Mateo 1:1 - Kalin Apo Dios

¹ Naay nan kaibagaan din alal-apon Jesu Kristo. Siya nan apon din si Ali David ay apon abes din si Abraham.

Mateo 1:1 Iomraidhean Croise

Genesis 2:4

Siya dadi nan naikkan isdin naboliwan di am-in ay wada. Isdin nangsapowan nan apo ay Dios isnan am-in

Genesis 22:18

Gapo ken sik-a et awnitak badangan nan adoado ay ipogaw isnan am-in ay kailiili. Owen, awnit tomet-ewana tay tinongpalmo nan inbilinko.”

Salmo 132:11

Ninsapata nan apo ken David et adina babawiyen. Insapatana en, “Wadada nan ipatolayko isnan polim ay mentolay ay maisned ken sik-a.

Salmo 89:3

Kinwanim en, “Nakitolagak ken David ay pinilik ay baak et insapatak ken siya en,

Salmo 89:36

ay awnit wawawawada nan mentolay ay anakna et mentoltoloy nan mentolayanda engganay mamaid nan agew.

Isaias 11:1

Nan kap-owan David et maiyalig isnan napoyo ay kaiw ngem dat pomngi kasin et bomgas. Siya nan kanegna tay daet wada nan balo ay ali ay kasin magapo isnan ap-on David.

Isaias 53:8

Dinpapda ay mangdosa dadat ikaan ta mapatey. Maid nang-ikaskaso isnan gasatna et napatey gapo isnan basbasol nan kaipoipogaw.

Jeremias 23:5

Nganngani et nan timpo ay mangpiliyak isnan osto ay ali ay magapo isnan ap-on din si David. Nan ali ay deey et awnit masilib et awnit osto ya nalinteg nan ikkana.

Zacarias 12:8

Kanan nan apo, “Isnan deey ay timpo et awnit salakniban nan apo nan mentetee id Jerusalem. Et olay nan kakapsotan ken daida et awnitda menbalin ay napigsa ay kaneg din si Ali David. Awnit ipangpangon nan ap-on din si David daida ay kaneg nan ikkan Apo Dios ya nan Anghelna.

Mateo 1:18

Siya na nan inommat isnan naiyanakan Jesu Kristo. Si Maria ay awnit mangiyanak ken Jesus et naitoya ay makiasawa ken Jose. Ngem sadapay mentipon et naliton si Maria gapo isnan kabaelan nan Ispirito Santo.

Mateo 1:2

Si Abraham et siya nan aman din si Isaac. Si Isaac et aman Jacob. Si Jacob et aman din si Juda ya nan bebsatna.

Mateo 15:22

Dat omey ken siya nan in-ina ay iCanaan ay baken Judio danat ibibiyad ay mangwani en, “Apo, ay apon din si Ali David, maseg-angka ken sak-en tay pilmi nan ligat nan anakko ay babai ay kinapet di anito.”

Mateo 3:16

Nabonyagan pay si Jesus daet domaka isnan ginawang daet mapewak id daya danat ilaen nan Ispirito Santo ay lomayog ken siya ay kaneg kalapati et pomatong ken siya.

Mateo 9:27

Kinmaan si Jesus isdi dat issan mendad-aanana et inmonod nan dowa ay kowap ay lalaki ay mangibogbogaw en, “Sik-a ay apon din si Ali David, seg-angam kad dakami.”

Lucas 1:33

et siya nan men-alin di Judio ay eng-enggana.”

Juan 7:42

Tay kanan nan kalin Apo Dios ay naisolat id kasin en magapo kano si Kristo isnan ap-on David et maiyanak id Betlehem ay ilin din si David.”

Aapostolis 2:30

Ngem gapo tay mamadton Apo Dios din si David isonga gintekna ay awnit tongpalen Apo Dios nan insapatana ay awnit wada nan bomala ay apona ay mangsokat ken siya ay men-ali et si Kristo.

Roma 1:3

Inpasolatna nan maipanggep isnan Anakna ay si Jesu Kristo ay Apo tako. Nan maipanggep isnan kaipogawna et naiyanak siya isnan naay ay batawa et nan alapona et din si David.

Roma 4:13

Inkalin Apo Dios ken Abraham ya isnan aap-ona ay daida nan awnit mangtawid isnan batawa. Inkalin Apo Dios di gapo isnan gawis ay pangiilaana ken siya gapo isnan kamaid dowadowan Abraham isnan kankanana ay baken isnan nangtongtongpalana isnan adoado ay lintegna.

Roma 9:5

Nan alal-apoda et napategda ay ipogaw id kasikasin. Et si Kristo ay kangatowan ay Dios et Judio siya isnan ninbalinana is ipogaw. Madaydayaw siya koma ay eng-enggana.

Galacia 3:16

Kaneg todi nan inommat isdin nang-itedan Apo Dios isnan inkalina ken Abraham ya isnan awnitna apo ay si Kristo issan nintolaganda. Ngem baken isnan am-in ay ap-ona is nang-itedana nodi kedeng isnan esa.

1 Timoteo 2:5

Tay es-esang nan Dios ya es-esang abes nan mabalin ay makikali ken Apo Dios pala ken datako ta mapakawan nan basbasol tako et siya si Kristo ay naiyanak ay ipogaw.

2 Timoteo 2:8

Ipasnekmo isnan nemnemmo nan naay ay maipanggep ken Jesu Kristo. Adim kalkalingkingan nan ninbalinana is ipogaw ay nagapo isdin si Ali David. Ya adim kalkalingkingan ay kasin natago isonga wada siya id wani ay mangbadbadang isnan ipogawna. Siya dadi nan ibagbagak isnan gawis ay damag.

Naipagtek 22:16

Dat menkali si Jesus kasin ay mangwani en, “Sak-en si Jesus ay nangibaa isnan anghelko ta ena ibaga nan naayda ken sik-a tasiyay ipagtekmo gedan isnan mamati ken sak-en ay madagdagop isnan nateketeken ay ili. Sak-en nan tet-ewa ay Apon din si David ya sak-en gedan nan makwani en batakagan.”