Mateo 11:5 - Kalin Apo Dios

⁵ Tay nan kowap et makailada, nan pilay et makadaanda, nan nakolit et ginmawisda. Nan toweng et makadngeda, nan natey et natagoda ya olay nan kodokdo et dinngeda nan naibagbaga ay gawis ay damag.

Mateo 11:5 Iomraidhean Croise

2 Aali 5:14

Isonga dat omey menletep si Naaman isnan Ginawang ay Jordan is maminpito ay kaneg san kinwanin Eliseo daet ginmawigawis ya dinmalodalos nan kodilna ay kaneg kodil di onga.

2 Aali 5:7

Idi binasan nan alin di Israel nan solat dat makolkol nan nemnemna isonga danat singaten nan badona danapay kanan en, “Ayta dan kanan nan alin di iSiria en agasak nan naay ipogaw. Ay kanana ngen en diosak ta mabalin ay makatagowak ya makapateyak? Kagtekana ay kaytena et kedeng ay men-ilogi is sape.”

Salmo 146:8

danapay agasan nan kowap ta makaila ya ipangatona nan maipabababa. Laylaydena pay nan nalinteg.

Salmo 22:26

Dat makikan nan kodo et engganay mapnekda ya nan mang-an-anap isnan apo et das-anda siya dadat dayawen. Sapay koma ta mennam-ayda ay eng-enggana.

Exodo 4:11

Dat kanan nan apo en, “Ay sino nan nangsapo isnan topek di ipogaw? Sino nan mangpatoweng ya mangpaomel ya sino nan mang-ited isnan makailaan wenno makowapan di ipogaw? Ay baken kad sak-en ay apo?

Isaias 43:8

Ipatakdegyo nan ipogawko isnan pagbanagan ay mangpaneknek ken sak-en olay no kokowapenda ya totowengenda.

Mateo 10:8

Intedko nan kabaelanyo isonga pagawisenyo gedan nan masaksakit ya tagowenyo nan natey. Pagawisenyo nan nakolit ya pakaanenyo nan anito ay kinmapet isnan ipogaw. Maid inbayadyo isnan am-in ay wada ken dakayo isonga adiyo abes ipabaybayad nan ibadangyo.

Mateo 11:4

Dat kanan Jesus ken daida, “Somagong kayo ken Juan ta ibagayo nan dinngeyo ya nan inilayo ay ik-ikkak.

Mateo 12:13

Danat kanan isnan nabingoy en, “Oyadem nan ledengmo.” Inoyadna dat maoyad tet-ewa ay kaneg nan esa ay ledengna.

Mateo 21:14

Dat omey nan kowap ya nan pilay ken Jesus issan Templo.

Mateo 5:3

“Nagasat nan mangtek ay kolang nan kabaelana ay mang-ikkan isnan layden Apo Dios tay daida nan awnit maitapi isnan mentolayana.

Mateo 9:30

Dadat makaila. Dat bilinen Jesus daida et kanana, “Adiyo ibagbaga isnan iib-ayo nan inikkak ken dakayo.”

Marcos 7:37

Nasdanasdaaw san nangdedenge dadat kanan, “Ay-ay. Gawigawis am-in nan ik-ikkana. Olay nan natoweng et makadngeda ya nan omel et makakalida.”

Marcos 9:25

Dat ilan Jesus ay madagdagop nan ipogaw ay manglikob ken daida danat bilinen nan anito ay mangwani, “Sik-a ay toweng ya omel ay anito, taynam siya ta adim kasin kapkapten.”

Lucas 4:18

“Wada nan Ispirito Santon Apo Dios ken sak-en tay pinilina sak-en ay mangipagtek isnan gawis ay damag isnan kodokdo. Inbaana sak-en ay mangbadang isnan maligligatan ta mapalobosan nan balod ya makaila kasin nan kollaw

Juan 10:25

Dat kanan Jesus, “Inbagak et ken dakayo ngem adi kayo mangpati. Nan ik-ikkak gapo isnan panakabalin Ama et siya dana nan mangipagpagtek ken sak-en

Juan 10:38

Ngem no nan ipaikkan Ama nan ik-ikkak et olay no adiyo patiyen nan kankanak et patiyenyo koma nan gawis ay inik-ikkak tasiyay getkenyo ay tet-ewa ay wada si Ama ken sak-en ya wadaak abes ken siya.”

Juan 2:23

Issan kawad-an Jesus id Jerusalem ay makifiesta et adoado nan mamati ken siya tay inilada nan kaskasdaaw ay inik-ikkana.

Juan 3:2

Isnan esay labi inmey ken Jesus et kanana, “Apo, getkenmi ay si Apo Dios nan nangibaa ken sik-a ay mangisolo ken dakami tay maiwed makaikkan isnan kaskasdaaw ay ik-ikkam malaksig no wada si Apo Dios ken siya.”

Juan 5:36

Ngem wada nan mangpaneknek ken sak-en ay am-am-amed no si Juan. Nan naayday ik-ikkak ay ipaik-ikkan Ama et siya nan mangpaneknek isnan maipanggep ken sak-en ya mangipaila gedan ay si Ama nan nangibaa ken sak-en.

Juan 9:7

danapay kanan, “Enka mendaop isnan pag-emsan id Siloe.” (Nan kayat ay kanan nan Siloe et naibaa.) Isonga dat omey mendaop san lalaki dat makaila et ay somaa.

Aapostolis 2:22

Dat itoloy Pedro ay mangwani en, “Dakayo ay ib-ak ay Judio, dengngenyo pod nan kanak. Si Jesu Kristo ay iNazaret et inpagtek Apo Dios ken dakayo ay siya nan inbaana tay adoado nan kaskasdaaw ay inik-ikkana ay mangipaila isnan kabaelana. Et getkenyo dana tay inilayo nan inpaikkan Apo Dios ken Jesus.

Santiago 2:5

Bebsatko, dengngenyo pod nan kanak. Ay adiyo getken ay adoado nan kodokdo ay pinilin Apo Dios tapno bomaknangda isnan pammatida ya isnan maitapiyanda isnan mentolayana? Siya di nan inkalina ay itedna isnan manglaylayad ken siya.