Lucas 9:33 - Kalin Apo Dios

³³ Idi komak-aan san doway amam-a issan kad-an Jesus, kinwanin Pedro ken siya, “Apo, gawis tay wada tako isna. Omset kami is tolo ay bawi ta pala ken sik-a nan esa, pala ken Moses nan esa ya pala ken Elias nan esa.” Ngem aped kinwanin Pedro di tay nasngang et adina getken nan kankanana.

Lucas 9:33 Iomraidhean Croise

Salmo 27:4

Nan esa ay dawatek isnan apo ay kakakayatko ay dawaten ken siya et makiteeak koma isnan templona enggana ay matatagowak ta makigasingak isnan kinagawisna ya ta dawatek nan panangiwanwanedna.

Salmo 73:28

Ngem ken sak-en pay et nan maisasag-enak ken sik-a nan lagsakko. Apo Dios ay kangatowan, sik-a nan makneg ay menkamkamangak daket ipagpagtek nan am-in ay ik-ikkam.

Mateo 17:14

Issan linmayoganda et dinatnganda nan adoado ay ipogaw dat omey nan esay am-ama ken Jesus et menpalintomeng isnan sagangna danapay kanan,

Mateo 17:4

Dat kanan Pedro ken Jesus, “Apo, gawis tay wada tako isna. No kayatmo omesetak is tolo ay bawi ta pala ken sik-a nan esa, pala ken Moses nan esa ya pala ken Elias nan esa.”

Marcos 10:38

Ngem dat kanan Jesus, “Adiyo getken nan dawdawatenyo. Ay makaitoled kayo ay mang-okmon isnan ligat ay awnitko ligaten? Ay makatoled kayo isnan tetey ay kaneg nan ikateyko?”

Lucas 5:5

Dat kanan Simon, “Apo, inlalabimi ay ninsidsidok dapay maid polos inalami ngem no siya say kanam et ikkanmi.”

Lucas 9:34

Daan ay menkalkali si Pedro daet kanaliboo et lingbana daida isonga inmegyat san papasolot Jesus.

Lucas 9:49

Dat kanan Juan, “Apo, inilami nan esay am-ama ay mangipakpakaan is anito isnan ipogaw gapo isnan pammatina kano ken sik-a. Ngem inyadimi siya tay baken tako ib-a.”

Juan 14:8

Dat kanan Felipe, “Apo, ipailam ngalod si Amam ken dakami ta mapnek kami.”

2 Corinto 4:6

Tay si Apo Dios ay nangboliw isnan mangsilsilaw isnan menbolinget et siya gedan nan nangtanggew isnan nemnemmi ta ipailana nan kangatongatona ay il-ilaen tako ken Kristo.