan nang-alaana isdi dat menpangalokbob san epat ay matatago ya san dowampoo ya epat ay aamam-a ay kasikokotengteng isnan makwani en harpe ay mangdayaw isnan makwani en Kalnilo. Wada abes ken daida nan sag-es-a ay balitok ay malakong ay mapop-oowan di insinso. Nan kaiyaligan nan insinso et nan lol-owalon di kaipoipogaw Apo Dios.