Lucas 9:47 - Kalin Apo Dios

⁴⁷ Ngem getken Jesus nan kankananda isonga danat ayagan nan esay onga et patakdegena isnan sag-ena

Lucas 9:47 Iomraidhean Croise

Salmo 139:2

Getkem am-in ay ik-ikkak ya olay no wadaka isnan ad-addawi et getkem am-in nan nemnemnemek.

Salmo 139:23

Apo Dios adalem sak-en ta getkem nan wada isnan nemnemko. Padasem sak-en ta magtekam nan nemnemnemek

Jeremias 17:10

Ngem kedkedengak ay apo isnan mangtek isnan am-in ay nemnemnemen di ipogaw isonga sak-en nan mangsobalit isnan tonggal esa ken daida isnan kaneg nan inik-ikkanda.”

Mateo 12:15

Gintek Jesus ay kaytenda ay mangpatey ken siya danat taynan nan ili ay deey. Dat omonod nan adoado ay ipogaw et pagawisena daida am-in.

Mateo 9:4

Gintek Jesus nan wada isnan nemnemda danat kanan en, “Dayon nenemnemen nan ngawi?

Lucas 5:22

Ngem getken Jesus nan kankananda danat kanan, “Ngan nan apedyo nemnemnemen?

Juan 16:30

Id wani getkenmi ay getkem am-in isonga adi masapol ay mensoot kami ken sik-a tay getkem nan wada isnan nemnemmi. Siya na nan mangpatiyanmi ay nagapoka ken Apo Dios.”

Juan 2:25

et adi masapol di waday mang-itdo ken siya maipanggep isnan ipogaw tay gegetkena nan nemnemda am-in.

Juan 21:17

Dat pitlowan Jesus ay mangwani, “Simon, ay anak Juan, ay manglaylayadka tet-ewa?” Dat menseseg-ang si Pedro tay namitlo ay sinoot Jesus no laylaydena siya danat kanan, “Apo, getkem nan am-in et getkem ay laylaydek sik-a.” Dat kanan Jesus ken siya, “Banbantayam ngalod nan kakalnilok.

1 Corinto 14:20

Bebsatko, sapay koma ta baken nan laing ay menkali isnan kali ay egayyo solowen is gamgamgamanyo tay kaneg kayo oongong-a is mennemnemnem no siya di nan ikkanyo. Nodi nan naeteng koma ay nemnem di wada isnan nemnemyo. Ngem no maipanggep isnan ngawi, komaneg kayo koma engnga ay adi mangtek ay mang-ikkan is ngawi.

Hebreo 4:13

Owen, isnan am-in ay binoliw Apo Dios et maid mabalin is maigago ken siya tay getkena nan am-iam-in ay maipanggep ken daida. Isonga makail-ilan tako tay siya nan masapol ay awnit tako mangibagbagaan isnan am-in ay ik-ikkan tako isnan natatagowan tako isnan batawa no banagena datako.

Naipagtek 2:23

Awnitak pateyen san deeyda ay nangsolsolot ken siya. Et siya dadi nan mangipaila isnan mamati ken sak-en isnan am-in ay ili ay gegetkek nan am-in ay wada isnan nemnem di ipogaw ya nan laylaydenda. Owen, nan awnitak isobalit isnan tonggal esa ken dakayo et nan kaneg nan inik-ikkanda.