Mateo 18:4 - Kalin Apo Dios

⁴ Isonga nan kapatgan isnan mentolayan Apo Dios et nan mangipabababa isnan awakna ay kaneg nan naay onga.

Mateo 18:4 Iomraidhean Croise

Isaias 57:15

Sak-en nan nangato ya manakabalin ay Dios ay matatago ay eng-enggana. Nan kad-ak et nangato ya nadiosan ngem makiteeak gedan isnan mang-ipababa isnan awakda ya mang-ibabawi isnan basolda tapno kasinko pabalinen daida ay matalek ya ta waday namnamada.

Mateo 18:1

Isnan deey ay agew dat omey nan papasolot Jesus ken siya et kananda, “Sino ken dakami nan kapatgan isnan mentolayan Apo Dios?”

Mateo 18:3

danat kanan, “Ilaenyo nan naay onga et adina polos nemnemnemen ay ipangato nan awakna. Ibagak ken dakayo nan tet-ewa no adiyo sokatan nan nemnemyo ta kaneg nan nemnem di onga et adi kayo polos maitapi isnan mentolayan Apo Dios.

Mateo 18:5

Et nan manglayad ya mang-ayyew isnan kaneg nan naay ay onga gapo isnan pammatina ken sak-en et siya gedan nan kaneg nan layadna ken sak-en.”

Marcos 10:43

Ngem adi kabalin ay kaneg todi ken dakayo nodi nan manglayad ay ngomato ken dakayo et masapol ay siya nan menpababa ta badangana nan iib-ana.

Marcos 9:34

Ngem igiginekda tay nan kinkinwanida et mo sino nan kapatgan ken daida.

Lucas 14:11

Tay nan mangipapangato isnan awakna et awnit maipagowab. Nan abes mangipabababa isnan awakna et awnit maipangato.”

Lucas 9:48

danat kanan ken daida, “Nan manglayad ya mang-ayowan isnan kaneg nan naay onga gapo isnan pammatina ken sak-en et siya gedan nan kaneg nan layadna ken sak-en. Et nan manglayad ken sak-en, laydena abes nan nangbaa ken sak-en ay si Apo Dios. Tay nan kababaan ken dakayo et siya nan kapatgan ken Apo Dios.”

Santiago 4:10

Ipagowabyo nan awakyo ken Apo Dios et awnitna ipangato dakayo.

1 Pedro 5:5

Dakayo ay bibinayan ay somolsolot et wada abes nan ibagak ken dakayo. Kanak en masapol ay patiyenyo ay gawis nan it-itdon nan mangipangpango ken dakayo. Adiyo ipapangato nan nemnemyo. Managkoya kayo am-in tay kanan nan naisolat ay kalin Apo Dios en, “Adyan Apo Dios nan menpapangato ngem badbadangana nan mangipabababa isnan nemnemna.”