Mateo 10:19 - Kalin Apo Dios

¹⁹ No somalyaenda dakayo et adi kayo madanagan isnan awnityo isongsongbat tay kigad si Apo Dios.

Mateo 10:19 Iomraidhean Croise

Exodo 4:12

Ala omeyka et. Sak-en nan mangbadang ken sik-a ay menkali ya awnitak ibaga nan kanam.”

Exodo 4:15

Kakalim siya dakat ibaga nan awnitna kanan et sak-en nan mangbadang ken dakayo ay makikali ya awnitak ibaga nan ikkanyo.

Jeremias 1:7

Ngem dat kanan nan apo ken sak-en en, “Adim kanan en daanka ay onga nodi omeyka isnan ipogaw ay mang-ibaaak ken sik-a ta ibagam ken daida nan am-in ay ibilinko.

Jeremias 1:9

Dat kaneg sinikgad nan apo nan sobilko et kanana en, “Dengngem tay naay ipagtekko ken sik-a nan awnitmo kankanan.

Mateo 10:18

Gapo isnan pammatiyo ken sak-en et awnitda idalom dakayo isnan aali ya gogobilnadol et siya di nan wayayo ay mangibaga isnan gawis ay damag isnan Judio ya nan baken Judio.

Mateo 6:25

Siya di nan gapo ay ibagak ken dakayo en adi kayo madanagan is menkatagoyo ya is ibadoyo tay wedweda nan biyag mo nan makan ya nan awak mo nan bado.

Mateo 6:31

Isonga adi kayo madanagan is kanenyo ya badoyo.

Mateo 6:34

Isonga adi kayo madanagan id wani isnan ligat ay waay awnit ommat is wakgat. Awni ta mawakgat. Tay amedyo taptapiyan nan ligatyo id wani no itaptapiyo ay mangnemnemnem isnan ligat ay awnit ommat is wakgat.”

Lucas 12:11

No idalomda dakayo isnan apon di Judio ya isnan howis gapo isnan pammatiyo ken sak-en et adi kayo madadanagan is awnityo isongsongbat isnan sos-ootenda ken dakayo

Lucas 12:12

tay nan Ispirito Santo nan awnit mangipagtek isnan isongbatyo,” kinwanin Jesus.

Aapostolis 6:10

initdowan nan Ispirito Santo siya isonga nalaing ay komali.

Filipos 4:6

Adi kayo koma aped madadanagan is kompolmi nodi menlowalo kayo ken Apo Dios ta dawatenyo ken siya nan am-in ay masapolyo dakayopay men-iyaman ken siya gapo isnan am-in.

2 Timoteo 4:17

Ngem egay nangtaytaynan si Jesu Kristo. Pinapigsana sak-en isonga inbagbagak ay gawis am-in nan maipanggep ken siya ta dengngen nan adoado ay ipogaw ay baken Judio. Nangbadang si Jesus ay nangilisi ken sak-en isnan nganngani ay pomateyanda.

Santiago 1:5

Ngem no wada ken dakayo nan kolang nan mangtekana isnan osto ay ikkana dat mendawat ken Apo Dios ta itdona nan ikkana tay men-gasing siya ay mang-ited ay maid polos imotana.