Mateo 18:12 - Kalin Apo Dios

¹² Kinwas Jesus ay nangwani is dana danat itoloy ay menpangngalig et kanana, “Ngan nan ikkan nan ipogaw ay wada nan sin-gasot ay kalnilona dat maamas nan esa? Ay adina taynan nan siyampoo ya siyam isnan pagpastolan ta ena anapen san naamas?

Mateo 18:12 Iomraidhean Croise

Salmo 119:176

Naamasak ay kaneg nan naamas ay kalnilo isonga anapem kad sak-en ay baam tay adiyak kalkalingkingan nan bilbilinmo.

Isaias 53:6

Tay id kasin et kaneg tako nan naamas ay kalnilo ay wasdin di omey isnan omay-ayana et inmaddaaddawi tako ken Apo Dios. Ngem inpalobos nan apo ay ken siya nan maikkanan nan dosa ay dosa koma pala ken datako.

Ezekiel 34:12

ay kaneg nan ikkan di menpaspastol isnan kalnilo ay naiwakat dat kasin madagop. Alaek daida isnan naiwakatanda isdin deey ay menbolinget ya kaeegyat ay agew.

Ezekiel 34:16

Awnitak anapen nan naamas dakpay ipasagong nan inmaddawi dakpay bedbedan nan nasogatan ya agasan nan nasakit. Ngem nan mentatba ya napigsa et awnitak dadaelen tay esaak ay menpaspastol ay mang-ikkan is gawis.

Ezekiel 34:4

Egayyo binantayan nan nakapsot, inagasan nan nasakit, binedbeddan nan nasogat ya egayyo pinasagong nan inmey isnan ad-addawi wenno inanap nan naamas nodi pinalpaligatyo daida.

Ezekiel 34:6

Isonga naiwakatda isnan bilbilig ya isnan am-in ay solin nan batawa daet maid nang-ikaskaso is mang-anap ken daida.

Mateo 12:11

Dat kanan Jesus, “Ngan nan ikkanyo no waday talakenyo is natekdag isnan tengey isnan obaya? Ay adiyo en alaen?

Mateo 18:13

Ibagak ken dakayo nan tet-ewa en isnan mangdatngana isnan naamas ay daan ay natatago et dadama nan gasingna mo nan gasingna isnan siyampoo ya siyam ay egay naamas.

Mateo 21:28

Dat menpangngalig si Jesus et kanana en, “Ngan nan nemnemyo isnan naay? Wada nan esay am-ama ay doway lalalaki nan anakna. Kinwanina isnan iyon-a en, ‘Kadya enka mensaba.’

Mateo 22:42

“Ngan nan pangwaniyo ken Kristo ay inbagan Apo Dios ay awnitna ibaa ay mentolay? Sino nan kaapo ken siya?” Dadat kanan, “Apon din si David.”

1 Corinto 10:15

Gapo tay getkenyo ay mennemnem, kanak en nemnemenyo no tet-ewa wenno baken nan ibagak.

1 Pedro 2:25

Tay id kasin kaneg tako nan naamas ay kakalnilo tay inmaddaaddawi tako ken Apo Dios. Ngem id wani sinmag-en tako ken siya ay mang-ay-ayowan ya mangbanbantay ken datako.