Mateo 10:6 - Kalin Apo Dios

⁶ nodi omey kayo isnan iib-a tako ay Judio tay kanegda nan naamas ay kalnilo.

Mateo 10:6 Iomraidhean Croise

Salmo 119:176

Naamasak ay kaneg nan naamas ay kalnilo isonga anapem kad sak-en ay baam tay adiyak kalkalingkingan nan bilbilinmo.

Isaias 53:6

Tay id kasin et kaneg tako nan naamas ay kalnilo ay wasdin di omey isnan omay-ayana et inmaddaaddawi tako ken Apo Dios. Ngem inpalobos nan apo ay ken siya nan maikkanan nan dosa ay dosa koma pala ken datako.

Ezekiel 34:16

Awnitak anapen nan naamas dakpay ipasagong nan inmaddawi dakpay bedbedan nan nasogatan ya agasan nan nasakit. Ngem nan mentatba ya napigsa et awnitak dadaelen tay esaak ay menpaspastol ay mang-ikkan is gawis.

Ezekiel 34:4

Egayyo binantayan nan nakapsot, inagasan nan nasakit, binedbeddan nan nasogat ya egayyo pinasagong nan inmey isnan ad-addawi wenno inanap nan naamas nodi pinalpaligatyo daida.

Ezekiel 34:6

Isonga naiwakatda isnan bilbilig ya isnan am-in ay solin nan batawa daet maid nang-ikaskaso is mang-anap ken daida.

Ezekiel 34:8

Nan katet-ewan nan matatagowak ay Dios et siya nan kaneg nan katet-ewan nan naay kalik. Nan kalnilok et dinpap ya pinatey di atap ay animal dadapay isda tay maid od mangbabantay ken daida. Nan palapastolko et egayda inanap nan kalnilok nodi nan awakda nan ay-ayowananda et kedeng.

Mateo 18:10

Et maipanggep abes isnan oongong-a ay naayda et makailanyo ta adiyo aamisen daida. Tay ibagak ken dakayo ay nan aanghel Apo Dios ay mang-ay-ayowan ken daida et wawawadada isnan sagang Apo Dios id daya.

Mateo 18:11

Et sak-en gedan ay Iyon-an Am-in di Ipogaw et inmaliyak ay mangisalakan isnan adi mangtek ken Apo Dios.”

Lucas 24:47

isonga am-in ay mamati ken siya dadapay ibabawi nan basbasolda et pakawanen Apo Dios daida.’ Masapol ay maibagbaga nan naay gawis ay damag isnan am-in ay il-ili isnan batawa menlogi id isna Jerusalem.

Aapostolis 13:46

Ngem da Pablo ken Bernabe et intoledda ay mangwani en, “Masapol ay dakayo nan damo ay maibagaan nan kalin Apo Dios tay Judio kayo ngem gapo tay adyanyo ya adiyo layden ay matatago ken Apo Dios ay eng-enggana, isonga id wani omey kami isnan baken Judio ta ibagami ken daida.

Aapostolis 18:6

Ngem inaposda ya inoyawda siya isonga inyagyag Pablo nan badona ta ipagtekna ay adina kasin isolsolowan daida. Kinwanina en, “Kigad kayo is ik-ikkanyo no madosa kayo tay id wani et maid bibiyangko ken dakayo. Isonga taynak dakayo ta omeyak ay mangisolo isnan baken Judio.”

Aapostolis 26:20

tay inbagbagak isnan kaipoipogaw ta dokoganda nan basolda ta si Apo Dios di patiyenda dadapay ik-ikkan nan gawis ay mangipagtek isnan pammatida. Id Damasco nan damo ay nangisolowak is dadi dat id Jerusalem dat isnan kailiili isnan probinsiya ay naay ay Judea dat abes isnan baken Judio.

Aapostolis 3:26

Isonga inbaan Apo Dios nan Anakna ta omali isnan batawa et datako ay Judio nan damdamo ay inmaliyana tay layden Apo Dios ay bomadang ken datako ta dokogan tako nan ngawi ay ik-ikkan tako.” Siya di nan kinwanin Pedro ken daida.

1 Pedro 2:25

Tay id kasin kaneg tako nan naamas ay kakalnilo tay inmaddaaddawi tako ken Apo Dios. Ngem id wani sinmag-en tako ken siya ay mang-ay-ayowan ya mangbanbantay ken datako.