Mateo 12:42 - Kalin Apo Dios

⁴² Et isnan mangbanagan Apo Dios isnan ipogaw et wada abes nan in-ina ay reyna id Seba ay mangpabasol ken dakayo tay id sang-adom et nagapo siya isnan addaaddawi ay ili ngem inmey kayet ay mangdenge isnan insolsolon nan kasiliban ay ali ay din si Solomon. Isonga pabasolena dakayo tay adiyo polos idnge ya patiyen nan inmali ken dakayo dapay nangatngato mo din si Solomon.”

Mateo 12:42 Iomraidhean Croise

1 Aali 3:12

isonga idyak nan dawatmo. Agtak sik-a is silib ya panakaawat ay maid polos kanegna isnan tap-in di ipogaw id kasin wenno is komasin.”

1 Aali 3:9

isonga iyalim ngalod nan silib ay masapolko isnan mang-itolayak isnan ipogawmo ya ta getkek nan gawis isnan ngawi. Tay ngan pay di ikakkak ay mentolay isnan naayda ay kaipoipogaw no maid silibko?”

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Mateo 12:41

Isonga isnan mangbanagan Apo Dios isnan ipogaw et pabasolen nan iNineve dakayo tay inbabawida nan basbasolda isnan nangdengnganda isdin insolsolon Jonas dapay nan inmali ken dakayo et nangatngato mo din si Jonas dapay adiyo kayet patiyen.

Mateo 12:6

Ngem ibagak ken dakayo en nan wada isna id wani et napatpateg mo nan Templo.

Mateo 17:5

Daan ay menkalkali si Pedro daet mawanada nan somili ay liboo ay manglingeb ken daida. Dadat dengngen nan kali ay nagapo isnan liboo ay mangwani, “Si tona nan Anakko ay laylaydek. Men-galalasingak gapo ken siya isonga dengngenyo nan kankanana.”

Mateo 3:17

Dat wada nan kali ay nagapo id daya ay mangwani en, “Si tona nan Anakko ay laylaydek. Men-galalasingak gapo ken siya.”

Juan 1:14

San Kali et ninbalin is ipogaw ay si Jesu Kristo dat makitee ken dakami. Am-in ay kinkinwanina et tet-ewa ya gawigawis nan inik-ikkana ay nangipaila isnan layadna. Inilami nan panakabalina ay inidyan Amana ken siya ay kedkedeng is Anakna.

Juan 1:18

Maiwed nakail-ila ken Apo Dios nodi nan kedkedeng ay Anakna ay makitetee ken Amana et siya nan nangipagtek.

Deuteronomio 30:13

Ya baken met gedan isnan bangil di baybay is kad-ana ta kananyo en, ‘Sino pay di gomdang ay omey mang-ala ta iyalina ken datako tasiyay di dengngen tako et tongpalen tako?’