Mateo 11:3 - Kalin Apo Dios

³ “Ay sik-a nan masmas-ed ay magapo ken Apo Dios wenno waday teken is sedsed-enmi?”

Mateo 11:3 Iomraidhean Croise

Genesis 3:15

Menbosowek dakayo isnan babai et nan ap-ona ya nan ap-om et awnit menbibinosoda gedan. Tegtegen di ipogaw nan toktokmo dakapay abes bangten nan mokodna.”

Salmo 118:26

Mabindisyonan nan men-idaton ay men-iyaman isnan apo. Dakami ay mensilsilbi isnan Templon nan apo et bindisyonanmi dakayo.

Isaias 7:14

Id wani ngalod et nan apo mismo nan mang-idya is sinyal. Awnit maliton nan babassang ay maid nang-iseyseyep et omanak is lalaki danat ngadnan is Immanuel.

Mikias 5:2

Kanan nan apo en, “Nan ili ay Betlehem ay Efrata et siya nan esa ay kaban-egan ay ili isnan Juda ngem awnit isdi nan magapowan nan mentolay isnan Israelita ay nan napowana et ipogaw id kasikasin.”

Zacarias 9:9

Gomasing kayo ya ibogawyo nan gasingyo, dakayo ay iJerusalem. Ilaenyo, naay omal-ali nan aliyo. Nangabak siya ya nalinteg ngem inpababana kayet nan awakna ay mensasakay isnan anak di kabayo.

Malakias 3:1

Kanan nan manakabalin ay apo en, “Awnitak ipaey nan baak ay mang-isagana isnan omaliyak. Dat kawanada nan apo ay an-anapenyo isnan Templona. Owen, omali nan sedsed-enyo ay mangipagtek isnan nakitolagak ken dakayo.

Malakias 4:2

Ngem dakayo ay mangtongtongpal ken sak-en et awnit bomala nan kabaelak ay mangisalakan ken dakayo ya pagawisena dakayo ay kaneg nan ikkan nan agew. Awnit kayo men-gasgasing ay kaneg nan koyaw ay naipopokay tay mawayaan kayo.

Mateo 11:10

Tay si Juan nan kakwaniyan nan naisolat ay kalin Apo Dios id kasin en, ‘Wada nan ibaak ay omon-ona ay mangisagana isnan daanem.’”

Mateo 11:4

Dat kanan Jesus ken daida, “Somagong kayo ken Juan ta ibagayo nan dinngeyo ya nan inilayo ay ik-ikkak.

Mateo 21:5

“Ibagayo isnan iJerusalem en, ‘Ilaenyo. Naay omal-ali nan Aliyo ay nangipababa isnan awakna ay mensasakay isnan anak di kabayo.’”

Mateo 21:9

Nan inmon-ona ya naod-odi et menbogbogawda ay mangmangwani en, “Hosanna. Madaydayaw nan naay Ali tako ay apon din si David. Mabindisyonan nan inbaan Apo Dios ay mentolay ken datako. Madaydayaw nan ngadan Apo Dios id daya.”

Marcos 11:9

Dat menbogbogaw nan ipogaw ay inmon-ona ya nan omon-onod ay mangmangwani, “Hosanna. Madayaw nan naay Ali tako. Mabindisyonan nan inbaan Apo Dios ay mentolay ken datako

Lucas 19:38

Kankananda en, “Hosanna. Mabindisyonan nan naay Ali tako. Madaydayaw nan ngadan Apo Dios isnan natalna ay daya.”

Juan 11:27

Danat kanan, “Owen, Apo. Mamatiyak ay sik-a nan sinsin-edmi ay omali isnan batawa ay si Kristo ay Anak Apo Dios.”

Juan 12:13

isonga dadat omala is lamos ay iyap-apda isnan daanen Jesus isnan enda mangsab-atan ken siya dadapay ibogbogaw ay mangmangwani en, “Hosanna. Madaydayaw nan naay Ali tako. Mabindisyonan nan inbaan Apo Dios ay omali mentolay ken datako ay Judio.”

Juan 16:14

Madayawak gapo ken siya tay awnit id-ana nan kayatko ay ibaga ken dakayo.

Juan 4:21

Dat kanan Jesus, “Patiyem nan kanak, awnit omdan nan timpo ay baken nan bilig ay naay ya baken gedan id Jerusalem is mangdaydayawan nan ipogaw ken Apo Dios ay Ama.

Juan 6:14

Issan nang-ilaan san kaipoipogaw issan kaskasdaaw ay inikkan Jesus dadat kanan, “Waay siya na nan tet-ewa ay mamadto ay inbaan Apo Dios isnan batawa.”

Juan 7:31

Ngem olay no kaneg todi et adoado kayet nan mamati ken siya dadat kanan, “Waay siya tet-ewa si Kristo. Tay no baken siya, ay wada ngen teken ay omali ay menpaila is am-amed kaskasdaaw mo nan inikkan tona?”

Hebreo 10:37

Tay kaneg nan naisolat isnan inpasolat Apo Dios ay mangwani en, “Sin-awyan dat omali nan awnit omali. Adina bayabayagen.