Mateo 12:43 - Kalin Apo Dios

⁴³ Dat itoloy Jesus ay mensodok ay mangwani en, “Wada nan ipogaw ay kinapet di anito dat taynan san anito san ipogaw et omey isnan bilbilig ay maid polos danom et men-an-an-anap is omillengana ngem maid dinatngana.

Mateo 12:43 Iomraidhean Croise

Salmo 63:1

Apo Dios, sik-a nan Diosko et kakakayatko ay mang-edas ken sik-a. Mailiwak ken sik-a ay kaneg nan maewewan nan naaango ay lota is danom.

Isaias 41:18

Awnitko paayosen nan danom isnan naango ay bilbilig daket pawad-en nan menbala ta men-ayosda isnan nadadata ya mawada nan posposong isnan pondag.

Mateo 12:44

Isonga kanana en, ‘Somagongak isnan ipogaw ay nagapowak.’ Dat somagong et datngana san nagapowana ay maid mentetee dapay nadalos.

Mateo 8:29

Dadat ibobogaw ay mangwani ken Jesus en, “Sik-a nan Anak Apo Dios, ay ngan di ngotom ken dakami isna? Ay inmalika ta dosaem dakami id wani dapay egay omdan nan osto ay timpo?” Siya nan inpakalin nan anito ken daida.

Aapostolis 8:13

Olay si Simon et namati abes isnan kabaelan Apo Dios dat menpabonyag. Dat makiboweg ken Felipe et nasdaaw isnan kaskasdaaw ay inik-ikkana.

1 Pedro 5:8

Makailanyo si Satanas ay boso tako. Ten-enyo nan am-in ta nan osto nan ik-ik-ikkanyo ta baken nan dologna is patiyenyo tay om-om-omey ay men-an-anap is dologena ta maisiyanda ken Apo Dios.